¹ Akwai pidon uYahudawa na amana yesah agu Nikodimus, piyar ucibru unyong aYahudawa. ² Yima wana uYesu katuk ama guyi agu, "Rabbi, ayar ayo agu pugi piyi ku Malami ku ciri awor Kashiri, abara amagu ba pidon yi dama yiya mayisha alamu angyah na piyisha saidai Kashiri kayi na yi." ³ Yesu yigu yi agu "aribin, aribin, inna aguri ani awaba piyar ba, idama yiya yi ma ita kigomo ki Kashiri." ⁴ Nikodimu yigu yi agu, "Adama deni ni agurmi awaba piyar yi marukuna? idama suskanya ma rinya unyong kaduna ka pina agurmi awabayi, idama suskanya?" ⁵ Yesu i shere, "Ribin ribin, idan naawaban ani piyar a manimashir na uRuhu ba idama suskanya yi marinya kigomo ki Kashiri ba. ⁶ Ukusu na awaban a ripum, a ripum, kuma ukusu na awaban a uRuhu, a uRuhu. ⁷ Zu potya u mamaki abara magu nkubu agu, 'dole a gurmi awaba bu.' ⁸ Uvunu una perpya makana duk kati na u mani, pina potya bu madirini ma'uni, amma pi yobu kati na uni uciri ko kati na uni udama kana. Aikene duk piyar na awaban a uRuhu." ⁹ nikodimu ni shere yi agu, "yaya na mummu mu dama wana kene?" ¹⁰ Yesu yi shere yi agu, "pu piyi kumalami ku Israila mi amma pi yobu anang ang-ah? ¹¹ Aribin, aribin, nan basha bu, ki basha makusu na kiyo, kuma ki duksha ushaida u makusu na ki itan. Duk na kene yin yi sherini u shaida uwur. ¹² Idan na mbaranbu makusu mammayi muduniya amma pina dumya bu, a dama denini mbaranbu makusu mu zo pi dumya? ¹³ Ba piyar umi yiman tuga a kana uzo sai piyar umi itoron awo uzo: wato kono ka piyar. ¹⁴ Kenna Musa yima cokonya piyogo a karimi, ai kene dole a cokoni kono ka piyar. ¹⁵ Abara magu na duk ayami adumun nayi azuk nivataru ni zamadara. ¹⁶ Kashiri kamani uya na kam har ado kono ka kani kadeh sabona kowan yi dumun na kani kani yi dama ke yi amma yi dama zuga nivataru ni zamadara. ¹⁷ Kashiri ka kuni kono ka kani unyong uya azan magu ka yimkpi uya, amma abara amagu a gaska uya sabona kani. ¹⁸ Duk piyar yi dumun na kani adama yimpkiyani yi amma duk piyar ungyu yi dumun yi na kani amaru yimpkya yi, sabona yi dumun yi na nizagi ni piyar udah ngyu yi kono Kashiri mi. ¹⁹ Anga ani ayenden matya, sabona matus matumi unyong uya, amma ayashillaci a piri ama mani na majin na matus mami sabona manang mayeni ama magunta. ²⁰ Sabona duk piyar ungyu yi yisha manang maza dugan yi gabayi matus, kuma idama kaniyi ati ka matus sabona manang mayi mazu cira a ufili. ²¹ Duk piyar ungyu yi yisha manang madugan yi na mani makana akati kade matus sabona manang mayi ma Kashiri, macira a ufili. ²² Ama duru kene, Yesu yenna almajirai ayi aworoani unyong mayinzi ma Yahudiya. Ima dene kadon kapa a zomi na yeni, kuma ayisha ubaptisma. ²³ Yahaya nnayi yima su yisha ubaptisma unyong ainon apati salim sabona manimasir ma mayimi kuri na kam. Ayashillaci amasu wanza uyi yisu yisha yeni ubaptisma, ²⁴ sabonang akapa kami ama dotoma ringda Yahayi unyong ukurku. ²⁵ I gardama ima coko au tsakani wa almajirai a Yahaya na pidong uYahudawa ana bere a al'ada ama zura myi bang. ²⁶ Yeni ama kana uYahaya agu yi agu, "Rabbi, piyar ungyu yiyi napu urampku u kamana ku urdun, kuma pi dugi ushaida uyi, ita yi yisha ubaptisma kuma aya na duk asu kanza mi uyi." ²⁷ Yahaya yi shere agu, "Piyar idama iya yi mazuga kadangma sai dai inna adugi yi awor uzo. ²⁸ Yin ana ci ayin yidama dene ushaida agu nkugu, azanmi yin yi Almasihu mi' amma a u maimako kene, 'akuni mi kazono kayi.' ²⁹ Amarya ayi a ango mi. Pijami u ango yi nyezhi apok yi, yi pok rizhagha na kam abara arimyrgh ni ango rizhagah ni nan ni kuri abara kene. ³⁰ Dole yi pirgurga, migi kuma yin tuta. ³¹ Piyar yi ciri awor uzo yi piri kuwani. Piyar yi ciri auya, a'uya kuma abere uya na yi yisha. Piyar yi ciri uzo yimi uzo. ³² Yi shaidan makusu manna yi poton a kuma ita, amma ba piyar yi sheri ushaida uyi. ³³ Duk piyar yi sheri ushaida uyi yi dumun agu Kashiri a nibin. ³⁴ Sabona duk piyar na Kashiri ka kuni agu yi yishi abere ana bere Kashiri. Sabona kadugi kani uruhu mi na kumudu ba. ³⁵ Picumi yi mani kono kami, adakanya ko yiyanini a kacara kakani. ³⁶ Piyar umi yi dumun na kono kam yi de nivataru ni zamadara, amma piyar yi gabiyi ma yisha kono kami u biyayya yi dama iti nivataru, amma kishiga ki Kashiri kiyi anici niyi.