¹ Mbapira yaruvharo lyalira lyaYesusi Kristusi, monaDaviti, monaAburahamu. ² Aburahamu kwakalire vashe vaIsaki, Isaki vashe vaYakop, Yakop vashe vaYuda navaghuni vendi. ³ Yuda kwakalire vashe vaPeresi naSera wavo naTamara, Peresi vashe vaHesironi, ntani Hesironi vashe vaRamu. ⁴ Ramu kwakalire vashe vaAminadabu, Aminadabu vashe vaNashoni, Nashoni vashe vaSalimoni. ⁵ Salimoni kwakalire vashe vaBowasi wavo naRahabu, Bowasi vashe vaObeti wavo naRutu, Obeti vashe vaYesi. ⁶ Yesi kwakalire vashe vaDaviti waHompa, Daviti vashe vaSolomoni wavo namukamali waUriya. ⁷ Solomoni vashe vaRehoboyamu, Rehoboyamu vashe vaAbiya, Abiya vashe vaAsa. ⁸ Asa kwakalire vashe vaYehoshafati, Yehoshafati vashe vaYoramu, ntani Yoramu vanyakulya vaUsiya. ⁹ Usiya kwakalire vashe vaYotamu, Yotamu vashe vaAhasi, Ahasi vashe vaHesekiya. ¹⁰ Hesekiya kwakalire vashe vaManase, Manase vashe vaAmoni, ntani Amoni vashe vaYosiya. ¹¹ Yosiya kwakalire vanyakulya vaYekoniya navaghuni vendi pashirugho shalidiruro lyakuBabiloni. ¹² Kutunda palidiruro lyakuBabilon, Yekoniya kwakalire vashe vaSheyalitiyeli, Sheyalitiyeli kwakalire vanyakulya vaSerubabeli. ¹³ Serubabeli kwakalire vashe vaAliyudi, Abiyudi vashe vaEliyakimu, ntani Eliyakimu vashe vaAso. ¹⁴ Aso kwakalire vashe vaSadoki, Sodaki vashe vaAkimu, ntani Akimu vashe vaEliyudi. ¹⁵ Eliyudi kwakalire vashe vaElisa, Elisa vashe vaMatani vashe vaYakop. ¹⁶ Yakop kwakalire vashe vaYosefu mukafumu waMariya, ogho ashampurukiro Yesusi, ogho vatwenyanga Kristusi. ¹⁷ Ruvharo naruntje kutunda kwaAburahamu dogoro kwaDaviti kwakalire maruvharo murongonane, kutunda kwaDaviti dogoro kulidiruro lyakuBabiloni maruvharo murongonane, ntani kutunda kulidiruro lyakuBabiloni dogoro kwaKristusi maruvharo murongonane. ¹⁸ Lishampuruko lyaYesus Kristusi kwashorokilire mundyira yino yina kukwamoko. Vawina, Mariya, kwamuvandikilire Yosefu, anongoli kumeho vakalire kumwe, amuwanine nalira lyamuMpepo yakuPongoka. ¹⁹ Anongoli Yosefu mukafumu,wamuhungami ntani kapi ashanine kumushwaghukita kumeho yakehe ghuno, ghuye kwaghayalire kumukomba mukaholya-holye. ²⁰ Apa aghayalire kuhamena vininke vino, muengeli waHompa amoneke kwendi mundyodi, nakughamba ashi "'Yosefu monaDaviti, kapishi ghutjire kughupa Mariya akare mukamali ghoye, mukondashi vino vinakaro mwendi kwatunda muMpepo yakuPongoka. ²¹ Ghuye ngashampuruka mwanuke wamumati, ngaghumuruke lidina ndye Yesusi, ghuye ngayora vantu vendi kundyo davo. ²² Navintje vino kwashorokire mukutikitamo ovyo aghambire Hompa kupitira mwamuPorofete, mukughamba ashi," ²³ Kenga, mukamali adiro kukara rumwe namukafumu ngakara nalira ngashampuruka mwanuke wamumati, ngava mutwenyashi Imanuweli'' - kutantashi '' Karunga natwe anakara.'' ²⁴ Yosefu arambuka aruwana mbyovyo amurawilire muengeli waHompa, nakumughupa akare mukamali wendi. ²⁵ Anongoli kapi kalirekumwe dogoro ashampurukire mo mwanuke wamumati. makura amuruku lidina Yesusi.