¹ Ina tuk ami na Yahaya piyu baptisman imma tumu asu basha abere Kashiri amagara mu Yahudiya asu kuma agu, ² "sherin Kashiri, kigomo ki kuzo kina piti." ³ Piyellu yi na pikuni ahiri Ishaya ima dene abere ayi agu, "rimyih ni pidong ni yisha amagara agu chainsanin Kashiri ujinukani adunturya ujaru uyin." ⁴ Yahaya ima de makusu mugur ukurakumi imma shishin kukpa, manunaru mayi mayi mamara na matum ma rimi. ⁵ Ayu Urshalima na ayu Yahudiya na duk, na mayinzyi kumana ku urdun, ama kanzazu uyi. ⁶ Imma disha yeni u baptisma a kumana ku urdun nna piyar ibaran ibang iyeni. ⁷ Ima yita ufarisawa na usadukiyawa, yeni asu cizza nakham agu a dishi yeni ubaptisma, igu yeni agu, "yin nanni iyogo nade kikwana, wani nyananni agu sumin kishiga kinki dama wanna? ⁸ Dugin nono na dama saghanu tubuyin. Izu zya a nasugu nayin agu Ibrahim iniyi picuwur inbashini, ⁹ Kashiri kade uiko umma cokonnya Ibrahim nono uying natari nanna. ¹⁰ Ko mina ma ana dene kidomo aricini naci nami. Na duk, kaci kan kadeni kani nono nadugan adama gogo. ¹¹ Naisan ni ubaptisma manishir, makana mabiski ibang piyi dama tumu kacini kanang, ipirimi augbaku unna ko kuraka kuyi ndamma suskanyan ma zya. Yi, idama dishini ubaptisma auruhu udu tsarki, na ura. ¹² Kice kiyi, kima shere kiyi ai cariyi, idama veske kasheri kayi na piring, iman konosha innunaru yi adene akami, idama tikya ininaruimi auraumi nadama iya ni marima." ¹³ Yesu imma tumu a ciri a mayingzyimu Galili, ima kana a kumana ku urdun, u Yahaya, ma yishayi ubaptisma. ¹⁴ Yi Yahaya imma mani mnyaza yimi, asu kuma agu, "migi mmani magu yishi mi ubaptisma, piwanu mi?" ¹⁵ Yesu ima guddu yi agu "mu wan kene mina, saga a kurgani matini." Yahaya ishi dumya. ¹⁶ Ama duri ubaptisma Yesu icira nawau unyong mani, uzoh usada gbantayi. Iyita uRuhu uKashiri usu tozzo ne kaputturu, ataru uzo nici niyi. ¹⁷ Yita nidong rimyih ni ciri uzoh asukuma gu "piyangwu yiyi kono kanang kanna npok na kani."