¹ Opo nayire kukwenu, vaghunyande, kapi nayire nankango dadiwa ndi daghukonentu waghunene mukuyayuvita lihoramo lya ushiri wankango daKarunga. Kwaya varulire mbapira odo vatjanga muliraka lya ruGereka, nuya muyuvitire ghumbangi wakuhamena Karunga. ² Ame kwatokolire ashi kapishi niyive nka vyapeke opo naya kalire nanwe vyahana kuhamena kwaKristusi ogho vapampara kushilivindakano. ³ Ame kwaya kalire kumwe nanwe mughupirankondo, namughutjirwe namulikankamo lyalinene. ⁴ Mbudi yande naliyuvito lyande kapi namushongaulire nankango daUkonentu. Nani ngoli, kwashorolire mpepo nankondo daKarunga, ⁵ Mpo ashi lipuro lyenu kapishi lihamene kughukonentu waVantu, nani ngoli kunkondo daKarunga. ⁶ Weno atwe kuna kughamba naghukonentu kwava vakuro pampepo, kapishi naghukonentu wamughu dyuni ghuno, ndi kuva pangeli vaUdyuni ghuno, ovo ngava dyonaghukopo. ⁷ Ene ngoli, atwe kughamba Ukonentu waKarunga ogho wahoramo, Ukonentu wahoramo Karunga aghu horowora kare pahana kukara Udyuni ngaghu kare lifumano lyendi. ⁸ Kwato ghumwe wavapangeli vaUdyuni uno vaUkwato lighano, ashi ndi vaukwata lighano, ndi kapi vapampalire muyogholi waghuyerere. ⁹ Ngoli yira momuvatjanga ashi, '' ovyo lyapira kumona lintjo, ovyo lipira kuyuva litwi, ovyo wapira kughayara mutjima mbyo awapayikira Karunga ovo vamuhoro''- ¹⁰ Ngoli Karunga kwavi shorowera kukwetu kupitira mumpepo. Mukondashi mpepo kukona-kona kehe shino, nampili namaghano ghaKarunga ghakuntji-ntji. ¹¹ Are wakuyiva vyakaro mumaghano ghamuntu ntjene kapishi mpepo yakaro mumwendi? waro nka, kwato wakuyuva lihoramo lya Karunga nkwandi mpepo yaKarunga. ¹² Atwe kapi vatupa mpepo yamu Udyuni nani ngoli mpepo yakutunda kwaKarunga, mposhi tukoneke maghushwi ogho ghatupa Karuga ghamawoko-woko. ¹³ Natwe mbyo tuna kudighamba dino nkango kapi vadituronga naUkonentu wavantu nani ngoli marongo ghapa mpepo yakupongoka, mpo ashi tufaturure vyapa mpepo kwavo vakaro nampepo. ¹⁴ Vantu ovo vapiro kukara nampepo yakupongoka nakuvhurashi kutambura vyaushwi wakutunda kwaKarunga, kuvimona yira vyaUgova. Ghuye nakuvhura shi kuvi kwata lighano morwa vyavyo kuvi yererepeka nampepo yakupongoka. ¹⁵ Muntu ogho akaro nampepo yakupongoka kuvhura kupangura navintje, ghuye nakuvhurashi kumupangura vaghunyendi. ¹⁶ Mukondashi '' Are wakuyiva maghano ghaHompa, ashi avhure kumuronga?'' Mara atwe kwakara namaghano ghaKristusi.