1
Dau dii ivila Bolo, ataea da letatavai da hanavage da abositoloea hau ko aa solilu, isito lailoi mama DILAVA voelele IESU KELISO isale kela da letatavage da abositoloea lovi ko ava.
2
Da levaleva ko kisaia Galatia dubu bahata lake nenilai hanavalu. Ige koveo evievi ataea daluvita uale kea abo sisila nona loui lalai hanavalu.
3
Da olalela lailoi mama isi lailoi kaka IESU KELISO kea la huhugei la hoeaseavege lale udua ave.
4
IESU KELISOu au olate ai amiga vai lai loi toelalu voelealu, isi lailo takoveai amigalu agisi au mama DILAVA valu vatau toelage ivaive.
5
Kelu lailole valibahata DILAVA hoeaseavagei keu leleve ula.
6
Daa tete kitae alu la ivegeive la aike kuiakavai la toiaveale IESU KELISO nonau dua kalevai to nona tolove evisi IESU dua keta kalevai tievelu.
7
Nonau dua beta ue solilu isito IESU nona kela abo ke kalevai volea alolote evisi IESU vile kalevai tievelu.
8
Isito au lo bea o o otogou aneluia otolovai loi, IESU koto ko loui aloloige ata keale ke isu vai kosealelu koto ke igalila llo ke loui ata haiveva.
9
Lo memila nona ko loulu iale da tota lou volealu ivage ata volea tota ke loui aloloige keule ke isuvai.
10
Au dau aike koto ko kaoai ata vai sisilatilivelu o Dilava? Au da kaoai ata agigei sisilatiluaga, dau IESU KELISOu hau ata olie solilu.
11
Da olale lea ko huhuave di kakoluvuia da koto ko aloloale keu atau nona olie solilu.
12
Da atabeu aile nona ko vai aloloai loui ata haive solilu, isi di kineu huhuibe asolilu isito keu DILAVAu da haivuale nonala da loui aloloiva.
13
La memila da vadeu ai ekalesia kaveale Diudasimu vatae kela evialela da DILAVA dubu lehosiavai atave kavelu, makageive da olai kavei vesuiavei.
14
Di kakoluvu moeaga da agigei aboili aveve toela kateale ava, da abolai mamaive di mamau avale latela daa keava.
15
Isito DILAVAu di aiau uvue da lekoveai vai kuva voleo vaeavalu isi da toiavai au huhui kitaele.
16
Isi sisilai au vo vai da haivulu ige da vove ke loui aloloai ata vole haivelu kea Diuia ata olie soliale, mulimuli ata.
17
Da Dielusalemae vaea tai memila Abositoloea hau aleke ive solilu, kate solisito da kalei Arabia vatae tilu isi kuialai Damasikasi vatae lolu.
18
Ige ke iae lahani abutita igalita vesusege da Dielusalemae tilu tai Sebasi ti ualeu vali ni vivitini.
19
Isito da atabe iva solilu Abositolo be isito Dieimisi IESU ko keta Bita ta da ivelu.
20
Da koto louale keu sele solilu.
21
Ige da Dielusalemae uale kalei Silia ta Silisia vatavaeabeo tilu.
22
Vali kela da Dielusalema uale ke Diudea ekalesia kea da iva savalu.
23
Isito evige abo lavigei avoe atabeu tuvuai lailoi kakoluvu kavevale ata keu ave IESU sivalai loui aloloai ata haiveva keu memila ekalesia kavei lolae ata keneni kaveatisi. Iale ata keu ave kuialai DILAVAu nona loui ata haiveva.
24
Ige ata kea ke evisi sisila kitae ai DILAVAu guliguliavai ulu.