¹ Paulusi, muApositoli-kapishi mu Apostoli ogho vatoghorora ntani kapishi ku nkenda yavantu, kupitira mwaYesusi Kiristus na Karunga Shetu, ogho amu vhumbuliro kughufe - ² ntani navaghunyande navantje, vaku ngereka yaGarata. ³ Nkenda na mbili yaHompa Karunga na Muyogholi wetu Yesusi Kirisitusi yikare nanwe, ⁴ ogho akutapiro mwene mukutufera ku ndjo detu ngatu manguruke ku ndjo, mukutwara mushihoro shaKarunga wetu na Shetu. ⁵ atwe kutapa mfumwa naghuyerere wanaruntje na naruntje. Amen. ⁶ Ame na tetuka ku kwenu anwe omo mwatunda wangu-wangu kwa Hompa Karunga ogho amu yito kupitira mu nkenda yaKirisitus. Ame natetuka omo mwashuva Mbudi YaRuhafo mbyo mwatambura mbudi yapeke, ⁷ ano ngoli kapishi walye kwakarapo mbudi yaruhafo yimwe ndi yapeke, nani ngoli mpovali vakafumu vamwe ovo vana kuyito maghudito ntani naku shana kutjindja naku djonoghura Mbudi YaRufafo yaKirisitusi. ⁸ Nampili nga kare muntu wamumbunga yetu ndi mu engeli wamuliwiru nga yuvite mbudi yapeke ku kwenu, ngawana mafingo. ⁹ Yira momu twa ghamba kare, ntani mbyo naku ghamba nka we ashi, ''Kehe ghuno nga yuvito mbudi yapeke ku kwenu yaku pira ku kufana nayo mwatambura kare, ngawana mafingo." ¹⁰ Ngoli ame kuna kushungida lipulitiro ku vantu ndi kwaKarunga? Ame ne kwaruwananga nganu hafite vantu ndi? Nkeneshi ame kwaruwananga nganu hafite vantu, ame kapishi mukareli waKirisitusi. ¹¹ Ame kuna shana kumu tantera anwe, vaghunyande weno ashi, oyino Mbudi YaRuhafo oyo na yuvita kapi yatunda ku vantu. ¹² Oyino Mbudi YaRuhafo kapi na yiwana ku vantu ntani kapi nayi kuronga yitunde ku vantu. Nane ngoli, yino Mbudi ame kwayiwana ku lishororo lya Yesusi Kirisitusi. ¹³ Anwe mwayuvha liparu lyande lyaku hova lyaku lipuro lyande lyava Yuda, omo kanu hepe kanga mbunga yaKarunga mwaku pitakanena kumwe naku yidjonaghurapo. ¹⁴ Ame kanu ruwananga mukutikitamo lipuro lyande lyava Yuda mukupitakana vaYuda navantje ovo vakaliropo paruvede runya, mulipuro lyetu lyava Yuda. Ame mo ngoli na kalire na ghupampi waku ruwana muku tikitamo mpo yava nyakulyetu. ¹⁵ Ano ngoli opo rwatikiremo ruvede rwaHompa Karunga, ogho antoghoroliro ame shimpe mu lira lya vanane, ntani mbyo andjita kupitira mu nkenda yendi. ¹⁶ ghuye kwakalire na ruhafo pa kushorora Monendi kupitira mu mwande, mposhi nganu yuvite mbudi yendi mukatji ka vahedana, Ame kapi na tamikire tupu mpopo ku ruwana vyapa nyama na honde. ¹⁷ Ame kapi na shapukire tupu mpopo nuyende ku Yerusalemu oko vakalire vaApositoli vakuhova ovo vakaliro kumeho yande. Nane ngoli, ame kwayendire ku Arabiya ntani anu kavyuka ku Damasikusi. ¹⁸ Kuruku rwamwaka ntatu ame anu yendi ku Yerusalemu nukawane Kefasi ntani naku kakara naye mayuva murongo na mayuva matano. ¹⁹ Ano ngoli ame kwato mu Apositoli ogho naka wanine nkwandi Yakopu, mughunya Hompa. Kuhameno kovyo namutantelire vyakukwendi. ²⁰ Kwanavintje ovyo natjanga ku kwenu, ame kuna ku mutantera ghushili kumeho yaHompa Karunga ashi ame kapi naku mukonga. ²¹ Makura anuyendi ku shirongo shaSiriya na Silisiya. ²² Paruvede runo mbunga Kirisite yamuYudeya yava puli vavo shimpe kapi vandjiva. ²³ Vavo kwayuvhire tupu ovyo vaghamba weno ashi, ''Oghunya mukafumu ogho ka tuhepekango ntantani weno naye kuna kuyuvita Mbudi YaRuhafo yiwa yampora oyo ashanine kudjonaura.'' ²⁴ Makura vavo ava tapa mpandu naku fumadeka Hompa Karunga mukonda yande.