¹ Maha otofu ta ke ingito ,no kembe ari ai jikito uketo ari eha wasiri endata ari ami au vatoe. ² Iji maha te enena embo javote, maha otofu ta pure eora ami endai pure avunu ijikaraja amore maha otofu ta anera mi ke hiuja . eto embo meni maha otofu ta ke avo hioi eora sisa humbuora ue. ³ Maha otofu amita akari avo kito kiae sira eto toatoe ningo ta akari re maha otofu mi ma kiaja . embo eni ami ke ingikarara avo nangota ara. ⁴ Maha otofu amita ahihi otofu mi hande tapa,tapa hietuja .amita fio pemi amika pure re atiora. ⁵ Maha otofu mi embo anera avo enda ai simba ara aja. rate iji vuvurou amore atiuja. ⁶ Eto embo eni ami ke eni ami ke engato ara, embo javo mo avunu re ,eto tofota meni humbati oi ai re. ⁷ Anera otofu re enda embo amika heka ari hare ko ra. ⁸ Maha otofu amore donda betapa amita susura te mane akari eto kiora. ⁹ Eto nango kora, meni otofu re veto ukati anera otofu re enena ta hembai isosira iji tufo be aja. nango avo eto ufaja, eha maha otofu ami ungata kokombari mi kokombaraja. ¹⁰ Rate akari pepemi avo maha otofu tara, amita be aja, haja waja endata eto enda otofu amita pere ra. ¹¹ Amita be tofota ta meni otofu mi nango avo hunbuto tofota akari ai jokaja.avo aja re wasiri otofu otofu ari eto apa eambo tunga humbari jo bemi ara.amita be ,tofo re susu ra. ¹² Eto ami ke engato ena, iji eha emi keti ora, jakekare ejo. javo maha otofu avo avene pe mi ganejo, amita be tofo re susu ra. ¹³ Ehako overeketo ke enga aja ''nau kembe ari avo no ai mija,eto eha re namo maha otofu ta meni undi ka mehena. ¹⁴ Jake ufara amita jo ai meni undi avo sasaha te hamo visi te ra. meni otofu avo meni isisa ite ena, eto nango ta hamo visi ujeje avo ufaja, avo enena amore ambureri tofota ami ahihi samuna amita ivo avo hie vovaja avo eto amita ambureri ami ambureri ta ivo senikati uja, amo ahihi samuna ra. ¹⁵ Maha ta meni otofu re tofota embo meni avo vasiri sisae, amika mane tapai mirora ue afaja. ¹⁶ Amita jene jene re ukatioa anera otofu ai mihaera ,te tofota jene jene Abram ta ve ai mihija. ¹⁷ Iji tutumoi, no nane nameni eto donda tapa ajeketo vuvuto tapa ati uja. au re maha otofu ta pure embo otofu amore maha otofu pemi amita amita pure embo eto, embo meni betapa amita ari vasiri sisae avo horembeto toaja ue. ¹⁸ Rate meni otofu tofo nuha meme kame eto eto keri re maha aja. avo eto iji eha emi re embo meni eto keri ae mera, avo hondate atiuja.