¹ Avoeto Maha Otofu ami pure nagota avo arauhe, jokaja, tofota jo ari ami afurukau. ² Eto donda samuna avo mane be ati ora amita be amo Maha Otofu ta ke aferekari ora avo embo. Eto embo meni ami nago kembe atora, amita be ami nago pure akari era avo eto. ³ Ato ke Otofu avo ujukate ora amo embo Maha Otofu ikiketo mehera ami ujukati ora. ⁴ Amita be enda amita ahihi susumuna ami embota orembari avo afurukuruja avo eto, meni Otofu amita hajire, tofota Maha Otofu inonobe avo kia kambae ora. ⁵ Avo eto namo, namo eto mane atora, rate nago re meni Otofu ta pure ari embo ra. ⁶ Maha Otofu ami hariketo ija, Mume jo ie, usasa avo pejati uja amo nago ta jo avo pangatuja usasa avo pangati uja amore Maha Otofu amita avo meni Otofu amita tiripe ai pangati uja. ⁷ Ate nao ena amo donda akari avo ongesi jo ai re meja, eto ivo avo nago ta mane ra rate Maha Otofu amita avo mija. ⁸ Nago hena ai bovu pemibe vuvto fuja te ami ahu mane vari ora. ⁹ Wasiri samuna nago hena orate Maha Otofu nago toto ku vorekara amita be amo nago tera-kajera rate meme eni bumbae era etoa nago viera. ¹⁰ Maha angato nago jo ai meni Otofu avo meti uja eto bada ta wasiri eto usasa avo nago hiena ai re keto ora. ¹¹ Iji hena emi, embo avo ambura mijah ami meni Otofu ta ambureri eto wasiri avo tofo ta jo ai mijah kito, amore meni Otofu do eta amore nimo ena ai keti oi. ¹² Amburari avo nago ena ai pure ati uja, te meni Otofu ta akari avo nimo henai pure ati uja. ¹³ Rate nigo eto nago amo ahihi Otofu tapa amita ivu amo be kebe era mine embo tiri jikeri ami kakujarara avo eto namo kembe ihe ke re hevira. ¹⁴ Nago kora Maha Otofu ami meni Otofu avo jikeri erera, ami nago gikou erati ora Meni Otofu ka. Nago kora eto nigo avo humbuto jo ari amita jo ai heti uja avo eto. ¹⁵ Donda be tapa tapa eha amo nau ra, eto Meni Otofu ta jo ari pemibe avo kouve embo meni ami Maha Otofu avo e'e ati ora. ¹⁶ Avo eto osaga ati ora. Kembe ena, ando nagota avo sari ati uja te, nago ta ahihi amore eha be ati uja. ¹⁷ Eha iji tufo ei, meme kame ami nago humbuto pambuto meri akari etto tutumo mane ati uja enda ai heti uja. ¹⁸ Amita be amo, donda tiri ami kora avo mane kembe hati ora te donda tiri ami kiae avo kembe atora.