¹ l zu ceske abere, azu ceskeni ayin, idugi maceske ma berenna pideni, mani na dama dene bu. ² Kukuran kumi na i kurga, kuni na dama kurgya bumi. ³ Iyan ideni na pi dukara kugi aniyizyi ni kwanau, maza cidda kugi kumi kugi aniyi zyi nimu. ⁴ Nni na pidama cidda kwanai kugi aniyizyi, ade kugumtaru a niyizyi nimu? ⁵ Piyu kuchok zonzo zya kugumtarumi aniyizyi nimu, ashi zyami aniyizyi ni kwanau kumi kuyi a niyizyi nimu. ⁶ Kazu doh musang ukusu usarkaken, izu roh mu sang manang, ulu'ulu'u uyin imba kene ba mudama tuksana uyin a ibina imuni, muda guru amanati ni. ⁷ Gisa, adama doh ini. gbenin idama zugah. Piyi gbakring adama gbani. ⁸ Piyi gisan, idama shere, piyi gbei idama zuga, piyi gbakran adama gbanna yi. ⁹ Ba piyushe ugyong uyin, na konn kayi ka gisanyi u burodi idoh kani katari? ¹⁰ Ba inna ka gisan pisani idoh kani piyogoh? ¹¹ Nna yin ide kicama, iyo kenna ina doh nono nayin ukusu u dugan, balle picu yin iyi uzoh ina doh ukusu u dugan ka ya na gisa yi. ¹² Abara kene, ukusu na imani agu ayashillaci adenni, yinma idene yeni. Muni muyi matya na duk na mabashi ma kunzunun ashiri. ¹³ Rigyin karong ka kitkan, abara na karong kama kana a makye ka banbari, ujinumi ugonuni a ringzan a wuni a gbaki. ¹⁴ Karong ka kana nivataru ka kitkan ujinumi ugono aya dama zuga ujinumi acin. ¹⁵ Kullina akunzunun ashiri aka bere, yenin ana tumu nane magam, abere aribim, yeni ana yi a cogonon ana gabana aka kusu. ¹⁶ Idama yogotya yeni unono na yeni adama iya macidda inaba a masab? Ko kudus unyong madangtaridang? ¹⁷ Kenna kokashe kaci kavur kana waba nono navur. Kaci na makari kana waba nono ¹⁸ Kaci kavur kada waba kani nono navur ma makariba, kene na kaci ka makari kada waba kani nono navur ba. ¹⁹ Kaci kam kadugi kani nono navur ba, agogo kani a pekya gura. ²⁰ A kene, kai dugi nono nakani adama yogotya kani. ²¹ Azan ko pishe u yar ina gumi agu Ubangiji Ubangiji idama rinya umulkya shiri ba. She piyi disha ukusu na picu nang iyuzoh imani. ²² Aya gbaki katuk kami adama guni agu Ubangiji Ubangiji ki disan di anabci aizayi rimu shi? Ki ciddazandi rijannu arizagi rimushi? Ki disan di ukusu gbaki a rizagi rimushi? ²³ Migi indama gu yeni agu, biskinmi, min yomini! Yin ina disha kucok. ²⁴ Don kene, piyi pok abere anang asu disha utumamii adama duntharyayi na piyi du Hikima ungwu sugi karari uzo katari. ²⁵ Mani mama toro kuja kutoro nnakuni uvunu u coko a vugutu karari kami kana jigi kani don asugi uzoh na tari. ²⁶ Amma piyi poton abere anang ba ma disha utuma mi, idama wana ne piyi sugi karari kayi uzoh nijinjiwa. ²⁷ Mani ma toro kuja ku toro, uvunu uvugatya karari kami kana jigi kani. ²⁸ Kapa na Yesu ima duru, abere ayashillaci ama potu kasasa ka ma bashi manni disan. ²⁹ I ma basha yeni nau iko azan kenna a nyakaran ana disha ba.