¹ Vakuru vande vava rume, ntjene kehe ghumwe vamu kwatere kundjo, ove wakaro nampepo yankedi dadiwa. Kara nashinka shana umoye, mposhi nove kapishi ghukare namasheteko. ² Kushimbirenu ghumwe naUnyendi ngudi, ntani mutikitemo veta da Kristusa. ³ Konda mukatji kenu vamwe kughayara ashi ghuye mpovili vinwe mumwendi ano ngoli ghuye munderemo, ghuye kukupukita ghumwendi. ⁴ Kehe ghuno ana hepa kukenga kuviruwana vyendi, ntani konda dendi daku kumonikita ngayi kara mumwendi pentjendi kapishi mwamuntu wapeke. ⁵ Konda ashi kehe ghuno nga shimba maudito ghendi pentjendi. ⁶ Ogho ghumwe aghamabango nkango ana hepa ntani kukutamba ghura navintje vininke vyaviwa nogho ashongango. ⁷ Kapi vamupukite. Karunga kapi vamu shindanga, kehe vino akunanga muntu, mbyo nga pongayika nka. ⁸ Kondashi ogho akunango ntanga mu ndjo dendi naumwendi, mundjo dendi naghumwendi mo nga wana lidjonawiro. Ogho akunango ntanga mu mpepo, kumpepo nko ngawana monyo wana runtjeya. ⁹ Kapishi turoroke mukuruwana uwa, kondashi paruvede rwaruwa ngatuwana muyangu, nange kapi tuku tapa. ¹⁰ Mpo ngoli ashi, mpopano tunawana ruvede, turuwanenu vyaviwa ku vantu navantje, shinenepo ovo vakaro mulipata lya mapuliro. ¹¹ Kengenu nkango dadinene odo nakumutjangera nama ghoko ghande naghumwande. ¹² Ovo vana horo vava nongonone pa nyama navo naku shetekerako kumutuma ngeda vakamuruwane vamba. Vavo kava viruwananga muku kandana kapi vahepere konda shikuruse shaKristusa. ¹³ Kondashi nampili mbovo varuwana vamba navo shi kapi vatikitangamo veta naghumwavo, ano ngoli vavo vana shana nanwe vamu ruwane vamba, mora vaka kumonikitire panyama denu. ¹⁴ Ano ngoli ndi kapi nganikumonikite kughupako kushi Kuruse shahompa wetu Yesusa Kristusa, omo vapamparera udjuni kupitira mwande, ntani ame kughudjuni. ¹⁵ Nampili anwe varuwana vamba vamuva rwira kwanavintje ndi anwe vapira kuruwana vamba, ano ovyo ovyo tuna kuvarura lishito lyalipe. ¹⁶ Kukwenu namuvantje anwe mwayendango mukutikitamo ovyo vaturapo, mpora ntani nkenda yikare mukatji kenu, nampili mukatji ka Isragheli yaKarunga. ¹⁷ Kutunda pano kundereko nka ghumwe nganduwano Ukorokotji, kondashi ame kwashimba rutu rwande oro rwakaro navito vyaYesusa. ¹⁸ Uyerere wahompa wetu Yesusa Kristusa ghkare kumwe na mpempo denu, vaKuruvande. Amen.