¹ Pidong na ana yesah agu Li'azaru, imo gonono. Ima yi piyar u baitanya mi, wato au biga wa Maryamuyi na kobina Matta. ² Maryamu ungwu ima sogotya Yesui ma mai mu mur a vezeh ibina iyi a kici ki nici niyi, unna kobina uyi Li'azaru ima su gonono. ³ A kobini u Matta ama kunu u Yesu agu, "Kashiri, ita piyanwu na pi mani yi gonono." ⁴ Ma poti ma Yesu kenan, igu, "Kigbana kinki azan ki ma kye, amma don u daukaka uKashiri, domin kono Kashiri ka zuk u daukaka ukini." ⁵ Yesu imani Matti na kobina na Li'azarui. ⁶ Na mapoti agu Li'azaru i gonono, i nyazahnah a dene atuk aba a kati na yi. ⁷ Ama duru kene, igu almajirai ayi agu, "ayar akana u Yahudawa kuma." ⁸ Almajirai ayi aguyi agu, "mallam, har ukyaru a yahudiya a gbene bu domin yeni a ruza bu a natari, kuma pi mani ma gurumi kuri?" ⁹ Yesu i shere, "azan isa'a pituru ayi na ide matus ama yira mader? Idan na piyar ijara a myigh, idama ciri yi, domin i men a matus mu uya. ¹⁰ Amma inna piyar i jari unyong katuk, yi dama ciri domin matus mazamani nayi. ¹¹ Yia berya kene, kuma u bayan u makusu mamma, agu yeni agu "pijami uwur Li'azaru i puri mmura, amma indama kanami don incokoni yi ammura." ¹² Sai almajirai aguyi agu, "Kashiri, idan na mmura na iyimi ai idama coko." ¹³ Yesu kuwa iyi anabere ama kye ma Li'azaru, amma yeni adegu iyisha abere ammura muma vanzana. ¹⁴ Yesu ima dene yeni ubani agu, "Li'azaru i kini." ¹⁵ Inyi a rizhagah sabona yin, na in zami a kati kami domin in idumi. Ayar aworoani uyi." ¹⁶ Toma unna ana yesah agu dan tagwaye, igu kudezye kwa almajirai, "ayar aworoani a kakizi na Yesu." ¹⁷ Ama tumu ma Yesu, ima zuga agu Li'azaru i mau dene atuk anas a kushek. ¹⁸ Baitanya u pati Urushalima, "a u jaru uza dangan a kacaci kayeni. ¹⁹ A yahudawa adun ama wana u maryamu yenna matta sabona kusumazi kuma kye ma kobina uyeni. ²⁰ Matta ima potya agu Yesu ijara mawana, i cira aworoayi maka zuga yi, amma maryamu i zomi unyong ugira. ²¹ Matta igu Yesu agu, "Kashiri, pina yi na wur, kwani ina kini yi." ²² Ko mina ma inyo agu duk ukusu na pi gisan Kashiri, kadama dobu. ²³ Yesu igu yi agu, "kwanau idama garga." ²⁴ Matta igu yi agu, "inyo idama garga ama coko ma ya akizyin akatuk kamangarin." ²⁵ Yesu igu, "a migi ma coko ma yar a kizyin, migi kuma nivataru, piyar idumun na mi, ko na ina kini idama garga. ²⁶ Kuma duk piya i gara, a dumun nami, idama kye yi, pi dumun na kene?" ²⁷ Igu yi agu, "I, Kashiri, in dumun agu a pu piyi Almasihu, kono Ka-shiri, kanka jara mawana auya. ²⁸ Ima duru magu kene a guru yi makayarkya kobini maryamu apituga, agu, "malam idagi, kuma i yesah buh." ²⁹ Na mapoti kene i coko nawau makana uyi." ³⁰ Yesu ima doto ma rinya kudo, ima yi akati na matta i wani ama zugayi. ³¹ A yahudaawa anga mayi na maryamu, wato ayanga ama tumi mawana kusumazi ama yita icira na wau awor unyong ugira, yeni a zoboroyi, adegu i wori yi maka shiba a kushek. ³² Na maryamu i maka tumu akati na Yesu iyi, aa jigi ai bina iyi, agu, "Kashiri, pina yi na wur, kwani ina kini yi." ³³ Na Yesu ima itayi isu shiba, yenna a yahudawa anga ma zob yi, i potya kidere a kasugu kayi na kham, ³⁴ yi gu, "an ki na yi nomokon yi o?" Yeni aguyi agu, "Kashiri, wana ayita." ³⁵ Yesu i shiba. ³⁶ A yahudawa agu, "itin kenna i mani Li'azaru!" ³⁷ Amma adong ayeni agu, "piyangwu ina iyan mado pidumu mamen ma kategye, ina iyan yi ama nyaza piyangwu a makye?" ³⁸ Yesu imayi unyong kidere a rici niyi, ima woroyi a kushek kumi. Kushek kumi ama yi kuteng na ama gusa kano kami a katari. ³⁹ Yesu igu, "a zi katarim." Matta igu, "Kashiri, mina nipum nim nimaru bozzo sabona imaru dene atuk anas na ma kye." ⁴⁰ Yesu igu yi agu, "azanmi in kubu agu inna pidumun pidama ita u daukaka u Kashiri?" ⁴¹ Yeni ama zya katari mi. Yesu i zakpah ayizhi agu, "picu, ngudan bu na pi pok mi." ⁴² In yo pi pokmi ko kashe kapa, amma sabona makossura mamma manyazhazyi aghadimi inyi ana bere anga, domin yeni adumi agu a pu pi kuni mi." Ima duru magu kene, a kulla animyigh nakam, agu, Li'azaru, cira uya!" ⁴³ Ima duru magu kene, a kulla animyigh nakam, agu, Li'azaru, cira uya!" ⁴⁴ Kuyaza kum ku cira uya, ibina na icara i shishizin ama riga, inyan muyi mu shishizyin adadi a kuriga. Yesu igu yeni agu, "binin yi asaga i woroyi." ⁴⁵ Unyong a yahudawa agbaki anga ma tumi u maryamu ama ita ukusu na Yesu ideni, ⁴⁶ yeni a dumya na yi; amma adong a guru ani ka Farisawa aka barya yeni makusu na Yesu i disan. ⁴⁷ Mafiristoci magbakazi na a Farisawa ama kossha majalisa a kati kadeh, agu "Iyanna ayar adama dene o?" Piyangwu i yisha alamu agbaki. ⁴⁸ Idan na kijikan yimi kene, na duk adama dumya nayi, a Romawa adama wana ama gaza ayar kategye ayar awur. ⁴⁹ Duk na kene, pidong unyong uyeni, wato, Kayafas unwu imayi ku firist ki gbaki niwa nimi, igu yeni agu, "iyonni kadangma. ⁵⁰ Yi luran ni agu mu piri yi amadugan magu piyar udeh iki sabona a yar, na magu ayar na duk a kizi?" ⁵¹ Ima barya kene ba don nici niyi ba, amma sabo na magu ayi iyi ku firist ku gbaki, ima dene anapci amagu mu dugan magu Yesu i kye sabona ayashillaci; ⁵² Kuma ba don ayashillaci urenkene ba, amma domin a kosshi nono na shiri nanna i koyinki akati kadeh. ⁵³ Tun katuk kami yeni a cigha kagben kjina uma wuna Yesu. ⁵⁴ Tun kene Yesu ima biskya ujaru a Yahudawa, amma a guruyi a kadong katege apati ka karimi au dong ubiga na ana yessah agu Ifraimu. Kuri na ima zomo na almajirai ayi. ⁵⁵ U buki wa Yahudawa u keterewa uma patana, aya agbaki ayeni ama woroani urushalima awor amayinzhi ma pati kafin katuk ku buki umi a napsa aci ayeni. ⁵⁶ Yeni a rinya kagben ka Yesu, asu berbene anaci ayeni a nyazazyi au haikali, ana gu, "iyan na yi mingzya? Idama wanayi u buki umi?" ⁵⁷ kufirist ku gbaki na a farisawa amaru do umurni agu duk kati na ayitan Yesui ama berya domin yeni a puru yi.