¹ .Pol,Iesu Keriso ta ambotani eto Mama Hotohu ta uje inonoda be aisa na mode kee be mi enena,Iesu Keriso ta jota.Pol,Iesu Keriso ta ambotani eto Mama Hotohu ta uje inonoda be aisa eua amimi na mode kee bee mi pere enena Iesu Keriso ta jawota. ² Timoti nau tunga humbari mei, Mama Hotohu ta jai eto jo ari eto peka amo Mama Hotohu ena eto purari, Iesu Keriso nagota Bada. ³ Na be jote Mama Hotohu atekitona, nau aije mane kitita tumonde pain uwatera eto hotembari jai iji nauda mo hotembatona nau pari ta, tumba eto iji te. ⁴ Eto na no sisivo hotembatona eto indaingeto mo kito eto nau jo mi tunga jai atona. ⁵ Na overeketo hotembatona amo no kee be ari jai be, kitita no aije Lois eto no aya Eunice ta deita iriuwa eto nau mine humbarita ainge nombo mode iriuwa. ⁶ Araembo na mo eako eto ingari ona, tega ainge amo Mama Hotohu ta hande ra, amo no jota ra eto nau ingeri mi tamo noda iketena. ⁷ Mama Hotohu inganauda jo asisi ara ikarira, eto ivo ari te, tunga humbarite, awo tarite. ⁸ Ara embo mo mana me kiotoa te inga nau Bada ta basiri jai nau aera ate na tota dibura embora. Ate kee hotohu ta memei humbari tawo eto amo Mama Hotohu ta ivo ari ra. ⁹ Ate Mama Hotohu tawo ami nango hondate uve eto jage euva amo je hotohu ra, ate amo nagota pure arita aera, te amo siro kiari eto jai tota ara Iesu Keriso ungote nau ikari, iji kitita. ¹⁰ Ate oroho tambu ua eto Iesu Keriso ungote nau hondate ari embo amo arapa ua. Ate Iesu Keriso ami amburari ara peikitaya eto usasa te basiri te nandoho ami Kee Hotohu humbuto putaya. ¹¹ Ara embo na pinga ikari embo awara ari iketera, ambotani hateikari embo. ¹² Amida pure peaen be, ami na yako memei kevona. Ate na me kiaera eto na embo ara kiari eto tumonda eona eto nau mine humbari ami embo ara tumonda eto kee bee uve eona iji amide. ¹³ Simba ari ta hate hate eto kee be ari ta ihi namoena ingiaya amo kee be ari eto tunga humbari amo Iesu Keriso hena midia. ¹⁴ Amo doranja jajai ami mo tumonda uve hikitona araembo kevue eto kogo uve eto Asisi Hotohu ami jo inga naunda iriua. ¹⁵ Ate mo kiari ra eto embo peaen be ami naa Esia ai iriora ami, na toto hambera amida jota re embo Pigerus te Hemogenes te ra. ¹⁶ Ate Bada ta jo ari ami Onesiporas eto tota orope ami na mandu ainge heora eto na esi mi tigiara te na me kiae ra. ¹⁷ Ara embo Pol ami naa Rom ai mindie ami na simba jai be uiya eto na taaya. ¹⁸ Ate Bada mi tota uje ikau eto jo ari tambatuya amo Bada ta iji te. Ate mo kiari be ra amo na hondate tuka be Episas ai humbari ra.