¹ Namutapa kwaPhoebe mukurwetu, ghuye mukareli wangereka mu Kenkereya, ² mposhi mumutambure mwaHompa. Ruwanenu vino mughukaro wakupongoka vantu vaKarunga, ntani mupenu kehe mbatero anahepa kukwenu, morwa ghuye akalire muvateli wamunene kuvayingi ntani kwanaghumwande nka. ³ Moro renu Prisila ntani naAkwila, varuwani vaghunyande mwaKristus Jesus, ⁴ vavo kwatapire maparu ghavo morwa rwande. Nakutapa mpandu kukwavo, ntani kapishi ametupu, nani ngoli Ngereka nadintje dava pagani. ⁵ Moro renupo Ngereka odo dina karo mumandi ghavo. Moro renupo Epaenetus muholi wande, Shiyimwa shakuhova mu Asia mwaKristus. ⁶ Moro renupo Mariya, ogho aruwanino ghunene kwenu. ⁷ Moro renupo Andronicus ntani Junias, vaghuni vande ntani nkwati vaghunyande. vavo vayivikwa kuva Apostoli, ntani vakalire mwaKristus kumeho yande. ⁸ Moro renupo Ampliatus, muharwa mwaHompa. ⁹ Moro renupo Urbanus, muruwani ghunyetu mwaKristus, ntani Stakusi, washihoro. ¹⁰ Moro renupo Apelesi, ghatoghorora mwaKristus. Moro renupo valipata lya Aristobulus. ¹¹ Moro renupo Herodion, mughunyande. Moro renupo valipata lya Narukisusi ovo vakaro mwaHompa. ¹² Mororenupo Tryphaena ntani Tryphosa, ovo varuwano ghunene mwaHompa. Mororenupo Persis mugholi, ogho aruwano ghunene mwaHompa. ¹³ Mororenupo Rufus, mutoghoroli mwaHompa, ntani navawina ntani navanane. ¹⁴ Moro renupo Asyncritus, Phlegon, Hermes, Patrobas, Hermas, ntani vaunyetu ovo vanakaro kumwe navo. ¹⁵ Mororenupo Philologus ntani na Julias, Nereus ntani mughunyendi wamukamali, ntani Olympasa, ntani navantje vantu vakupongoka vaKarunga ovo vanakaro navo. ¹⁶ Kumororenu naghupongoki. Mapongero naghantje ghaKristus ghana mumororapo. ¹⁷ Namukanderere, vaunyande, mukughayara ovo vanakuyito likugaghunuko ntani vipundukito. Vavo kunakupitakana kumarongo ogho mwakuronga. Tundenuko kukwavo. ¹⁸ Vantu vakufana yira mbovo kapi vakareranga Hompa wetu Kristus, ngoli mapumba ghana ghumwavo. mughushenete ntani muvighamba vyakudira ushiri vavo vapukita dimutjima davantu vakudira undjoni. ¹⁹ Mughulimburukwi ghoye mo shakara shihonena kwakeghe ghuno. Nahafa, kukoye, nampili ngoli nahoro ghukare ghunavangara kuvininke vyaviwa, ntani ghuku ghupeko kuvininke vyaviwa. ²⁰ Karunga wampora kwamyona Satana kumapadi ghoye. Ghuyerere waHompa wetu Jesus Kristus ghukare nanwe. ²¹ Timoti, muruwani ghunyande, moro yoye, ntani Lucius, Jason, ntani Sosipater, na wande Kinsmem. ²² Ame, Tertius, nakutjango mbapira yino, moro yenu mwaHompa. ²³ Gaius, mutambuli wande ntani na Ngereka nayintje, moro yoye. Erastus, mupunguli limona lya mushitata, moro yoye, na Quartus mughunyendi wamukafumu. ²⁴ ''Ghuyerere waHompa wetu Jesus Kristus ghukare nanwe namuvantje. Amen''. ²⁵ Weno kwandjegho wakuvhura kupameka lipuro lyoye kutwara mu mbudi yayiwa ntani namumarongo ghaJesus Kristus, kutwara mulihoramo olyo lya horamo mumwaka dadingi, ²⁶ ngoli weno vanavishorora ntani na kuvitura paghukenu kupitira mumatjangwa ghaghu porofete kuvirongo navintje, kupitira mwaKarunga waliparu, mukuyita ghulimburukwi wamulipuro. ²⁷ KwaKarunga waghukonentu, mwaJesus Kristus, ghuyerere kwanaruntje. Amen.