1
येशु ही ख्रिष्ट हय कहिके विश्वास करनबारे हरेक परमेश्वरके बालक हए । जौन दउवाके प्रेम करत हए वा बाको लउडाके फिर प्रेम कर्थहए ।
2
जब हम परमेश्वरके प्रेम कर्थहए, और बाको आज्ञापालन कर्थहए, जहएसे पता पातहए की हम परमेश्वरके सन्तानके प्रेम कर्थहए ।
3
परमेश्वरको प्रेम जहए हए की हम वाको आज्ञाके पालन कर्थहए और वाको आज्ञा कठीन नाहए ।
4
काहेकी परमेश्वरसे जन्मो भओ हरेक संसारके उपर विजय पाथहए । औ संसारके जिवनको विजय हमर विश्वास हय ।
5
संसारके उपर विजय पान बारो कौन हय बहय हए जो येशु ख्रिष्ट परमेश्वेको पुत्र हय, कहिके विश्वास करन बारो ।
6
बा वहए हए जो पानी और खुनसे आओ भओ ,और येशु ख्रिष्ट जो पानीसे इकल्लो नाए पर पानी और खुनसे आओ भओ हय ।
7
गवाही देन बारो त पवित्र आत्माही हय काहेकी पवित्र आत्मा सत्य हय । काहेकी गवाही देन वारे तीन हय
8
पवित्र आत्मा, पानी और खुन सबए बातमे जे सहमत हथए ।
9
यदि हम आदमीको गवाही ग्रहण कर्थहए कहेसे परमेश्वरको गवाही कित्तो महान हय । काहेकी जहए परमेश्वरको गवाही हय जौन गवाही वा अपन पुत्रके विषयमे दइ हए ।
10
जौन परमेश्वरके पुत्रमे विश्वास कर्थहए बाके ह्रदयमे जा बातको गवाही होथहए । परमेश्वरमे विश्वास ना करन बारे बाके झुटो बनाथहए । काहेकी परमेश्वर बाके पुत्रके बारेमे दयीभइ गवाहीमे बा विश्वास ना करत होथहए ।
11
गवाही त जहए हय की परमेश्वर हमके अनन्त जीवन दै, और जा जीवन वाके पुत्रमे हय ।
12
जौनकेसंग पुत्र हय, बाकेसंग जीवन हय, जौनकेसंग परमेश्वरको पुत्र नाहए, वाकेसंग जीवन नाहए ।
13
तुम अनन्त जीवन पाय हओ कहिके बातके जानओ काहन ताही परमेश्वरको पुत्रके नाउमे विश्वास करनवारे तुमके मै जा पत्र लिखत हओ ।
14
परमेश्वरमे हमर पुरो भरोसा हए की बाके इच्छा जैसो जो मागेसे फिर बा हमर बातके सुनत हए।
15
हम प्रार्थनामे जो भी मागेसे फिर परमेश्वर सुनत हय कहिके हम जानत हय ,कहिके जा फिर जानत हय की बा हमके जो मागत हय बा हम पाएगए हए ।
16
यदि कोई अपने भइयाके पाप करत देखत हय औ, बा पाप त मृत्युमे लैजान बारो नाहए कहिसे बा भइयाके ताही परमेश्वरसे प्रार्थना करदेन पडत हए ,और जौनको पाप मृत्युमे लैजान बारो तरिकाको नाहए बाके परमेश्वर जीवन देथहए । पर अइसो पाप फिर होथहए, जो मृत्युमे लैजाथहए, जौनके ताही कोइ विन्ती करदेओ कहिके मए ना काहत हओ ।
17
सबए अधर्म पाप हए, पर अइसो पाप फिर होथहए जो मृत्युमे नालैजाथहए ।
18
हम जानत हए ,की जो परमेश्वरसे जन्मे भए हरकोइ फिर पाप नाकरत हए । पर परमेश्वरको पुत्र विनके सुरक्षा करत हए, और दुष्ट बाके ना छुतहय ।
19
हम जानत हय, हम परमेश्वरको हय, और सबए संसार बा दुष्टके अधीनमे पडो हय ।
20
हम जानत हय, परमेश्वरको पुत्र आओ हए जो सत्य हय । बाके चीन सकए ,कहिके बा हमके समझ दयी हए । जो सत्य हय हम बामे हय, औ बाके पुत्र येशु ख्रिष्टमे हए ,औ बहय सच्चो परमेश्वर हय, और अनन्त जीवन हए ।
21
छोटे बालक, अपने आपके मुर्तीसे बचाएके धरओ ।