लिउ १२
1
ति तिङ्ला येशुकि तिवाला पे नेसुर् लोबु ज्युसुङ्। खोकि सिक्यासुङ् "मिराचिगि गुन्डुप् श्यिङ् जोसुङ्, तिकि फारछुर् क्योर्सुङ् तेमे गुन्डुप् चिरुप्ला सिनि मिक्तुङ् चिक् कोसुङ्। खोकि त्ये रुक्ला देसा चिक् जोसुङ् तेमे गुन्डु् जुबु तिवाला श्यिङ् बिजन्सुङ्। ति तिङ्ला खो गाल्सुङ्।
2
हुतुङ् तुज्येला खोकि गुन्डुमकि काङ् डेल्वा ङेतुप्ला गुन्डुप् जुबु तिवि चाला मिराचिक् यक्पु ताङ्सुङ्।
3
तिविकि तिला जिम्नि दुनि काङ् माबिन्बा ताङ्सुङ्।
4
खोकि लोङ्या राङ्सा यक्पुला ताङ्सुङ्, तिविकि तिलाङ् गोला मा तेनि बिन्सुङ् तेमे ङच्छा लाङ्दे किदाङ् क्यासुङ्।
5
तारुङ्ङाङ् खोकि राङ्सा यक्पुला ताङ्सुङ् तिला तिविकि सेसुङ्। तिवि ज्येन् मेरे आलाला तिनक् राङ् किदाङ् क्यासुङ्, लालाला दुसुङ् लालाला सेसुङ्।
6
खोतानि तोङ्गुप्ला हारुङ् मेराचिक् ङिङ्ज्येबु पुज्युङ् नक्। खोकि तिवि चाला तोङ्गुप्ला ति क्याजिक् चिक्राङ् नक्। खोकि सिक्यासुङ्, "तिविकि ङे पुज्युङ्ला ताङ्देन् किउइ ।"
7
हिन्सिनाङ् मोहि तिविकि तिवि पार्ला चिगि चिग्ला सिक्यासुङ्, "दि ओङ्ज्येन् ङेतुप् मि हिन् । दिला जिम्नि सेकि तेमे गिज्या अरेति च्युङुउइ।"
8
तिविकि तिला जिम्नि दुनि सेसुङ् तेमे तिला गुन्डुमकि श्यिङ् नाङ्ने फिला क्युर्सुङ्।
9
दिकि किसाला, गुन्डुम श्यिङ् ज्यिन्दाक् कि काङ् किउइ ? खो लेम्नि ति गुन्डुम् जुबु तिवाला सेक्यु तेमे गुन्डुम् श्यिङ् राङ्सा मिला तेर्क्यु।
10
काङ् खिरेकि दि दिक्पा मेतुप् कि क्ष्यो राबु मेत् ? चिन् दो तिला ज्वप् मि तिवि मोगोउइ सिक्यासुङ् ति दो दिराङ् लेमु च्युङु वै ।
11
ति कन्ज्यक ने नक् तेम दे ङेरे मिङाला याम्छेन् लाङ्दे वै।"
12
तिविकि येशुला जिम्बु छाल्सुङ्, हिन्सिनाङ् तिवा छबु मि तिवा तानि जिवा क्यासुङ् चिला सिसिन् दि पे खोप्रे खाला राङ् सिक्याबु नक् सिनि तिविकि हाक् कोसुङ्। तिकि किसाला, तिविकि खोला ताङ्नि गाल्सुङ्।
13
तेमे तिविकि खोला खोकि सुङ्ला राङ् क्यान् जुबु सिनि हेरोदियास ताङ् काङ् फरिसि तिवाला ताङ्सुङ्।
14
तिवा लेम्नि खोला सिक्यासुङ्, "लोबेन, ङेराङ्ला छ्या वै, खोकि सिदिङ् नावाला सेम् मोतोङुउइ सिनि, मि तिवि पार्ला सुलाङ् मेडेलु। खोकि हुतुङ्राङ् कन्ज्यककि लाम् लोप्क्यु । कैसरला से ज्येलुप् लेमु हिन् ना नमिन् ? ङेराङ् से ज्येलुप्जाना मेज्येलुजा ?"
15
हिन्सिनाङ् येशुकि तिवि जुनाक् ला हाक् कोनि तिवाला सिक्यासुङ्, "ङाला टाङाचिक् खलेक् चिला सिसिन् ङेकि ल्हा थुप्सित्।"
16
तिविकि टाङाचिक् येशुकि चाला खसुङ्। खोकि तिवाला सिक्यासुङ्, "दि सिकि ङो ताङ् ज्ये यहिन् ?" तिविकि सिक्यासुङ्, "कैसरकि हिन् ।"
17
येशुकि सिक्यासुङ्, "कैसरकि सामा तिवा कैसरला राङ् बिन् तेमे कन्ज्यककि सामा तिवा कन्ज्यकला राङ् बिन् ।" तिवाला याम्छेन् लासुङ् ।
18
ति तिङ्ला श्येप् सेन्बु मालाङु सिरुप् सदुकि तिवा खोकि चाला लेसुङ्। तिविकि खोला दुक् सिइदाङ् टिसुङ्,
19
"लोबेन्, मोसाकि ङेराङ्ला सिनि टिसुङ्, 'हुतुङ् सिकि च्योच्यु कि दि पुज्युङ् पुम् माच्युङ्बा श्यिनि डिउइ सिसिन्, तिकि ति च्योच्यि पेर्मि तानि जन्दि क्यानि दाक्पि च्योच्युला सिनि पेजा तिवा के गोक्यु।'
20
त्ये मेरा दिन् मेरा दिन् उज्यु नुक् तिवा नक्, तङि तिकि पेर्मि टिनि लेसुङ् पेजा माकेबा श्यिसुङ् ।
21
ङिपा कि दाक्पि उज्यि पेर्मि टिनि गाल्सुङ् तिङ् चिन्दिङ् पेजा माकेवा श्यिसुङ्। तेमे सुम्बा तिङ् तिनक् राङ् च्युङ्सुङ्।
22
तेम मेरा दिन्गारकि दि पेजा माच्युङ्। तिङ्ला ति पुमा तिङ् श्यिसुङ्।
23
श्येप् नेसुर् सेन्बा लाङ्सिन् तिवाङ् सेन्बु लाङु तेमे ति सिकि पेर्मि गिउइ? चिला सिसिन् ति मेरा दिन्गारकि राङ् दाक्पि पेर्मि हिन् सिनि सेम्ला लाबु वै।
24
येशुकि सिक्यासुङ्, "तिविकि दिक्पा मेतुप्किक क्ष्यो ताङ् कन्ज्यककि ङार क्ष्या वनिराङ् ति तेरिक् क्याबु मिन् ?
25
चिला सिसिन् तजोला तिवा सेन्बा लाङ्सिन् ना जदि राङ् किरुप् ङेक्यु ना जान्दि राङ् कि ज्यिक्यु, तजोला तिवा देवाचेन्कि थु दगे हुङुउइ।
26
हिन्सिनाङ् सेन्बु गाल्नि लाङ्गुप् श्येप् तिवि ताम्ला काङ् खिरेकि मोसाकि थेप्ला नाठिकि कला टिसाला कन्ज्यककि ति तानि च्युक् क्यानि ताम् क्यासुङ् ते , 'ङा अब्राहामकि कन्ज्यक, इसाहाककि इसाहाककि कन्ज्यक ताङ् याकुबकि कन्ज्यककि हिन् सिक्सुङ् सिरुप् ति राबु मेत्?"
27
खो श्येप् तिवि कन्ज्यककि मिन्, सेन्बा तिविकि कन्ज्यककि हिन्। खिराङ्ला छ्या मिदुक्।"
28
लोमा तिवि नाङ्ने मेराचिक् लेम्नि तिविकि ताम ङेन्सुङ्। येशुकि तिवाला ल्यामु खालेन् बिन्दुप् ति तिकि थोङ्सुङ्। तिकि खोला टिसुङ्, "तेरिक् सिना मेता मेङ्गुप् का ति चिन्दि हिन्?"
29
येशुकि खालेन् बिन्सुङ्, "तेरिक् सिना मेता मेङ्गुप् ति दि हिन्, 'ङेन्, इस्त्राएल, चावा कन्ज्यक अरे कन्ज्यक, चावा कन्ज्यक चिक्राङ् वै।
30
ख्यरेकि दाक्पि चावा कन्ज्यकला दाक्पि तेरिक् सेम्, तेरिक् जुबु ताङ् तेरिक् ङारकि ङिङ्ज्ये कि गोक्यु ।'
31
ङिपा का दि हिन्, 'दाक्पि युल्बाला दाक्पुला दगेराङ् ङिङ्ज्ये कि गोक्यु।' दि सिना ज्येन् चिन्दिङ् गेर्पु का मेत् ।"
32
लोमा तिवि सिक्यासुङ्, "ल्यामु लोबेन् ! कन्ज्यक चिक्राङ् वै तेमे खो सिना ज्येन् सुङ् मेत् सिनि खोकि हुतुङ सिक्याबु वै ।
33
खोला तेरिक् सेम्गि, तेरिक् नासाम्कि ताङ् तेरिक् ङारकि ङिङ्ज्ये किरुप् तेमे दाक्पि युल्वा तिवाला दाक्पुला दगेराङ् ङिङ्ज्ये कितुप् कि जिन्बा तेरुप् सिनासाङ् गेर्पु हिन् ।"
34
तजोला तिकि रिक्पा वतुप् दगे क्यानि खालेन् क्याबु दि येशुकि थोङ्सुङ्, खोकि तिला सिक्यासुङ्, "ख्योङ् कन्ज्यककि ग्याल्खाप् नेसुर् थारे मेत्।" तितिङ्ला ज्येन् सिकिसाङ् कन्ज्यक्ला टिताङ् ट्येब् सिनि सेम्ला ङार् माक्या ।
35
येशुकि ल्हाखाङ्ला लोबिन् वसिन् खोकि खालेन् क्यानि सिक्यासुङ्, "लोमा तिवि ख्रिष्टला च्युक् क्यानि दाउदकि पुज्युङ् हिन् सिनि सिउइ ?"
36
दाउद दाक्पिकिराङ् थुचेङि नेसुर् दुक् सिक्यासुङ्, 'चावा कन्ज्यक ङे कन्ज्यक्ला सिक्यासुङ्, ङे लाक्पा याबि छ्यला देत्, नाम्साक् ङे ख्यरे डा तिवाला ख्यरे काङ्बि तिङ्बाला मुखुङुउइ ।'
37
दाउद दाक्पिकिराङ् खोला खोला 'चावा' सिउइ सिसिन् मसिह ति च्युक् क्यानि दाउदकि पुज्युङ् हुङ्थुप्क्यु ते ?" गेर्पु मि जोम्बुकि खोकि ताम् गा क्यानि ङेन्सुङ्।
38
येसुकि खोकि येन्देन्ला सिक्यासुङ्, "सिकि रिङ्बु माज्या कोनि युगु, छोङ् किरुप् दासाला गङ्बा श्यप् तिवा,
39
जोम्खाङ्ला सामा साप्ला गेर्पु देसा छोलुप् ताङ् सामा सासाला ल्यामु दासा छोलुप् लोमा तिवा नेसुर् च्याङ्से देत्।
40
तिविकि ख्य श्येप् पुम पेजि खाङ्बा सेउइ तेमे मिकि थोङ्सित् सिनि रिङ्बु मोपार् किउइ। दि मि तिवि हारुङ् ल्याक्पा दुक्पा ङेक्यु।
41
ति तिङ्ला येशु ल्हाखाङकि बुलुवा ज्यगु गामकि चाला देसुङ्। मि तिविकि बुलुवा लुगिन् वसिन् खोकि ल्हानि वतुप् नक्। आला छ्युक्पु मिकि आला बुलुवा लुक्सुङ् ।
42
तितिङ्ला त्ये मिराचिक् टेङ्बु ख्य श्येप् पुम् पेजाचिक् लेम्नि टाङा ङो लुक्सुङ्।
43
खोकि दाक्पि लोप्टा तिवाला का ताङ्नि तिवाला सिक्यासुङ्, "हुतुङ्, ङा खिराङ्ला सिउइ, दि बुलुवा लुगुप् गाम्ला तेरिक् सिना ल्हाक्पा बुलुवा दि ख्य श्येप् पुम्पेजाकि लुगु वै।
44
चिला सिसिन् तेरिक् कि दाक्पि आला वतुइ् गिज्या नेसुर् लुक्सुङ्। हिन्सिनाङ् दि ख्य श्येप् पुम्पेजाकि खोङ्ला टेङ्बु मिजि क्योङुला गोबु तेरिक् गिज्या नेसुर् लुक्सुङ् ।