¹ Da Dielusalema ee tie solialeu lahani votini vesusege da Banabasi ta Taitasi lohomegei aboili Dielusalemae tievelu. ² Da vaeatilu DILAVAu au nona da haivuale ke loui mulimuli Diu ata ke haivei dubuiave vae alolo age ea evilu isege kosiabe kitae ke sekiai lavigelu da memila aleke isi aike da senisiai loi DILAVAu hau ale keu selesolilu isito leleve ulalega da ke loui hauai tiva. ³ Da ata ke haivege ea nona valu isito Taitasiu Guliki ata keu dati ulu. Da ola soliale au Diuia aveveabe ai au veuivale vateve letulisi. ⁴ Isito ata seleavevale ata kea ekalesia aveve late ai sekiai Taitasi laviai avoe ai veuivale ke vateve letuli ea olai Taitasi seleavage au ke ai Diuia vateve letuli. Ea olai Taitasi seleavage au ke ai Diuia kasidomu o aveveabe ke lovai, IESU KELISOu Bolo haivuale ke kalevai Diuele lovai aveveabe late ai. ⁵ Kea kateige lo homasialu kotoeabe evilivelu lo kotoeabe bavui olale DILAVAu la agigei. ⁶ Isito Dielusalemae dubu kosi kitae kea uito da ke huhuge solilu kosealelu DILAVAu ata vavale aveve ke kaoalivelu bele isito aule atau uvu ke kaoai au uvuve keu duave bela toelalu. ⁷ Kea di koto ke evisi luleleige DILAVAla au hau ke vai damulu ige da tiale koto ke loui Diu ata oliesoliale ke haiveva. Kea luleleige DILAVAu luta Bita haivui letatavage Diu ata olie soliale ke haivelu isi DILAVAu data letatavalu. ⁸ DILAVAu au siau damuge da Diu ata olie soliale ke haiveva DILAVAu memila kateai au siau Bita vavuge au Diu ata oliesolilale ke haiveva abositolo olisive. ⁹ Bita igaliu hau ke a solilu isito Dieimisi Bita isi Dioni keala hau avale kea kosive kitaeala kea iale kea ivage DILAVAu dalu hau ke letatavalu ige kosive kea da Bolota Banabasita loi ada katui loui avoe alea mulimuli Diu ata ke haiveve isege loeale Diu ata haivei. ¹⁰ Kea kateai louito koo koseale lolai loulu laeale hauiabeu uesoliale ata keta dulugeve isi hoeaseaveve ige data hau kelu olalela ea loulu. ¹¹ Daa vali voleo Anitiokae usege Bitau loaleu aveve vole toela age da ataea nita avolu loulu, aveve kosealeluga da avolu loulu. ¹² Bitau Diuia ata olie soliale keali ugulumai aboili lovi iva isege Dieimisiu ekalesia ata vole Dielusalemae hanavege Anitiokae loevelu. Ige Bitau ke ivei au aboili lovi ivale ke kalevei aboili lovi ie solilu, kosealelu Dielusalemae uale Diu kea olale ata kea kalaeabe late ai abo vudiu vate boisi kelegau Bitau ke ivei vabuai itilu Diuia ata olie soliale keali lovi iesolilu. ¹³ Bitau kateige Anitiokae Diu ata volea Bita luvita lovi ivale kea kalevalu Bitau aveve ke ivaive. Ige ata volea Diu ata oliesoliale keali lovi ivale ke kalevalu, kea kateai sele aveve ke age Banabasita ke ivei lovegelu. ¹⁴ Ige da aveveabe ke ivage keu koto leleve ke lova solilu koto leleve keu loui avoe Diu ata isi Diu ata olie soliale kea vole latala kea. Ila age da kobelai ataea nita Bitalu loui kosealu, au Diu ata iale aule abolili ui aveve be kelate aso. Isege aa Diua avevete ala age da alu loulu. ¹⁵ Isito da lalai koto ko louge evive Bita isi daa loea Diu ata lolaea, loi aia vea lo kouevege loea Diuia ata olie soliale ata kea toela late asolisi to Diuia basuale lovaevelu. ¹⁶ Lo huhuige loea Diuia basuale lovaeveale kelu DILAVAu ba loui kosealivelu bele. Laea atau dua lalai kea. Lai lole Diuia basuale ke lovai tiluaga DILAVAu ba lailolai sisilalivelu bele, lai ataea basute lovalelu. ¹⁷ Isito lailole IESU KELISO lovai tige DILAVAu nile lailole atau dua olievei, uitigei. ¹⁸ Daa luleleige da memila Diuia basuale ai tiale ke kalevalu isi uloho tota ke a voleage dau aveve toela ai oivale ata dalau Dilavau nile. ¹⁹ Daa memila Diuia basu lovalu isito aike da ke kalevalu ata vadeu voeleale keu ba atau koto evilivelu bele. Kelate da aike basuale ke lova soliva isito da olale DILAVAu vadeu louale ke da ai DILAVAti ui. ²⁰ Daa vai IESUta Satauloeavalu ige dau dauvu uesolilu isito IESU vealiga daa ulu, da ave mauli kole uale keu vavau isivi o evievi kelega da ulu. Isito DILAVAu vo IESU KELISO keu amiga vai damui dalu voelealu lati lolaigau volealu abo idiu tavale ikokota kokoige. ²¹ Iale DILAVAu lailolai uvuai au voo hanavale kelu lai ba homasiavalivelu bele, isito lailole avolu sisilai lovai taevei. Kalau duau loi kitaege IESU ba loi voelealivelu bele isito kalau toela keu loi kitaelage IESU kelu lo voelealu lai lolai isi amigalu lalo agigelu.