1
Unyong maciga amade abere, aberam ama yi na Kashiri, aberam ayi Kashirim.
2
Anga adeah unyong maciga amayi na Kashiri.
3
Makusu na duk ama napsa mani unyong uyi ba kadanma na gnapsan sai unyong uyi.
4
Unyong uyi na nivataru ni yim, kuma nivataru nim niwani matusmi kayashillaci na duk.
5
Matus mami ma baskhan unyong majin, kuma majin mami ma pirimani matus.
6
Akwai piyar na Kashiri ka yenden, ni zagi niyi agu Yahaya.
7
Yi tumi mado u Shaida game na matus mam abara amagu kowan yi dumi abara uyi.
8
Azang Yahaya yiyi matus mami, amma yi tumi domin yi duk ushaida u matus mami.
9
Matus ma ribin, mamma dugi matus ka yar asillaci na duk, mamma jara mawana unyong u duniya.
10
Mayi unyong uduniya, kuma a napsan uduniya unyong uyi amma udunuya uyunni yi.
11
Yi tumi kayayi amma ayayi asheri ani yi.
12
Amma duk ayami asheri yi, a do ugaskiya a rizagi niyi, yi dugi yeni uyanci yani awana nono na Kashiri.
13
Ayar na awaban yeni azan unyong umayuo, ko unyong unufi u ripum ko unufi u piyar amma a ujina u Kashiri.
14
Abere kuma awani ripum azomo unyong uwur. Kiyita u daukaka ukani u daukaka uiri u piyar iyi utayi unna itumi awor ka picumi, akuri na alheri na ribin.
15
Yahaya idugi u shaida arici niyi asu yasah na kam, agu, "Piyan'u ayi na yin yisha abere arici niyi agu, piyar ungyu idama tumu kacini kanang, yi pirimi domin yima yimi kafin migi".
16
min unyong mayesah mayi naki zugi masere ma alheri unyong wa alheri. Uduka uma tumu awor umusa.
17
Alheri na ugaskiya ama tumu awor uYesu Almasihu.
18
Ba kapa kanna pidong yi maru taba ma ita Kashiri, kani kan kayi uta kani kayi Kashiri; piyangu yi pengen a kasugu ka picu, yi uma yi baskankani.
19
Ani uShaida uYahaya akapa kanna aYahudawa ama kunu mafiristoci na malawiyawa makana uyi don aka ribi agu, "pu piyi wanmi o?"
20
Yi barea yeni dalla dalla kuma maza deni umusu asu amsa zana yeni agu, "azanmi inyi Almasihu mi".
21
Yeni aribiyi agu, "Toh pigi wan? Pigi Iliya? e shere "Babu"
22
Yeni agu yi, agu "pigi wan, don ki kaduk u amsa ka yalla a kunidi? Iyanna pi kuma game na rici nimu?".
23
Yigu "migi rimyih ni yesah unyong karimi, 'napsin ujina uKashiri, kamar kenna anabi Ishaya yi ku."
24
Adong aciri ka Farisawa aribiyi agu,
25
"Toh don yiyan na piyisha uBaptisma inna pizabu Almasihu mi, ko Iliya, ko anabi?"
26
Yahaya yi shere abere agu, "in yisha ubaptisma a manimasir. Amma unyong uyin akwai pidong yi yezhi unna yi yoni yi.
27
Ungyu dama tumu kacini kanang unna ko riye nia raka ayi inyi sanmi mabini."
28
Manang mamma mama wanzagana kene u Baitanya, urappu urdun a kati na Yahaya yi masu yisha u baptisma.
29
Ama ca cira rikata Yahaya yi ita Yesui yi su jara mawana uyi, igu, "ita, kigam ki Kashiri kin kide ibang yi duniya!.
30
Piyangwu na mma barini agu 'piyangwu idama tumu kacini kanang yi pirimi, domin yima yimi kafin migi."
31
Ingyu miyi amma abara amagu a ciddayi ki Israila na ntumi mimi yisha ubaptisma a manimasir".
32
Yahaya yi deni u shaida, agu, "In itan uruhu usu tozzo nana kapukturu awor uzo, ama zomo uzu rici niyi.
33
Inyokotonmi yi, amma piyangwu yi kunim agu yin yishi u baptisma unyong u manimasir yi baranmi agu duk piyar na pi itan uruhu utoro a zomo a rici niyi, ayi yisha ubaptisma unyong uruhu u shiri.
34
In itan, kuma a shaida agu piyan'u ayi kono Kashiri."
35
a ca cira rikata Yahaya yi yezhi na aya ba unyong almajirai ayi,
36
yeni a ita Yesui yi su wusu, Yahaya igu "Itin, kugam ku Kashiri".
37
Almajirai aya ba a potya kenna yiku yeni ata zoboro Yesui.
38
Yesu ima kumburga a ita yeni a zob yi, igu yeni agu, iyanna yi mani? Yeni a shere " Rabbi (agu Malam), pi zomi in ki yo?"
39
Yigu yeni agu, "wanin ama yita". Yeni azoboro yi aka ita kati na yi zomi, yeni a zomo nayi katuk kami domin kapa kama dagi ikarfi pituru yi katuk.
40
Piyar udeh unyong ayami anna ama potya abere a Yahaya a zoboro Yesu iyi Andarawus, kobina u Siman Bitrus.
41
Yima cingha kagben ka kobina Siman agu yi agu, "ki zugi Almasihu" (unna ana yeshi agu 'Kristi'"
42
Yima yendi yi u Yesu. Yesu yi ita yi agu "Pugi Siman kono ka Yahaya. Adama na yesah bu agu Kefas" (Wato Bitrus).
43
Rikata nima wana Yesu yi ama cansarana makana u galili, azuga filibus yi agu yi agu "zoboro mi."
44
Filibus asali ayi piyar uBaitasaida mi, ugari wa Andarawus yi na Bitrus.
45
Filibus yima zuga Natana'ilu agu nani agu, "kizugi yi, piyanna Musa ima nyakara unyong attaura na annabawa; Yesu kono ki Isufu, yi ciri u Nazarat."
46
Natana'ilu na guyi agu, "a dama yia mazuga kadammana kadugan u deh?" Filibus yi gu nani agu, "Wana ama ita."
47
Yesu yima ita Natana'ilu na su jara mawana uyi yi puru abere gami nani, 'Ita ba-Israili u ribin, unna ba kabere uyi!"
48
Natana'ilu na guyi agu, "pidenini a yogotemi o?" Yesu yi shere nani agu, "tun kafin Filibus yi yirki bu, akapakanna pyayi aricini ni kudus yin menbu"
49
Nathana'ilu na guddu agu "Rabbi, pigi kono Kashirim! piyi pigomo yi Isra'ilam!"
50
Yesu i shere nani agu, "abara amagu in baranbu agu, "yin itanbu a ricinini kudus, na pi dumun'u? Pidama ita manang ma piri mamma a'u gwakazu."
51
Yigu "au gaskiya, au gaskiya in basha bu, pidama ita uzo ugbanti Malaiku ma Kashiri masu tuksa au tozzo arici ni kono ka piyar."