लिउ ४
1
पत्रुस ताङ् यूहन्ना मितिबा ता~नी ताम् क्यिरिन क्यिरुप ठला क्षोनेतिबा, ल्हाखाङ्कि मि क्षे ताङ् सदुकितिबा तिबिचाला लेसुङ् ।
2
पत्रुस ताङ् युहन्नाकि मितिबाला येशुकि कला लोपिन् हतुप् ताङ् खोकि श्यिवानेसुर् सेन्बु लाबु ति श्येयीँ हतुप्कि क्यिसाला तिबाला अाला काबु च्युङ्सुङ् ।
3
खप्रेकि तिबाला जिम्नि तिङ्गि टोप् साक् चोन्खाङ्ला उम्नि ज्याक्सुङ्, च्यिलेसिसिन् तोजोला नाम् ह्रोनि सिन्नक ।
4
हिन्सिनाङ् लेन् कोतुप् मितिबि पार्ला मे:रा अालाकि मोबा क्यासुङ् ते:मे: मोबा क्यिरुप् मितिबा तङ्डा ङाचोज्यिक् नक् ।
5
ङिन्ज्यिक् तिङ्ला तिबि अोङ्ज्ये:न् क्यिरुप मितिबा, एल्डरतिबा ताङ् क्षोला खामु हतुप् मितिबा यरुस्लेमला जोम्सुङ् ।
6
क्षोने क्षे: हन्नास, कैफाया, यूहन्ना, अलेक्जेण्डर ताङ् क्षोने: क्षे:कि ज्ये:न् छाङ्गाछालीतिवा ते: नक् ।
7
खप्रे:कि पत्रुस ताङ् युहन्नाला खप्रे: पार्ला ज्याक्सिमा तिबाला "खिरे:कि खाङ्गि ङार ताङ् मि-न्नेसुर् दुक् क्याबु हिन् ?" सिनि टिसुङ् ।
8
ते:मे: थु चेङिकि के:ङ्नि पत्रुसकि तिबाला"मितिबिला राङ्ज्ये:न् किरुप्तिबा ताङ् क्षे: तिबो,
9
दोजो दि मिला चुक् क्यानि ले:मु जोबु हिन् सिनि दि मितिला क्याबु लाका ले:मुकि कला अोरुङ्लाराङ् टिइँवसिन्,
10
खिराङ् तेरिग् ताङ् इस्राएलकि मि तेरिला खिरे:कि ग्याङ्स्यिङ्ला कालुप् ताङ् कन्ज्यक्कि स्यिवानेसुर् सेन्बु लाङ्गुप् नासरतकि येशु ख्रिष्टकि मि-न्थ-निराङ् च्युङ्गुप् हिन्ना दि मि खिरे: पार्ला टे:ङ्नि दे: ला-नि वतुप् यिन् ।
11
येशु ख्रिष्ट ती खिराङ् खाङ्बा जप मिकि दिति मे:ङ्गु सिनि तिङ्ला लोङ् राङ् खाङ्बि उङ्ला मे:ताक्यानि माच्युङ्गुप् दो ती हिन् ।
12
ज्ये:न् सुलासाङ् थार्वा मे:त् च्यिले: सिसिन् अोरुङ्ला थार्वा ङेतुप्ला दे:वाच्येन्कि हक्ला मितिबि पार्ला ज्ये:न् मिन् च्येन्दिङ् बिन्नि मे:त् ।" सिनि सिक्यासुङ् ।
13
तिबिकि पत्रुस ताङ् युहन्नाकि ङाडेङ् थोङ्नी तिबा ङ्याम्ज्युङ् ताङ् येन्देन् मेतुप् मितिबा नक सिनि क्षा ङेसुङ्, ते:मे: पत्रुस ताङ् युहन्ना येशु तानि देक्यिनक सिरुप ती क्षा ङेनि तिवाला अाला याम्छे लानक् ।
14
तिबिकि ती टेकुप् मि ती तिबि पार्ला लानि देतुप् थोङ्नी तिबाला खाङ् साङ् सि माथुप् ।
15
हिन्सिनाङ् लोमा क्षेतिबाला छग्पिकि टो तोङ्गुप का बिन्सिमा तिबा खप्रे नाङ्ला राङ् ताम् क्यिरुप स्युसुङ् । तिबिकि "दि मितिबाला अोरुङ खाङ् क्यिरुपजा ? च्यिलेसिसिन् तिबि क्याबु याम्छेन् लाङ्गु लाका तिबा यरुस्लेमला देतुप् मि तेरिला क्षा वे , अरे तिला मीन सिनि सि मुथुपु ।
16
हिन्सिनाङ् दि ताम दि तारुङ् मि माङ्गि पार्ला माटाम्स्यित् सिनि तिबाला दि मिनला ता नेज्युनी सुतानिसाङ् ताम माक्यि सिनि सिरुप ।" सिनि सिक्यासुङ् ।
17
हिन्सिनाङ् दि ताम् ति सिनाङ् माङ् मितिबि पार्ला माटाम्स्यीत् सिनि तिबाला दि मिङ्ला ता ने ज्युनि सुतानी साङ् ताम् माक्यि सिनि ज्यिबा कुतुप् ।“
18
तिबिकि पत्रुस ताङ् युहन्नाला नाङ्ला का ताङ्नि येशुकि कला ताम माक्यि तेमे येन्देन् साङ् मातेर सिनि का बिन्सुङ् ।
19
यिन्सिनाङ् पत्रुस ताङ् युहन्नाकि तिवाला खालेन् क्यानि "कन्ज्यक्कि थोङ्दाङ्ला खोरे का सिनाङ् माङ् खिरे काला ङ्येन्दुप् ती गा हिन्दे मिन्दे सिरुप् ती खिरे राङ् ठिम् क्यि।
20
च्यिले सिसिन् ङिरे थोङ्गुप् ताङ् कोतुप् ताम् दिबि कला ङिराङ् खाराक्पा दे मुथुपु ।" सिनि सिक्यासुङ्।
21
पत्रुस ताङ युहन्नाला तारुङ् माङ् ज्यिवा कुनी ताङ् ताङ्सुङ्। खप्रेकि तिबाला क्षेर्पा गेलुप्ला काङ्साङ् ङेबा माङ्ये च्यिलेसिसिन् तिबिकि क्याबु लाकाला ल्हानि मितिबिकि कन्ज्यक्ला शँवा देकिन् नक्।
22
ती टेकुप् मितिवा लो खा्ल ङ्यी सिनाङ ल्हाक्पाकि मि तिवा नक्।
23
तिवाला ताङ ताङ्सिमा पत्रुस ताङ् यूहन्ना खोरे मीतिवी ते लङ लेम्नी क्षोने छ्येतिवा ताङ् गोमा किरुप मी छ्येतिवी सिक्यावु ताम्तिवा तेरीग् खोप्रे मीतिवाला लाप्सुङ्।
24
तिबिकि ती कोसिमा तिवा तेरीग्की कोन्ज्यकधधधला दुक सिनी कशेन थोर ग्यप्नी मोपोर क्यासुङ, “ओ सछ्या नाम्छ्या ताङ ग्येम्छो ताङ ती नाङ्ला वोतुप तेरी च्यालकतिवा ज्येङ्गुप चोवो न्छ्योक,
25
कोन्छ्योककी राङ थु चाङ्मा नेमा कोन्छ्योकला शब्ज्यी बुलुप दाक्पी हङ्गावा दाऊदकी ख नेमा दुक सिनी सुङ्गुप यिन, ‘मिरिक यम्बातिवा च्यिला कशेन ङि्यर्मु किताङ। तमा मीतिवी च्यिला तेर्मेकी ताम्ङेतिवा नासाम तोङ्गिताङ?
26
चावा कन्ज्यक ताङ् ख्रिष्टकि खाला लानी जाम्बुलिङ्कि ग्याल्बुतिबा खाच्यिग् च्युङ्सुङ् तेमे ओङ्ज्येन् क्यिरुपतिबा क्षाज्यिक् जोम्सुङ् ।
27
यहुदि मिन्दुप्तिबा ताङ् इस्राएलकि मितिबातानि हेरोद ताङ् पन्तियस् पिलातस् ङिकार दि ग्यासाला ख्यरेकि ओङ् बिन्दुप् यक्पु चेङि येशुकि खाला लानि जोम्सुङ् ।
28
ख्यरेकि लाक्पा ताङ् नावाकि दि च्युङ्गुप् सिना तङ्लाराङ् नासाम् ताङ्नि वतुप् तेरिग् ताम्तिबा लापुप्ला तिबा तुच्यिग् जोम्नक् ।
29
कन्ज्यक् तिबि ज्यिबा कुबु ती ल्हानी ख्यरे यक्पुतिबाला ख्यरे सुङ दि ङाडेङ् क्यानी लाप्च्यित् ।
30
तेमे ख्यरेकि टेक् ज्यितुप्ला लाक्पा क्याङ्सिमा ख्यरे यक्पु चेङि येशुकि मीन नेसुर ता ताङ् याम्छेन्तिबा च्युङ्स्यी ।
31
तिबिकि सँवा ताम्नि सिन्सिमा तिबा जोम्सा दासा ति लिङ्लिङ् क्यासुङ् तेमे तिबा तेरिग् थु चेङिकि ङाडेङ् क्यानि केङ्निकन्ज्यक्कि सुङ् लाप्सुङ् ।
32
ती मोवा किरुप तिबा सेम ताङ् नासाम च्यिक् राङ् हतुप् तिबा नक् । तिबि पार्ने सिसाङ् दाक्पुला वतुप् सामा तिबा ङे ती हिन् सिनि सिमाक्यानि तेर्कि पिमा नक् ।
33
ङार्मा क्यानी लोमातिबि चावा येशु सेन्बुलाबु ताम ती स्येइँफनक तेमे तिबा तेर्कि खाला काटिन क्षे नक् ।
34
तिबि पार्नेसुर खाङ्साङ् मादाङ्गुप् सुसाङ् मिन्दुक्, च्यिले सिसिन् तिबा तेर्कि दाक्पुला हतुप् स्यिङ् ताङ् खाङ्बातिबा चनि लेपु टाङ्गातिबा खुन्गिनक् ।
35
तेमे लोमाक्षे तिबि दङ्ला ज्याङ् तेर्किनक् तेमे सुसुला गोकिबे ल्हानी तेर्ला गोनी तेर्किनक् ।
36
साइप्रस नेसुर वबु येसेफ् सिरुप् मि ज्यिक् नक्, तीति लेविकि गिपा नक् । तिला लोमा क्षेतिबिकि बारनाबास सिनि मीन तानि बिन्नक् ।
37
तिकि खोरुङ्ला हतुप् स्यिङ् चनि लेपु टाङ्गा खनि लोमा क्षेतिबि दङ्ला ज्याङ् बिन्सुङ् ।