¹ Maduru ma mawaba ma Yesu, a ubaitalami mayingzyi ma Yahudiya, akapaka pigomo Hiridus. Aya yoso aciri u gabas amatumu Urshalima agu, ² "Nki na waban pigomu Yahudawa? Kiyitan ntatum muyi muciri ugabas, kiwani madoyi kicibru." ³ Na pigomo Hiridus ima potya kene kasugu kawantayi na kam na kudeze kwa ayar Urshalima. ⁴ Hiridus ima konosha mafiristoci na anyakaran ayashillaci, aribi yeni "Nki na dama waba Kashiri kami?" ⁵ Yeni agu yi agu "U Baitalami amayinzyi ma Yahudiya a kenna pikuni uKashiri im nyakara. ⁶ ''Pigi Baitalami amayinzyi ma Yahiduya, azanpu picin unyong agomo U Yahudiya domin dagu unyong umu na pigomo idama ciya yi dama wana pimenten uyashillaci ui Israila.'" ⁷ Hirudus ima yarkya aya ya aka nisa aribi yeni kapakanna ntatum muma cira, ⁸ Ima kunu yeni ubaitalami agu "jarin aka gbenta mi kono karka nateng nni izugi kani ima baryani nkana nnami akadokani kicubru." ⁹ Naa poton abera a pigomo, qwarka maka woroyeni, ntatum mumi musu zonzo yeni, aka nyazhanha uzoh a dungan kati na kono kami kayi. ¹⁰ Na yeni ayitan ntatum mumi azaghabha nakan. ¹¹ Na marinyi ugirumi, amayita kono kami na pina ukani, Maryamu, ama tutunzura kazono kakani ado kani kicibru. N duri abinzyi makusu mayeni ado kani i kyautai iyeni, uzinariya, lubban na umur. ¹² Kashiri kama nyanga yeni ana mura azu riti u Hiridus, amariti amayinzyi mayeni au manzu ujina. ¹³ na macoko mayeni malaika ma Kashiri kisuru ana mara, agu "coko azya kono na pinaukani a suma bu u Masar, aka zomo kuri asuksa ukun na ndama barya bu, pigomo Hiridus i camsana magbene kono kanka mawuna kani." ¹⁴ Uyong katuk Isufu ima coko azya kono na pinau kani aworini umasar. Isufu ima zomo kuri har makye ma Hiridus. ¹⁵ Duk mum mu agu a kurgani ukusu na Kashiri kabaran a kono kapikuni umi "Daga umasar na mma yarkya kono kanang." ¹⁶ Na Hiridus ima yita ajhan ami a yaksanyi, kasugu kawanta yi na kam, ikunu agu awunza nono na rumi kiwa kiba makana kajhas nannayi au baitalami kiwa kiba makana kajhas nannayi au baitalami na kudezyi kwan tektege mupati. ¹⁷ Akapakami na ama kurganya ukusu na abaran a kono ka Irmiya, ¹⁸ "A poton rigmih uRama ni shiba a kusugu kapu ayi Rahila ishiba nonnayi, agabayi ma shigruga, agu nonneyi nazananimi." ¹⁹ Na hiridus ikini , Malaika ma Kashiri ma verkura kisufu ana mura umasar agu, ²⁰ "Coko azya kono na pinau kani a worobu a mayinzyi mu Israila aya gbene nivataru ni kono kanka aman kizyi." ²¹ Isufu i coko, azya kono na pinankani awana Israila. ²² Na ini ina potya agu Arkilayus isheri kigomo kipicu Hiridus, kimayingzyi ma Yahudiys, ina potya usahd umakana mi kuri. Na Kashiri ka ma nyanga ini ana mura, ini gata ugalili. ²³ Aka zomo akadong katege na ana gu Nazarat ukusumi ukurganan ukusu na abaran akano ka pikuni agu ada yishayi agu piyu Nazarat.