लिउ ११
1
तजोला खोतिवा यरुश्लेम लेसुङ् खोतिवा बेथाप्ग्ये ताङ् बेथसनिया चाला जैतुन लाला लेप्सुङ्। येसुकि खोकि मेरा ङि टावाला ताङ्सुङ्।
2
तेमे तिवाला सिक्यासुङ् खिराङ् अरे दङि युला ग्युक खिरे नाङ्ला श्युक्लोङ् मे नाम्लाङ् माज्येप् पिउइ ङेक्यु। तोला ताङ्नि ङे चाला दानि श्यक्।
3
सिकिसाङ् खिराङ्ला खिरेति चिले दुक क्याबु हिन्? सिनि टिसुङ् क्यासिन् खिरेकि सि चावाला दि गोवा वे तेमे खोकि श्यार्के द्येराङ् ग्युर्नि तोङु।
4
तेमे तिवा गाल्सुङ् लाम्ला गोकि फिला तानि ज्याकुप् पिउज्यिक् थोङ्सुङ् तेमे तिवि तिला ताङ्सुङ।
5
ति त्ये लालि लालि मि तिवि टाङि ल्हानि देनक् तिविकि सिक्यासुङ् ति पिउला ताङ्नि काङ् किरुप् छालुप् हिन्?
6
तिविकि तिवाला येसुकि सिक्याबु दगेराङ् सिक्यासुङ् तेमे मि तिवि तिवाला डोचिसुङ्।
7
टावा तिवि पिउ येसु चाला दानि लेसुङ् तेमे तिकि खाला राङिक माज्या तिङ्सुङ तेमे खोति तिकि खाला ज्येसुङ्।
8
बाङि मितिवि राङि माज्या लाम काङ् तिङ्सिङ् त्येमे ज्येनि तिवि श्यिङ् नाङ्ने तुम्नि खबु याल्खा तिङ्सुङ।
9
खोकि गमा गमाल ड्वप् तिवि ताङ तिङ्ला ड्वप् तिवि वोरु गेर्पु क्यासुङ् "होसन्ना! चावा कन्जक्यक कि मिन्ला हुङ्गुप् ति थुज्ये हिन्।
10
अरे पापा दाउदकि हुङ्गुप् ग्याल्खाप् तुज्ये हुङ्सित् तेर सिना थेन्बुला होसन्ना
11
ति तिङ्ला येसु यरुशलेम्ला श्युनि ल्हा खाङ् नाङ्ला गाल्सुङ् तेमे तेरिक कि फारछुर ल्हासुङ् ङिम्फे गाल्नि सिन्सुङ तेमे खोति मेरा च्यिङ्ङि टावा तिवा तानि बेथानियाला गाल्सुङ्।
12
ज्येर्मा ङिमाला खोबिरि बेथानिया नेसुर् ग्युर्सुङ् तेमे खोला ल्हव लासुङ्।
13
खोकि थारे नेसुर् राङ आप्लक दोङ्बु थोङ्सुङ् दिला डेल्बा गर्ते सिनि तिकि चाला गाल्नि ल्हासुङ्। खोति तिकि चाला गाल्नि ल्हासिन् दामक् क्याजिक् थोङ्सुङ् चिला सिसिन् ति आप्लक गोरु तुज्ये मिन्नक्।
14
खोकि तिला सिक्यासुङ् खरे डेल्वा ताफेन्ला नाम्लाङ् सिकिसाङ् मासाउइ खोकि टावा तिवि दि कोसुङ्।
15
खोबिरि यरुशलेम लेसुङ् तेमे खोल्हाखाङ् नाङ्ला श्युसुङ् तेमे ल्हाखाङ् नाङ्ला चोङ्गुप् तिवाला फिला देन्तुप् ज्युसुङ् खोकि टाङा ज्येप् तिवा ताङ् बुर्केन् चोङ्गुप् तिवि च्यक्चि तिवा आलक् ग्याप्सुङ्।
16
खोकि सुला साङ् ल्हाखाङ् नाङ्ला ङ्योबु च्यालाक तिवा काङ खुर्नि डो माचि।
17
खो कि तिवाला लोपिन्दाङ सिक्यासुङ काङ दिनक् टिनि मेत् ङे खाङ्बा तेरिक मितिवि मिरिक तिवि मोपार् कि खाङ्बा जेउइ सिनि ? हिन्सिनाङ दिला कुर्मेन तिवि फुक्पा जोसुङ्।
18
खोकि सिक्याबु ताम तिवा क्ष्योने गेर्पु ताङ सास्रि तिवि थोर्सुङ् तेमे खोला सेतुप् छाल्सुङ्। खोकि लापुप् ताम्ला छबुप् मि तिवि याम्छेन् क्याबु थोङ्नि खोतानि जिवा किनक्।
19
सा रिप्सिमा खो तिवा ग्यासा ताङ्नि गाल्सुङ्
20
खोति टोप्ला ति लाम्नेसुर् राङ् गाल्सुङ् आप्लक दोङ्बु ति मारि नेसुर् काम्बु थोङ्सुङ्।
21
पत्रुसकि नासाम ताङ्नि सिक्यासुङ् रब्बि ल्होताङ् खो कि मता ग्यापु आप्ल्क दोङ्बु या काम्नक्।
22
कन्ज्यकला मोवा कि सिनि येसुकि सिक्यासुङ्।
23
हुतुङ्राङ् ङा खिराङ्ला सिउइ सिकि दि ला तिला खक्लानि ग्याम्छो हक्ला पोप् सि तेमे तिकि सेम ति फार छुर माक्यासुन तेमे तिकि लाङ्गुप् ताम ति गिउइ सिनि मोवा क्यासिन् तिला तिनक् राङ् गिउइ।
24
तुक किसा ङा खिराङ्ला सिउइ खिरे चिनक् ताम साङ् मोपारल लोङ्गु खिरेकि ङिने सिनि वे सिनि मोवा तेमे तिदि खिराङ् तानि राङ् हिन्।
25
ख्योरुङ् लानि मोपार किसिन् ख्योरुङ् ताङ् सि खाला लापुप् ताम वसिन् तिला टक ज्ये गोक्यु। तेमे देवा चेन्ला वतुप् पापिसाङ् खिरे दिक्पा ता ज्यिक्यु।
26
याङ खिरे टक माज्येसिया देवा चेन्ला वतुप पापि साङ खिरे दिक्पा ता मिजिउइ।
27
खोबि रिु लोङ्राङ् यरुसलेम्ला लेसुङ्। येसु ल्हा खाङ्ला यगिन् वसिन् क्ष्योने गेर्पु तिवा ताङ सासत्रि तिवा खोकि चाला लेसुङ्।
28
तिविकि खोला सिक्यासुङ् खिरेकि चिनक् ओङ्ज्येनकि दि ताम तिवा कि? दि किरुप्ला ख्योरुङ्ला सिकि ओङ्ज्येन बिन्सुङ्?
29
30
29येसुकि तिवाला सिक्यासुङ् ङा साङ खिराङ्ला ताम चिक टिउइ! ङाला सि तेमे ङा खिराङ् ङा चिनक् ओङ्ज्येनकि दि ताम कि ङा खिराङ्ला सिउइ।
30युहन्नाकि बप्तिस्मा देवा चेन् नेसुर् हिन्ना मि नेसुर् हिन्? ङाला सि !
31
तिवा दुक सिरुप् ज्युसुङ् राङि पार्ला अरे देवाचेन् नेसुर् सिक्यासिन् तिकि चिला मोवा माक्या सिउइ ?
32
मि नेसुर् सिरु सिसिन् तिवा मि तिवा तानि जिवा किउइ चिला सिसिन् मि तिवि युहन्नालका लुङ्तेम्बा हिन् सिउइ।
33
तुक किसा तिविकि येसुला सिक्यासुङ् ङेराङ्ला छ्या मेत्। येसुकि साङ् तिवाला सिक्यासुङ् ङाङ् खिराङ्ला मिसिउइ चुक क्यानि दि ओङ्ज्येनकि दि ताम किउइ सिनि ।