¹ Samtang si Pedro ug si Juan nagsulti ngadto sa mga tawo, ang mga pari ug ang kapitan sa templo ug ang mga Saduseo miduol ngadto kanila. ² Sila Nabalaka pag-ayo sila tungod kay si Pedro ug si Juan nagapanudlo sa mga tawo mahitungod kang Jesus ug nagmantala sa iyang pagkabanhaw gikan sa mga patay. ³ Sila gidakop nila ug gibilanggo hangtod sa pagkabuntag, tungod kay gabii man niadtong tungora. ⁴ Apan daghan niadtong mga katawhan nga nakadungog sa maong mensahe nagtuo; ug ang kadaghanon nila nga mituo miabot ug lima ka libu ka kalalakin-an. ⁵ Kini pag-abot sa sunod nga adlaw ang mga pangulo, ug mga katigulangan, ug mga scriba, nagtigom didto sa Jerusalem. ⁶ Si Annas nga pangulong pari atua didto, si Caiafas, si Juan, ug si Alexander, ug ang tanan nga mga paryente sa pangulong pari. ⁷ Sa dihang anaa sila Pedro ug si Juan sa ilahang taliwala, ilang gipangutana sila, "Sa unsa nga gahom, ug sa unsa nga ngalan, kamo nakabuhat niini?" ⁸ Unya si Pedro, napuno sa Balaang Espiritu, nagsulti ngadto kanila, "Kamo nga mga pangulo sa katawhan, ug mga katigulangan, ⁹ kung kami niining adlawa inyong giimbistigar kalabot sa maayong buhat nga nahitabo niining usa ka tawo nga masakiton,kung sa unsang paagi kining tawha na naayo? ¹⁰ Kinahanglan kini ninyong mahibaloan ninyong tanan kining tawhana nga nagbarog sa inyong atobangan nahimsog sa ngalan ni Jesu Cristo nga nazaretnon, kisa inyong gilansang sa krus,apan gibanhaw sa Dios gikan sa mga patay. ¹¹ Si Cristo Jesus mao ang bato nga gisalikway sa mga magtutukod apan maoy nahimong ulohang patukoranan. ¹² Wala nay laing tawo diin kita makabaton ug kaluwasan: kay wala nay laing ngalan ilalom sa langit, nga gikahatag ngadto sa mga katawhan kanahanglan maluwas." ¹³ Karon sa dihang nakita nila ang kaisog ni Pedro ug ni Juan, ug ilang nahibaw-an nga sila mga yanong tawo lamang, ug wala makaeskwela, sila nangatingala, ug ilang nasayran nga sila Pedro ug Juan nakauban ni Jesus. ¹⁴ Tungod kay nakita man nila ang tawo nga naayo nagbarog uban nila,Sila wala gayoy ikasulti batok niini. ¹⁵ Apan human nila mando-i ang mga apostoles sa pagbiya sa panagtigom sa konseho, sila nagsutianay sa ilang kaugalingon. ¹⁶ Miingon sila, "Unsay atong buhaton alang niining mga tawhana? kay ang kamatuoran sa talagsaong milagro nga ilang gibuhat nahibaw-an naman sa kadaghanan nga namuyo dinhi sa Jerusalem; kita dili makalimod niini. ¹⁷ Apan kini dili mokaylap ngadto sa kadaghanan, pasidan-an nato sila sa dili na pagsugilon niini nga pangalan ngadto kang bisan kinsa." ¹⁸ Gipatawag nila pag-usab ug gimandoan nila sa dili na pagpanugilon ni pagpanudlo sa tanan ngalan ni Jesus. ¹⁹ Apan si Pedro ug si Juan mitubag ug nag-ingon kanila, "Kung husto sa mata sa Dios ang pagtuman kaninyo o kaniya, kamo ang maghukom. ²⁰ Tungod kay dili kami dili makahimo sa paghunong sa pagsuti mahitongod sa mga butang nag among nakita ug nadungog. ²¹ Human sa dugang gipasidan-an si Pedro ug si Juan, ila silang gipalakaw. Wala silay nakaplagan nga ikapasangil aron silotan sila, tungod kay ang tanang katawhan nagadayeg man sa Dios tungod sa unsa ang nahimo. ²² Ang tawo nga nakasinati sa milagro sa kaayohan nagaedad na ug kapin sa kwarenta ka tuig. ²³ Human sila gibuhian, si Pedro ug si Juan namalik didto sa ilang mga katawhan ug ilang gisulti ngadto kanila ang tanan nga giingon kanila sa mga pangulong pari ug sa mga katigulangan. ²⁴ Sa dihang nadungog nila kini, gipatugbaw nila ang ilang mga tingog ngadto sa Dios ug miingon, "Ginoo, ikaw ang nagbuhat sa kalangitan ug sa kalibotan ug sa dagat, ug ang tanan nga anaa niini, ²⁵ ikaw misulti pinaagi sa Balaang Espiritu, ug pinaagi sa baba sa among amahan nga si David nga imong alagad, 'Nganong nangasuko man ang mga Gentil nga kanasoran, ug ang mga katawhan nagahunahuna ug mga walay kapuslanan nga mga butang? ²⁶ Ikaw miingon, 'Ang mga hari sa yuta nanagtigum sa ilang kaugalingon, ug ang mga punoan nanagtigum batok sa Ginoo, ug batok sa iyang Cristo.' ²⁷ Sa pagkatinuod, si Herodes ug si Poncio Pilato, uban sa mga Gentil ug sa mga katawhan sa Israel, nagtigom niini nga siyudad batok sa imong balaan nga sulugoon nga si Jesus, kinsa ang imong gidihogan. ²⁸ Nagtigom sila aron buhaton ang tanan nga imong giplano ug giplano nang daan nga mahitabo. ²⁹ Karon Ginoo, tan-awa ang ilang mga pasidaan sa imong mga alagad aron mosulti sa imong pulong uban sa tanang kaisog. ³⁰ Ituy-od nimo ang imong mga kamot sa pag-ayo, ang mga ilhanan ug mga kahibulongan magakahitabo unta pinaagi sa ngalan sa imong balaan nga Alagad nga si Jesus." ³¹ Pagkahuman sa ilang mga pag-ampo, ang dapit nga ilang gitigoman nauyog, ug silang tanan napuno sa Balaang Espiritu, ug nagsulti sila sa pulong sa Dios uban sa kaisog. ³² Ang dakong ihap sa mga magtutuo nagkahiusa sa ilang kasingkasing ug sa ilang kalag walay bisan usa kanila nga nagaingon nga ang mga butang nga iyang gipanag-iya iyaha lamang; kung dili, ilang gihiusahan ang tanan. ³³ Uban sa dakong gahom ang mga apostoles nagapadayon sa ilang pagsangyaw sa ilang pagpamatuod mahitungod sa pagkabanhaw sa Ginoong Jesus, ug ang dakong grasya naa uban kanilang tanan. ³⁴ Walay usa ka tawo nganha kanila kinsa nakulangan sa mga butang, tungod kay ang tanan nga dunay gipanag-iya nga titulo sa yuta o mga balay nagbaligya man niini ug ang halin sa mga butang nga ilang gibaligya ³⁵ ug gidala ngadto sa tiilan, sa mga apostoles. Ug ilaha kining giapod-apod ngadto sa matag usa sumala sa ilahang panginahanglan. ³⁶ Si Jose, nga gihinganlan sa mga apostoles ug Bernabe (nga sa ato pa, Anak sa Pagdasig), usa ka Levihanon, nga taga-Cipro, ³⁷ gibaligya niya ang uma nga iyang gipanag-iya ug gidala ang kuwarta ug gibutang sa tiilan sa mga apostoles.