¹ Atuk kutashi kafin ubuki u keterewa, Yesu ima wana ubaitanya aka ti na Li'azaru iyi, wato piyanna Yesu ima cokonya awor a makye. ² Yeni ama napsa yi maninaru akati kami, kuma matta ima su suksu, Li'azaru kuwa ima yi unyong wa yami ama zomi a utebur na Yesu. ³ Maryamu ima zya udong uturare na ama napsa a mamai mu Nard, a sogoto ibina u Yesu mi aveze ibinimi a kicini niyi. Ugira uma kura na kunya ku turare umi. ⁴ Yahuza Iskariyoti, piyar udeh unyong wa almajirai ayi, ungwu ima dama mazizi yi igu, ⁵ "Iyan ideni ana zyizyiani uturarinwu ayi dinari idari itar ado ayar aza gassa o?" ⁶ Ima berya kene azan magu idaman na ayar aza gassa, amma domin iyi pidakarami ayi ku ma'aji, kuma asu dakara a kupakti kui korgo. ⁷ Yesu igu, "biskinyi itara ukusu na iamru tara sabona manikshi manang. ⁸ Aya za gassan ayi na yin ko kashe kapa, migi kuwa indama yimi nayin ko kashe kapa." ⁹ Utaro ugbaki wa yahudawa uma potya agu Yesu iyimi akati kami, yeni ama tumu, azan magu sabona Yesu utaiyi ba amma sabona magu yeni ayita Li'azarui, unna Yesu ima cokonya awor a makye. ¹⁰ Ma firistoci ma gbakazyi mama cankarana kenna madama wuna Li'azarui innayi; ¹¹ sabona abaru nayi na a yahudawa agbaki ama kana aka shere Yesui. ¹² Ama cyayi rikata, utaro ugbaki uma wana ubuki u idimi. Na mapoti agu Yesu ijara mawana Urushalima, ¹³ yeni azya ava i dabino a cira ubiga a cebkeyi asu yesah na kam anagu, "Hosanna! piyar uka pes i jara mawana unyong rizagi ni Kashiri, pigomo Isra'ila." ¹⁴ Yesu ima zuga kono kaki zenku atuga azomomi; kenna a nyakaran, ¹⁵ "azu potya usahd pigi pijinni u sihiyona, ita, pigomo umu i jara mawana, a zomi a kono ka kizenku." ¹⁶ Almajirai ayi ama yogotyani anang ami kazono, amma ama duru ma daukaka Yesui yeni ashi mingya agu ama nyakara makusu mamma gami nayi, kuma yeni ama yisha yi makusu mamma. ¹⁷ Ayami ama yi na Yesu katuk kanna ima yarkya Li'azarui awor a makye, yeni ama do u shaida. ¹⁸ Sabona kene na utaronmi uma wana domin yeni ama man nayi sabona yeni apoton agu yima dene alama ami. ¹⁹ Don kene a farisawa ama rinya abere au su uyeni anagu, "yiti, ba ukusu na idama iya madene, imen uya umari mazoboroyi." ²⁰ Akwai adong a helinawa unyong ayami a kanan magisa ma Kashiri au buki umi. ²¹ Yeni ama woroani u filibus, piyar u betsaida uyi u Galili, aguyi agu, "mallam, kimani mayita Yesui." ²² Filibus i wori kak barya Andrawus'i, Andrawus a woroani yeni na Filibus, yeni kuwa aka berya Yesui. ²³ Yesu ima shere yeni agu, "kapa ka dagi na adama daukaka kono ka piyar. ²⁴ A ribin, aribin, na in bashini, in ba piduk pi alkama pi jik kajas a kye ba, pidama yi utapini; amma inna pi kini, pi dama dakanya nono na gbaki. ²⁵ Duk piyar imanu nivataru niyi, idama biza nin, amma piyar i maniyi nivataru niyi auya unwu idama mente nini domin magarga ma zamadara. ²⁶ Idan na pidong i tumzana mi, to yi zoboro mi, kuma duk kati na yinyi akati na pidere unang idama yi. Duk piyar iyishami utuma, picu umi idama girmama yi. ²⁷ Mina nivataru ninang niyi unyong u damuwa, iyan na indamagu? 'Picu pidama gaskami akapa kanka? Amma sabona u dalilinwu na in tumi akapa kanka. ²⁸ Picu, daukaka nizagi nimu." Ridong rimyigh ni wor uzo nigu, "Ndaukakan nin ndama gurmi a daukaka nin." ²⁹ Daga kene utaron unwu nyazyi kuma yeni s potya rimyigh nim, agu Kashiri ksratan. Adong agu, "malaika ma beren uyi." ³⁰ Yesu i shere agu, "rimyigh ninni nitumi sabona mi ba, amma sabona yin." ³¹ Ami na adama yisha uya matya. Ami na na adama zob piyi yisha kigomo ki uya unwu. ³² Sai migi, inna a zhapkhan mi awur uya, indama coko ayar na duk a yende umi" ³³ Yima kene domin i sagani imyis yima kye manna idama yisha. ³⁴ Utaro u shere yi agu, "ki poton unyong umatya agu Almasihu idama mazumo mazadara. Yaya na pinagu, 'adama zhapkah kono ka piyar'? Wan unwu yi kono ka piyar o?" ³⁵ Yesu igu yeni agu, "pina na kadong kapa nacun idama yi amatus, jarin tun matus mayi nayi, kada majin ma gushini. Piyar unguyi jara unyong majin, iyoyi kati na idama kana. ³⁶ Domin na matus tun madoto ayi nayin domin iwan nono na matus." Yesu ima basha makusu mamma ashi woroyi aka wukunu yeni. ³⁷ Ko da shike Yesu ima yisha alamu adun anayizyi ayeni, duk na kene yeni ama dumyani na yi. ³⁸ Abara magu abere annabi Ishaya akur, anna yini yimagu, "Kashiri, wan idumun na urahoto uwur? kuma uwan na kacara Kashiri ka baskuran? ³⁹ Abara au dalilin wu yeni a dumu nani, gama Ishaya ima gurmi agu, ⁴⁰ Yima dene yeni kidumu kuma adene yeni nasugu na garganzi, sabona yeni azu ita anayizyi ayeni, kuma azu yogotya anasugu na yeni a guru umi yin waskha yeni. ⁴¹ Ishaya ima berya makusu mamma sabona yini ima yita u daukaka u Yesu ini kuma ima dene abere gami na ini. ⁴² Amma duk na kene, ayar agbski unyong wa ya cibru ama dumya na Yesu. Amma sabona farisawa, yeni ama guani kene au fili domin kada a zob yeni au majami'a. ⁴³ Yeni amani matakanzi ma yashillaci na matakanzi ma ciri Kashiri. ⁴⁴ Yesu ima berya a rimyigh ni gbaki agu, "piyar i dumun na mi, a zan mi na yi dumun na mi utami, amma kuma i dumun na piyar i kunimi. ⁴⁵ Kuma piyar piyar i menmi, i men piyar i kuni mi. ⁴⁶ Intumi aka tang ka matus auya, sabona duk piyar yi dumun na mi idama jarayi unyong majin. ⁴⁷ Duk piyar i poton abere anang agabayi ma dumya, indama yishami yi matya; domin intumi azan magu inyishi uya utya, amma domin in gaska uya. ⁴⁸ Piyar i gabi yimi, a kuma gaba yi masere abere anang, akwai piyar idama yisha i matya. ⁴⁹ Ukusu nambaran, uni udama yisha yimatya aka tuk kamangarim. Aberanna inyisha, a zan a nici ninang. Amma picumiikuni mi ayi yi dakanzya mi ukusu nan damagu na ukusu nan dama berya. ⁵⁰ Inyo abere ayi a nivataru niza madara, ukusu udeni ngu-kenna picu yi beren aikene na migu nku".