¹ Paurusi, Silivanusi naTimoteusi kumbunga kriste yavaka VakaTesaronika yaKarunga shetu naHompa wetu Yesusi naKristusi kumwe nankenda nampora yikare nanwe. ² Atwe kehe pano kutapa mpandu kwaKa runga yanamu vantje yira momo tuna kumu twenya kehe pano mundapero detu. ³ Atwe kuvhuruka kumeho yaKarunga nashetu viruwana vyenu vyamu lipuro, ghupampi nashihoro, ghudidimiki nalihuguvaro mwaHompa Yesusi Kristusi. ⁴ Vaghunyande vakuhora mwaKarunga, twa yiva ashi ghuye ghamutovorora, ⁵ mukonda ashi mbudi yayiwa yetu kwaya kukwenu kapishi munkango mpentjamo, hawe namunkondo, namu Mpepo yakupongoka, waro nka namu lihuguvalito. Mundyira nka ndyoyo, mwayiva ashi vakafumu munke vakaliro mukatji kenu munkenda yenu. ⁶ Munakara vashongi vetu noku kwaHompa, opo mwatambulire nkango naruhafo rwakutunda kuMpepo yakupongoka. ⁷ Kuvitundwamo, anwe mwakaro shihonena kwanavantje vamu Masedoniya ntani Akayiya ovo vapuro. ⁸ Mposhi nkango yaHompa kwatundilira kukwenu, ntani kapishi muMasedonia naAkiya mpantjamo, anongoli lipuro lyenu mwaKarunga lya yenda nakuntje. Mpongoli shi kapi tuna kushana kughamba kehe vino vyakuhamena ko. ⁹ Kwavoko vavene vatwenyine vyakuhamena kukwetu omo mwayatutambulire mukatji kenu, nomo mwashighukire kwaKarunga mushuve ma ghukereli ghenu ghashina ghuhedana muhamene kwaKarunga wamonyo naghushiri, ¹⁰ ntani mukutatera monendi atunde muliwiru ogho avhumbuko kughufe - Yesusi, ogho atupopero kughugara ogho ngaghuyo.