¹ Atuk atar ama woro, ama de irunga a kana ku galili, pina u Yesu ima yimi. ² Ama gayyaci Yesui na almajirai ayi a kati ki rungim. ³ Mani mi inabi mama dara, pina i Yesu igu yi agu, "yeni azani mani mi inabi." ⁴ Yesu yi guyi agu "piyini, iyan ideni piwana umi? Kapa kanan ka doto ma wanam." ⁵ Pina u Yesu igu atumzanan agu, "denin duk ukusu na yi baranni." ⁶ Akwai nvuk munatari mayi kutashi a kati kami munna a Yahudawa ana yisha u amfanim u gado uma sangana, ko kishe kivuk ki dama zya udurom udah. ⁷ Yesu igu yeni agu, "kurganin nvuk mumi na manimasir." Yeni ama kurganzya nvuk muni. ⁸ Igu atumzanan agu, "yirin a jaga picu u buki." Yeni ama dene kene. ⁹ Picu ubukim yi boro mani mamma wani mani mi inabi, maza yogotya kaci na ma ciri (amma atumzanan angah cingin mani mami ayo). I yarkya ku ango. ¹⁰ Agu kuni agu, "ko pishe piyar ina zongo atusa mani mi inabi madugan, kafin maza dugan kacini. Amma pu pitari mudugan sai ka paka." ¹¹ Alama a zoni na Yesu ima dene u kana ku galili, a kuma saganzya u daukaka uyi, almajirai ayi kuma a dumya nayi. ¹² Ama duru mummu, Yesu na pina uyi, na akobini na almajirai ayi aworoani kafarnahum aka zomzonomi adene atuk. ¹³ Ubuki u idin keterewa wa yahudawa uma patana, Yesu ima woro makana Urushalima. ¹⁴ Yima kazuga ayar azizi inaga na magam na natantabaru ayar ayisha ucanji ikorgo azomzi aka ti kam. ¹⁵ I naba u bulala a kiye a zob yeni na duk unyong u haikali, duk na magam na inagim. A nyallazya unsulla muyar ucanji yi korgo a birkita i tebur yi yeni. ¹⁶ Agu ayar azizi natantabaru agu, "chiddazin makusu mamma mina. A biskya madene ugira u picu unang kati ku kasuwa." ¹⁷ Almajirai ayi amingya agu a nyakaran agu "u himma abara na ugira umu udama remi." ¹⁸ Aya cibru a Yahudawa a shere aguyi agu "ashe alama na pi dama saganya ayar tun na pi yisha ukusungwu?" ¹⁹ Yesu i shere agu "ikirin u haikalin gu, kuma unyongg atuk atar indama suga uni." ²⁰ Aya cibru a Yahudawa agu, "ama zya kiwa ituru inas na kutashi kafin a duru kusuga ku haikalingwu, pi dama dene atuk atar a guddu a suga uni?" ²¹ Amma yima de unufi u Haikali u ripum niyi. ²² Ubayyana ama cokoniyi awor kama kye, almajirai ayi a mingya agu yima gu kene, yeni adumya na u nassi na aberenga na Yesu yi baran. ²³ Kuma, na yima yi ku urushalima a ubuki u idin keterewa, akapa ku bukimi, ayar adun ama dumya na rizagi niyi, abara na alamu na yi ma yisha. ²⁴ amma Yesu ima dumyayi na yeni domin yiyo yeni na duk, ²⁵ Sabonang yi maniyi magu pidon yi bariyi indong game na piyar usillaci, domin yiyo ukusu uyi unyong uyi.