¹ Ainembo asisi bekirigae ava demonda futairesa, ari aekogo, kotari bekiriga, gavera geka ava doyesa. . ² Seka ³ fumbari mandi ingego, asisi da ami mindaso ninda joka da bajare ge natofo irase. . Mina bairesa ge, God ni koma rurira. ⁴ Numo kena fuyo, nu ava irari singoi ra, gegenembo Nu ujai usera te, Nu ava matu karigusira. ⁵ Ni ava teta singoi ingege ra, matu dadorusera araimi vite buvo asisi kambo ingege ra, God da buro gegenembo ne ya Tabuno reghi ama nu sakai sedorera. ⁶ Ainembo, geka emingogo setira, na gi na ava irari singoi, singoi kori Jayon joka da ravena. gari beka-a, matu fufutusera. ni avese nu tumonde airesa, ni meka jo airesa. ⁷ Ni nu tumonde de, geka beka airesa. asisi kakara ne ninga mata natofo irairira. nu avese geka ningai airesa, kambo ari gegenembo aimi nu ujai usesra, aimi buvo demonda kofiri usera. ⁸ Javi singoi aimi fakara mane ava dari singoi durudoime rera, berari javi edorera, ainda beka nu geka ningae dorira, ainembo nunda buro nu matu karigusera. ⁹ Te nemone matu karigusera gegenembo, reghi nembodaba da bajari gegenembo ainde Tabuno nati nembobe de, ara gegenembo ava God da tofo ra, ni asisi da kakara baira, ainembo kubi da iresa ava do vite usasa da fuvo. ¹⁰ Giti da ne God da gegenembo iraira te, oroko ava ne God da gegenembo ra, ne nunda kakara ava baera, te oroko ava ne nunda kakara beva. ¹¹ Komabari ,na ni kori resena , nati ajara genembo , reghi eni genembo , fuyo nanda knamo foforo joka da terase, aimi ninda asisi ga ambovo rira. ¹² Ni ava ari eveva Jantails da soroda ava aso gairera, ane ninda kori da kiki bekira de aribari aekogo airera, ninda buro eveva ava ge do ta, God ava tumonde ase buvare. ¹³ Gegenembo berari da aghodari ambo airesa, Bada nembo sise airesa. Enda da bajari kotu kera airesa. ¹⁴ Ainde, reghi nembobe da babajigari, ari aekogo gegenembo da mino fufutuse, nu avese eveva irairira ava sakai sairera . ¹⁵ Ane God da ujo ra, aso ninda kakara eveva aimi nunda geka aekogo de, kotari aekogo ava doyera. ¹⁶ Gegenembo tefo irari mane. Nenda tefo ireva use bo nenda aekogo gajeyove, ne teta Iesu da buro gegenembo ava evo. ¹⁷ Gegenembo berari kakara airesa, namemdi koma buyo , God oju eyo, enda da bajari kakara eyo. ¹⁸ Buro gegenembo, nenda bajari da tuka da fetevo, nu kakara eiyo. ninda ari aso gegenembo eveva de Jentail da babajigari berari gairesa, ari aekogo gegenembo doyose. ¹⁹ Ane sakai tofo ra, gegenembo avese vevera de, boghu ere rurira, ane nu God da geka kariguse ge nu vevera rurira. ²⁰ Ninda osisa nangegogo de, ninda aekogo de aimi ari riroga tambairesa. eveva etesa te vevera de riroga ava re tafesa. Ane God da kakara ava ere tafesa. ²¹ Ane ainembo nimone kori resira, ainda beka Iesu nimo nembo vevera rurisira. Nunda ivata usira ava ambo ase da ata kotu fufutusira. ²² Nu ari aekogo jo aira. Nunda be-ka ofu da geka bekira jo tambairesa. ²³ Nu bugho bo tetorusira ava nu jo kaverege yaera, Nu vevera rurisira, te Nu kaverege isira gegenembo avese Nu kasairera kena isira. ²⁴ Nusuka nangane da aekogo ava Nunda tamonda bodo, ava orega da dorusera. ainembo nangane da aekogo segisira, nanga emboro jo fate yairera, nanga natofo irari usira. Nunda onono mi matu yoresege sira. ²⁵ Ne berari ava oka mandi ingege tefotafo fetaro nangeva, te oroko ne ava kaverege buvo nenda simbari kato da reghi feteteva, nenda asisi simbari gangaru joka da feteteva.