¹ Pita, ava Iesu Keriso da aghii kato eini ra, Eta God nase gegenembo simbugusira ava gategetiri Pontus,Galesia, Kappadosia,Esia, kotu Bitinia forovensi ama andive ajagha ajagha isera. ² God Mama nunda garida etiri, Iesu Keriso da ambo ambo ari Asisi de onono de araimi ava seghe gategusira. Etiri koma vevera de jamojamo de araimi namonde-nanda joka da baje nembobe airira. ³ Namonande-nanda Mama God, Iesu keriso arava sakai sare. Ainda joka da , Nunda joka ari nembobe , ava namonde nanda bekirae ainembo se, Iesu Keriso ambarida ge erorusira , etiri seka sirore , irari eveva rurusera. ⁴ Amingo use ava namonde God da, simbugerira fefera avara amboda, utuda buvaira arava kaifa use irare. ⁵ Tumondari ninda ava God da ano mi gangaru futira ava irari ge eveva simbugetira ava iji amboda futairira. ⁶ Ni oroko da ava yaufe airesate, kotugo itoko irise dara osuga ijo irae einide einide araimi ari ni koma vevera airesa. ⁷ Ereiva ninda tumondari fute garira, kotu ninda jebugari ava jo auri goldi amingo irae ra. goldi ava jo borere jako gambari ava vevera mi fugare ave seka edorira amingo Iesu nunda durogha de kakara ava mutari bairera. ⁸ Ne Iesu Keriso jo gaerate, kotu ne nu koma ere rureva. Kotu amingo nembo ne nu jo gaerate, ne nu geka beka use nu sakai sise yaufe de durogha de futairera. ⁹ Oroko ni ava ninda tumondari da, ari mino ava ninda asisi da irari ava baresa. ¹⁰ God da buro kakato mi irari eveva ava ijuje gedota, ara geka koma bari sisera arava ninda ari. ¹¹ Ainembo ge, se ningusera genembo mi reseri tamo o, Asisi Kakara mi nunda nangigo setiri reseri. Ainembo ge asisi mi atode einini durogha gari eveva arava amboda futari baireva. ¹² God nase numo kena matu fufutusira, eta nunda buro jo numo berari se sonebari irae ra,kotu nimonde daba. Genembo avese oroko eini-eini da geka kamena,buki kakara da resira ane Asisi Kakara mi utu da ge dirigetira,ane kotu anerami ara einini ava gosira. ¹³ Ainembo diika beka fange, dunumugari de geka beka de, use irare Iesu Keriso kaverege furari. ¹⁴ Ni sasingu avese geka eveva ambo-ambo edoresa ava use enada ujo eyose ta, ge darige eiyo. ¹⁵ Genembo avese ni kakara sairira kotu nimonde daba amingo nembo ava ninda ivata da berari ege ¹⁶ Emingo resira ,kakara beka eiyo ainda beka na ava kakaragora. ¹⁷ Eta benunuda God da, ' Mama saireva. Arate nu gegenembo berari inonoda gi-i do rira ava use, nunda oju use ava enda da irari ge sisira. ¹⁸ Ainda beka, irari akogo mambu be mane da ijugetera ava goldi o siliva amingo irai ge ava segha se daimbairira. ¹⁹ Amingo, Ninese aetesa katogo, Keriso nunda onono eveva araime, oka sifu amingo ora ganagu de isoso de tefo araimi namonde nembo se afusira. ²⁰ Utu de enda de sirorae iriri God nase matu nu avegusira. arate oroko da sirorari iji amboda ava mutiri isagha da vitira . ²¹ God numode ge ni, Nu geka beka resa, gegenembo avese Nu ambaridage jighiri erorusira duroghade kavevere geka beka ari God kena mutu. ²² Eteso ninda asisi geka beka e ambo ambo etira. ereiva koma bari naninamendi,ainembo ge koma bari minode-minode knamo joka da evo. ²³ Ni sekago Mama God da geka da siroretesa, daba amingo veka enda bekirai ge futidorera ava vitaedo rira, kotu enda eveva da veka govedorera ane God da geka da iridorera. ²⁴ Ainembo, gegenembo berari ava eke ingera, eta Nunda duroga berari ava satoda ingera. ²⁵ Arate God da geka natofo irairira. geka kakara eiva nemo kena kamena airera, ambo vosedorira.