³ Isito daa huhuige kea aboi olale hau kitae agisi ata vavelivelu kelu agisi loamelu. ⁴ Ea olale loo hauiabe ke agisi Diudia vatae ata kee dulugei vaevei. ⁵ Lo huhuige ata kea hauiabea ue solila age Ekalesia ke ivai luta abo uvu vai Kosive Dilava vavuito,Dilavau olale aboi uvu vai loemei isi valivelu uvule loemei. ⁶ Taitasila luta Diudiae ata dulugeve nona ke louge laa kee evisi olale Diudia ata ke dulugei,kelu dale tota Taitasi hanavage eu tai lai adale moni agisiloi ata ke dulugei vavei. ⁷ Laa aveve bahata avale keu duave, lai evievi kele meliave. Isi laa kotole lulele ai loui ata haiveva isi laa lolai olava, isi lo duluge dua aeviva katealelu lai uvu agisi ata ke vavei lai haule ata ke duluge duluge dua ave. ⁸ Da olae solilu aveve ke bavuge laa ke alivelu,isito Magidonia ata kea kee aii ata ke dulugeva kela da ke loui laa haiveva. Lai olale haule kee dulugeve. ⁹ Laa dibage lailoi Kosive Iesu Keliso keu lailo huhugei lailo hoeasevei Otogo keveo keu hauve moeagaea ulu. ¹⁰ Keu aveve kateale ale kele da huhuige la memila lahani vole ke uvue lai obeleni otovege iviveu uale kee otovegau vesui, la memila lai olale Dubu voleo moni otovelu. ¹¹ Katealelu meliai,kobekavai iviveu uale ke otovege vesui la moni louale ke ivi. La hauai louale ke otovege vesui. ¹² Lale lai olale moni ke otovege Dilavaule ke ivai sisilai la moni kitae agiluga moni kitae vaeava. Isi moni eseve valuaga moni eseve vaeavage keta duave. ¹³ Da olae solilu la moni kitae ata vaveito vagala ta uevelivelu. ¹⁴ Isito la aike hau kitae agivale kele ata ke dulugeve haule.Ilivelu vaoe valiu toelau laele loige ea abota la dulugei..Katealelu la ba aboili uu toela alivelu bele.kea lai kakoluvuiala kea. ¹⁵ Bekau kotou kele loui avoe Dilavau lovi vole mana Otogoe aneluia lovi ke iselalai hanavage ata volea moeaga agievelu. Isege volea eseve agilu.Ige kitae agivale kea vole agisi eseve agiale ke vavege.Ea aboili vole late loviu nenike agievelu. ¹⁶ Lo dilavalu sisila kitae aevelu. Kosealelu Dilavau Taitasi uvu hoeaseavage. Lo la haivei la dulugeale ke late.Keu ola kitaeai.La haivei la dulugei. ¹⁷ Lo au laeo tiveve koto ke loui laviage eu evisi olai sole kata laeo tai la haivei la dulugei. ¹⁸ Lo ke hanavage.Evievi ata voleale vaviti tai.Evievi ata Keu Dilavau koto loui haivege Ekalesia bahata hauve kele ivive letatavalu. ¹⁹ Abo ke letatavai olavale lole avoti obeleni agisi talivelu diudea ata ke vavei.Ige ata keale lai vavuale ke ivai Dilavau ivi hoeaseavai. ²⁰ Lo ata a buti ke hanavage abole laeo loi moni ke agisi.Lo olae soliale la ke huhuai loui koseai Bolou amigalugau moni Ko bosi agiva. ²¹ Isito lo olai Kosiveu nile a veveu dua ula ai.Ataea nitale ige abo ke ivai. ²² Katealelu loeale loi kakolo vole hanavage aule Taitasiti abo ata vole letatavale keali tai moni ke nekovai ui o naliai ui. Ata Keu atau dua vavolo site ata. Lo ivage keu vali bahata Dilavau haukalale meliage. Keu olai loi la dulugei. Eu luleleige lale kotove evisi, duluai,Hoeasea vai. ²³ La ivage Taitasi keule dati hauai, la dulu gevale ata.Taitasi keule ba evievi ata abuti lohomegei laeo loi. Ekalesia keveo uvale keala ke hanavage laeo loi aveve dua ai la Hoeaseavege kele Kelisou ivi Hoeasea valve. ²⁴ Kea loige abolai olai Hoeasevei dulugeve Lai Kateale abolai age.Koveo Ekalesia kealeke evisi lai sisila ai. Lai aveve dua loui la letata vegei.