¹ Di uvu huhui kakoluvuia lai lolai koto koseale Dilavau loulu,avoe lai Dilava vabuiavai vavau aveve toela bahata ke kalevai huhui toela ke neni kalevai to aveve dua ula aii uveve tuvuteai uevegeve. ² Loea laele avevebeu toela as savalu.Isi laa seleave solilu katealelu lai uvu loameve. ³ Da Koto ke loui olae solilu la agigei toelatigei.Isito da koto louale kele loi uvu bahata laele ulu. ⁴ Da lai aveve ke huhuai lai sisilai huhuage laeale bahata uu dua aevigei.Katealelu vali moeagale vateu tuvu loele loige da ke huhue solisito sisila ulale uva. ⁵ Lo vali voleo Masidonia vatae tialea usege aveve toela moeagaea loele lolu.Ataea voleali ugologoloai volelai louva, ige lo aveveabe ke ivai vabualu. ⁶ Isito Dilavau loi uvu vai melitige lo melievelu, kosealeluTaitasiu lolai loige lo kele sisilai meliavelu. ⁷ Taitasiu loale ke ulale loili sisila solilu,isito eu loi laa bahata vadeu avale dua ke neni lolai louge lo evisi lalai sisilalu.Lo evige laa Misinali Taitasi ke naliava dua avaga eu tota kuialai lolu. ⁸ Da lalai kisai vole hanavale ke huhuige Di uvu isualu, da vabuai koseale huhualu isoho Kolinito ata keale kisai ke ivai Isu kitaeaevei Isito da ke hanavage duave. ⁹ Da aike lai koto ke evisi sisilalu .Isito la isuage Dilava la hoeaseavege la avale toela ke kalevale kelega da sisilalu. ¹⁰ Isito la isuale kele Dilavau lai uvu lekoveige la aveve toela avale ke kalevai ukolikoli kuvalaga la ke tiva isi kele lale uvue solisito sisilave.Isito vatau ataea isuivale kea voele kuvalaga kea tiva. ¹¹ La dii kisai ivai isuivale kele Dilavaule la hoeaseavei.kele la kobekavai aveve toela la avale ke louge lale kelu sivai, homasiai ba kotove evilivelu bele,kele dale la agisi duatige lale kele dalu olave. ¹² Da kisai ke kisaiai lalai hanavale keu aveve toela avale ata ke ulalaiga da ke kisaialu olale la Dilava nile lai uvu lekoveale kele ataeale huhuige laea lo lovelu ige lai igali. ¹³ Lo lai aveve dua evisi sisilalu La Taitasi duluai vai duatige eu sisila kitae lalai alu,kele haule meliai ulu ige lo ke evisi sisila kitae lalai alu. ¹⁴ Da vali voleo Taitasi laviai kosealu Kolinito ata kea aveve dua avale ataeala kea.Ige la ke duluduai hoeaseveale kele da koto louale keu sele solilu Isito da vali bahata koto leleve ula louvale kelu da Taitasi laviale keu leleve. ¹⁵ La Taitasi vavae taliveluage lai vavakou avolu savave ula, sekiai avoluvita uge keu duave.La kelate avolu avaga eu taitota lalai uvu kitae aii tota lalai sisila kitae alu. ¹⁶ Ige da Bolota lalai sisila kitae alu.Lai aveve dua kelu, da lai aveve dua ke ivage lai aveve keu vali bahata laele uvalela keu.