1
Pol re Maha Otofu ta ambotane tapa ra, amita be Maha Otofu ami jikei erereja avo eto.
2
Ningo betapata nane namei humo ra tapa ai me ra da Galesia joi me ra.
3
Maha Otofu eto meni Otofu ta jo ari ningo ka metuija.
4
Amita be amo tofo ta wasiri akari ami nango ombuto ufaja avo eto.
5
Tofo avo usasa ai ma nanofo eto nanofo metuija Avora.
6
Namo osaga ofona ningo sau be embo avo sau be kuvorekorova mi ne amita ta be amo ningo amita jake ake ai ue tutu homora eni ai pambova.
7
Hum ra eni miae ra te embo eni ufo ami humora ke be avo aferekati ora.
8
Rate humora here ingea avo unga ta anera ami ke eha o humora eha tembeto atuja amore mem pemi be hako avo vuvuto humora ari do here eha ati ora embo amore meme umbara ue ija.
9
iji maha mi humora ari do here ingeva avo jikoto mirovo hako avo vuvuto humora eha ati ora embo amore meme umbara ue ija.
10
Namo eha avo ra ari mo embo tai umbaone o Maha Otofu tai umbaone? Namo enda tai avora ari umbatona amo namo meni Otofu to pure embo be mane ra.
11
Nau nane nameni humora ari ingeva amore enda embo ta mane ra.
12
Humo ra evi nane enda embo ami hiae umbaera te meni Otofu ami jokaja.
13
Ningo ami namo do ite amo ingi karava Maha Otohu ta tofota humora avo aimbeto timbeto ana.
14
Humora nau amo Judah eto, namo ai pemi ana enjo hoi ka eto meni nau ka, avo ue nau Maha tofota humora Maha ai miona.
15
Rate Maha Otofu ami nau aha ta orie jo ai tofota jo ari ami kokombeto hiei vuviana.
16
Avora te tofo ta meni avo hiei nana vuvi aja ami ta be amo tofo ta ke ana ue namo iji eha emi rw ando visi eto sasai miaera.
17
Namo iji amikote avo Jerusarem ai Maha ta pure embo meni miara ai eto overekarana.
18
Eto jua ero tapa toto avo namo da Jerusarem ai pambuto embo nameni Pita iji 15 angato miana.
19
Amita jo ai miana amo Maha ta pure embo meni avo kambae rate James meni Otofu ta nameni avo hanana.
20
Ke eha kakujorona amo Maha Otofu ta tiri ei kake eha kakujorona, namo ke sekava kajae ra.
21
Anga eto nma da Syria eto Silisia ai pambuana.
22
Namo avo be ofa aera humora ari doko Judia enda mo mere.
23
Embo meni ami ingito, enga ara embo emore nango ta humora eto ke be ari aimbeto tinbeto aja embo emore nango ta ke akari eto Otofu avo hande uja,
24
Anga ei embo meni enana ami Maha Otofu jakeka ara namo avo embo.