¹ Ate ere ki iji tutumonda amo basiri sasamuya be eto iji honhai ara irotuya. ² Amo embo ingo eonga tunga humbuwu katora hambota, humbota tunga humbatora, sarika bee, tunga jai uwe embo nei kiae tumba, mana embo nei embo kee jai hari, eh mana hotohu ta jawo humbasa, eto pusuta ari sasamuya arita uje pere atora. ³ Endata kogombari ambu ambu amo embota jo taerekari irae, eto tunga humbari irae, kee sokowa pere embote atuya, eto ari jajai arita uje irae atuya. ⁴ Embo nei ari sasamuya arita kee pere atora, kee jajai embo neida ingari uje ae atora, kee sokowa pere tukapayei atuya, tamoda uje ara tuka uwe, Mama Hotohu uje ari ara aekoko atora. ⁵ Mama Hotohu ta basiri iko pere atora embo pamone ainge amo Mama Hotohu ta jawota kee sokowa atora, ainge embo pamone amo tohowo irae ai. ⁶ Ate embo nei angoho amo mande basiri sasamuya da jo ai toreto pamone mei ari sasamuya eora ara jigiora. Pamone mei ainge amo basiri sasamuya da hotembari iketo iriora. ⁷ Iji nandoho basiri jajai ta hotembari amo humbuora ate kee jajai amo mana bee humbatora. ⁸ Dei tambu tega tawo ainge ta Janes te Jambres te heteto Mosis tai kee sokowa irae ke jiera. Tawo ainge tai kee sokowata hate ikari embo ai heteto ara kee bee kee ara irae ke jija. embo einge embo amo hotembari jajai te pere rate kee bee ari irae ra. ⁹ Embo eto pamone mei einge iko amo mana hoata ambatora. Ingota basiri sasamuya amo ingana ena arapa atuya. Tawo ainge embo ari sasamuya embo te tawo. ¹⁰ Ate mohena amo kee ambo ambo atoa, mo eonga simba atoa, hotembari jai atoa, kee be ari irotuya, tunga humbarita basiri eto irari jaita irari ara mode tawo irotuya. ¹¹ Na dei jawo Antiok, Aikonam eto Listra ai isoro embo tambuto eto bouka payei be tawo eto humbuto uhena. Ate embo tuka mi puto na bouka einge tai ara toto uhaya. ¹² Tawo eto embo o pamone indami Mama Hotohu ta basiri tega ai irotora amo tawo eto, Iesu Keriso ta jotai iji samuya amo tambatoa. ¹³ Embo sasamuya de kee sokowa ari embote ami ari sasamuya amo aro tuka be atuya. Embo mei amimi amo embo eto pamone mei jajai ta hate ikari sasamuya ara ikatora. Embo eto pamone mei sasamuya eora amo ari basiri amimi jota sirari iriora. ¹⁴ Ate moena amo kee be ari no, ate iketere uwa eto no kee bee ari ai eteto iriyo. Kee jajai indai kevuea amo mo eonga kevoa awara. ¹⁵ Mo mei isaputa midie, Giu Pari ari amo kiari awara, emimi etei mo embo nei jai tawo etea, eto hotembari jai te tawo ete kito Mama Hotohu mi mo no kee bee arita Iesu Keriso ta jawota uwuiya. ¹⁶ Kee perari Buki Hotohu ta kayari amo Mama Hotohu mi ari Koropa arira. Kee emimi amo embo kee bee arata hondate uwe sasamuya tiumbari amo tawo eto eoi kiora, eto embo pamone doko ta jai eto iroro amo sirikeuwa. ¹⁷ Ainge rate Mama Hotohu ta pure ari embo amo koropa ari humbatuya eto pure jai arita siya ara atuya.