¹ Paurus, apostoli waKristus Yesusa mukutwara kumuragho waKarunga muyogholi wetu naKristus Yesus lihuguvaro lyetu, ² kwaTomoteus monarume waushiri mulipuro; ufe nkenda, nkenda, nampora yaKarunga she naKristus hompa wetu. ³ Yira momo tupu nakukorangedire mukurughana opo natundire niyende kuMasedonia, kara muEfeso mposhi ghuvhure kupangera vantu vamwe vakukukarera vadire kuronga lidi veta lya kukarera. ⁴ Nka vidire kutegherera kuma timwititi nantundiliro yaliro lyaku dira kushagha. Evi kuyita makanyi kapi vikuvhure nakukarera Karunga, ovyo ashi mulipuro. ⁵ Weno lirwameno lya muragho shihoro shakutunda kumutjima wakukushuka, kutunda kuliyhi lya liwa lyakutunda kumutjima ntani nakutunda mulipuro lya ghushiri. ⁶ Varwana vamwe vashuva vininke evi ntani vakara vavyukilira kuvighamba vyaghugova. ⁷ Vana shana kukara varongi vaveta anongoli kapi vina kuva faturuka ashi vinke vana kutanta ndi po vinke ovyo vana kughamba namukumo. ⁸ Ene ngoli twaviyiva ashi veta yiwa nange ashi ghumwe ayiruwanita mughuhunga. ⁹ Twavi yiva, ashi veta kapi vayitulirapo muntu waghuhunga, anongoli kuvaka kudira kukwama veta ntani navantu vava runde, kuvantu vakupira kupura Karunga navanandyo ntani novo vakupira kupongoka, ntani vakukunyateka, kovo vakudipagha vashavho nava nyokwavo, kuvadipaghi, ¹⁰ kuvantu vavashondedi, kovo vakukuyombelita likaro kumwe panyama lyaparudivarwa (mukafumu namukafumu ghunyendi ntani mukamali namukamali ghunyendi), kovo vakukwatera vantu ghupika kuvaka vipempa, kuvangambi vavipempa, ntani kukehe vimwe vina kukurwanito namarongo. ¹¹ Lirondoro lino mukutwara kughuyerere wambudi yaruhafo yaKarunga walirago moyi vahuguvarera. ¹² Ame kunakupandura Kristus Yesus Hompa wetu. Ankondopikire me, mpo antulire ame walipuliro lyalinene, ntani ghantukilireme kughukareli. ¹³ Ame kwakalire mushwaghuli, muhepeki, ntani mukafumu wamudyonaghuli. Ano ngoli natambulire nkenda mukonda ame kwarughanine nalincenuno mukudira kupura. ¹⁴ Ntani ghufe nkenda waHompa wetu kwapupire nalipuliro ntani nashihoro osho shakaro mwaKristus Yesus. ¹⁵ Eyi mbudi yalihuguvaro ntani mulyo mukuyitamburako namuntje, ashi Kristus Yesus kwayire mughudyuni mukuya yoghora vanandyo. Ame ghumwe wakupitakanena kwevi. ¹⁶ Ano ngoli mukonda yei ame kwampire nkenda, mposhi mumwande shamuhovho, Kristus Yesus kuvhura kunegheda lididimiko nalintje. ¹⁷ Weno kwaHompa waku kakuru, wakupira kufa, wakupira kumona, ahuru ndye Karunga, ghufumane ntani ghuyerere wanarughuntje nanaruntje, Amen. ¹⁸ Ame kuna kumutulira oghu, ghuragho kumeho yenu, Timoteusi, monande, mukutwara mughuporofete wakare varughana kuhamena koye, ashi ghuvure kurwana vita vyaviwa, ¹⁹ kukwaterera lipuro ntani naliywi lyaliwa lyamumu tjima muku shwena vi, vamwe vadyonaghura mapuliro ghavo. ²⁰ Yira vaHimenayeus naAleksander, ovo natapire kwaSatana mposhi vavure kuvatantera vadire kukunenepeka.