¹ "Ayotin izu yisha utuma umatini mayin kazono kayashillaci agu kayitani, ndai deni kene idama zugini usakamko kapicuyin uri uzo. ² Don kene nde idama do usadaka izu peprya kutatum kenna aya kiciparu ana yisha nyong kudangh ku Kashiri kayeni na uzo ujina agu ayashillci a kpopshi yeni icara. Nibin na nbashini, yeni aman zuga ilada iyeni. ³ Nde idama doh usadaka, kacara kagiri kayogoti ukusu na kacara kare ka yisha, ⁴ u sadaka uyin uwana ukanisa. Picuyin nghu zinzini ukusu na ayisha a ka nisa, idama sakani. ⁵ Nde inama gisa Kashiri, izu wana na aya kicipara, yeni ana mani ma gisa Kashiri ana yizi ayashillaci a nyazazi a uparu jina, agu ayashillaci ayita yeni. Nibin, nbashini aman zuga iladi yeni. Nde idama yisha kagisa, iringza unyong ndangha. ⁶ Agusa narong agisa Kashiri picuyin unghyi a kanisa, picuyin ungu izinzini ukusu na ayisa a kanisa, idama sakini. ⁷ Nde idama gisa Kashiri izu guzzunumi muwan, kenne aya zayo Kashiri ana yisha, amamingza mayeni apoti yeni a ugbaku abere ayeni. ⁸ Don kene, izu wana na yeni, picu yin iyo ukusu na yin imani tun izima gisa yi. ⁹ Don kene, igasayi anagu, "picu uwur uru uyi uzo a tsarkake nizagi nimu. ¹⁰ Kigomo kimu ki wana nnaka. Unupi umu uwanzagana a uya kenna ayisha uzo. ¹¹ Doi idi maninaru mu kyeru na ko kashe katuk. ¹² Gusku idi ibang uwur, kenne kina gusku aya deni idi irapu. ¹³ Zu jaga idi nyong magasa, gaska idi a icara ipicogonon gama kigomo, ushiru, udaukaka a umu ba uteu, Amin ¹⁴ Ndai iguskuskun ayashillaci irapu ikari, picu uyin uzo idama guskini iyin. ¹⁵ Ndai igabini ma gusku ayashillaci irapu ikani, picuyin ma idama guskuyi iyin. ¹⁶ Kenne muyi, nde idama yiran kene, izu dene ngyan muyin mu wana na ayu gongono kenne aya kicipacaru ana yisha, yeni ana rogonya nayan muyeni, agu a sagani ayashillaci agu yeni ayiranmi kene. Nibin nbashini, yeni amman zuga ilada iyeni. ¹⁷ Amma nde idama yiran kene, idene mamai anici, a gusku ngyan, ¹⁸ Ayashillaci azu yogotya agu iyironmini kene, saidai picuyin iya kanisa. Picuyin uru izinzini ukusu ya kanisa idama sakini. ¹⁹ Izu konosha au ayin madeh mi cara a uya, kati na kakurgu na usasa udama nagaza, kati na adakara adama pusara ayisu dakara. ²⁰ Na magu iden kene, ikonosha mademi cara uzo shiri, kati na ba nakurgu, usasa udama nagaza, kati na b adfakara adama pusa ayisu dakara. ²¹ Don katina u dukiya umu uyi, kati na kasugu kamu kada yi. ²² Niyizhi niyi matus ma nipum. Don kene, nde niyizhi nimu nigara nini, nipum nimu naduk nikuri na majin. ²³ Don kene, nde matus mammayi nyong umu a majin. Yan iyi uzibi u majin mami! ²⁴ Ba piyi da doh kicibru ga aya aba, ko igabyi ude amani ude, ko idumi piyu de a yaksa piyudeh. Pidama dobu kicibru ga Kashiri na ukusu na pide. ²⁵ Nbashini, izu mingza na cici ayin, a ukusun na idama rye, na ukusu na idama sheze ko nipum niyin, na ukusu na idama dene a nipum. Nivataru nipiri nini manunaru, nipum kuma nipiri ninimakusu? ²⁶ Yitin nanin uzo shiri. Na na bizza nani bare na babb na na konosha nani a namu, picu uyin iyi uzo iduksha nani manunaru. Ipirini yeri ²⁷ Wan unyong uyin na mamingzya mayi madami pirya yi ucogu nivatani? ²⁸ Yan ideni ayar amingzya makusu ma madene? Yitin ibasga unyong narimi kenna ini kumza. Ini tumzanini, ini napshini makusu ma madene. ²⁹ Nbashini, Sulemanu ma unyong udaukaka uyi, ima deniyi makusu mayina ma pidong uyeni. ³⁰ Nde Kashiri kadisan magi ma karmi maziga iningyi basgunzura ukyaru, ukpe aro unyong kawari (Urah), mayamma maziga na anama yishiri, yin ide madumi na cun? ³¹ Zu mingzin, ana agu, yenna kidama rye? Ba yenna kidama sheze? Ba mashe makusu na kidama dene? ³² Ayazayo Kashiri a gbene igmis i makusu mamma, picuyin uzo iyo ukusu na yin imani. ³³ Zonzin agbene kigomo kikani na matini makani adama do ini makusu manna yin imani. ³⁴ Ngu kene, izu mingzya au ukpe, ukpe udama mingzya nici ni uni. Ko kashe katuk kade uzarentu kani.