¹ Mo araembo nau mei be Iesu Keriso ta peka jotai koropa eyo. ² Mo doranja namoena ingea, embo neinei midere, kee be ari embo mei kogombau ara embo nei angoho ate ikai. ³ Iesu Kerisota isoro ari embo ainge eto memei be humbuyo. ⁴ Isoro embo indami mana basiri ta hou jotai irotuya, ainge eto au embo nei ara tunga jai ai. ⁵ Tawo ainge embo indami konjari embo ainge atuya amo mana kogombatora,awotari ambo ambo ae araembo. ⁶ Opure onhai ari embo amo tohota pondo tutumo kiti humbutaya. Kee nanemi enena. Kee nanemi enena ere hotembeyo amida be amo Bada mi dora perari no hotembarita ikatuya. ⁸ David da bee tai Iesu Keriso sari eto yako eruruiya ara hotembeyo nau kee hotohu kayari tai. ⁹ Tutumodai na pengene embo ainge tigari midie memei humbuona. Ate Mama Hoyohu ta kee amo tigaera. ¹⁰ Araembo do perari amo nane embo mei avikari amida huru ona,ainge ano Iesu Kerisota hotari ara humbare eto amida usasa peka te tawo. ¹¹ Kee emo kee bee bee ra. Ingana bee embo amide sari aetera kito amo ingana embo amide tawo irae etera. ¹² Ate ingana jai irisa atora kito amo ingana bee embo amide tawo irotora. Ate ingana embo ara toatora kito amo ingana bara embo amimi toatuya. ¹³ Ingana kee bee aete irotorate, amo iji nandoho be amo kee bee arita pere irotuya. Amida be amo mo eonga mana kee sokowa atuya. ¹⁴ Doranja ara yako eto ingari ari, amida mine ara Mama Hotohu ta tombuta ate mana kee mi borujimbatora amida be re iraera, ate embo ingiora ara eoi sasamuna eora. ¹⁵ No pure be ara eto Mama Hotohu ena ikeyo awara ari tawota, pure ari embo mei kiae jai bee bee ari kee ara humbuto hambutaya. ¹⁶ Ate ejaa kee eto kee bee ae kee amida amo serikeyo amida be amo mo humbuto kee be ae pure ai ikatuya. ¹⁷ Embo mei amide kee amo korere sasamuya be ainge iko embo ta dei hambu uwa. eto korere amo be sasamuya be ra. ¹⁸ Kee be ta kee ara sokowata jie, Iesu madu erarita kee ara jie embo nei angoho ta kee be ari ara teto peyeora. ¹⁹ Awarate, Mama Hotohu ta eratu ami ari tohota susu amo be heteto kogo arira. Bada re embo tohota be indawore amo kiari bera. Embo mei Bada ta jawo iji nandoho eora amo pusuta ari sasamuya amidai mana irisa atora, ate ingo eonga be irotora. ²⁰ Oroho mande tukatai amo atara sanimbari eto nei tamo hawara ami pere iraera, ate ji eto pusu tangi amo nei amo be jai be ta jigama eora eto jai aeta jigama amo eora. ²¹ Araembo, embo awo doranja amida tongono irae kito, embo amo hotohu ari ovu ra, ara embo, embo amo tota embo tukata avikari ra, pure jajai ta jigamo aisa. ²² Araembo embo mei singata basiri uwakito amo toto ikeyo ijekai au jajai be, kee be arite, tunga humbarite, jo arite eto jo jajai Bada jage eora amide ara humbuyo. ²³ Ate kee sokowa te, kito kiarako arite eto heto ingari amo mana atora amida be amo tinikambari humbuto puvua. ²⁴ Ate Bada ta pure ari embo amo mana boru kee atuya, ate perari tunga humbatuya eto yamo endo irari ara hate ikatuya. ²⁵ Seima yamo eto midie, uje ae embo ara hate ikitue aro ara Mama Hotohu mi buyekari ikau kee be arita siro ara humbatuya. ²⁶ Ainge au ingo yako puto jai eto,sowai ta bage dei ara serikatora ungo uje tohota uiya embo ara.