¹ Sa dihang pag-abot sa adlaw sa Pentecostes, silang tanan nagtigom sa samang dapit. ² Sa kalit adunay dahunog gikan sa langit nga sama kakusog sa huros sa hangin,ug kini milukop sa tibuok balay diin sila didto nanglingkod. ³ Dihay mipakita kanila nga daw dila nga kalayo nga miapod-apod kanila, ug mipatong ibabaw sa matag usa kanila. ⁴ Silang tanan napuno sa Balaan nga Espiritu ug nagsugod sila ug sulti sa nagkalain-laing pinulongan, sumala sa gihatag sa Espiritu kanila. ⁵ Karon adunay mga Judio nga nagpuyo sa Jerusalem, mga diosnon nga tawo, nga gikan sa nagkalain-laing nasod ilalom sa langit. ⁶ Sa dihang nadungog kini nga tingog, ang panon sa katawhan nagtigom ug nalibog tungod kay ang matag usa nakadungog kanila nga nagsulti sa iyang kaugalingong pinulongan. ⁷ Natingala sila ug nahibulong; Miingon sila, “Dili ba mga Galileanhon man kining tanan nga nagsulti? ⁸ Ngano nga ato man silang madungog, matag usa sa atong kaugalingong pinulongan nga atong natawhan? ⁹ Partia ug Media ug Elam ug kadtong nagpuyo sa Mesopotamia, sa Judea ug Capadocia, sa Ponto ug Asia, ¹⁰ Frigia ug Pamfilia, sa Ehipto ug uban pang dapit sa Libya sa Cirene, ug mga bisita gikan sa Roma, ¹¹ mga Judio ug dili Judio, Creta, ug Arabia, nadungog nato nga misulti sila sa atong pinulongan mahitungod sa dakong mga buhat sa Dios." ¹² Silang tanan natingala ug naglibog; sila nag ingna-nay sa matag usa, "Unsa bay buot ipasabot niini?" ¹³ Apan ang uban kanila nagbiay-biay ug nag-ingon, "Silang tanan puno sa bag-ong bino." ¹⁴ Apan si Pedro mitindog uban sa onse, sa kusog nga tingog, ug nag-ingon kanila, "Katawhan sa Judia ug kamong tanan nga nagpuyo sa Jerusalem, buot kung masayod kamo; paminaw kamo sa akong isulti. ¹⁵ Kining mga tawhana wala nangahubog sama sa inyong gituohan, kay kini ikatulong takna pa sa adlaw. ¹⁶ Apan kini ang gipamulong kaniadto pinaagi kang propeta Joel: ¹⁷ 'Mahitabo kini sa kataposang mga adlaw,' nag-ingon ang Diyos, 'Ibubo ko ang akong Espiritu sa tanang katawhan. Ang inyong mga anak nga lalaki ug ang inyong mga anak nga babaye managna, ang inyong mga batan-ong lalaki makakitag mga panan-awon, ug ang inyong mga tigulang magdamgo ug mga damgo. ¹⁸ Sa pagkatinuod sa akong mga sulugoon ug sa akong mga sulugoong babaye niadtong mga adlawa ibubo ko ang akong Espiritu, ug sila managna. ¹⁹ Ipakita ko ang katingalahan ibabaw sa kalangitan ug mga timaan sa kalibotan dinhi sa ubos, dugo, kalayo, ug baga nga aso. ²⁰ Ang adlaw mahimong kangit-ngit ug ang bulan mahimong dugo sa dili pa ang talagsaong adlaw sa Ginoo moabot. ²¹ Kini mahimo nga ang matag usa nga magatawag sa ngalan sa Ginoo maluwas.' ²² Katawhan sa Israel, pamati-a kining mga pulonga: Si Jesus nga Nazaretnon ang tawo nga gipamatuod-an sa Dios diha kaninyo pinaagi sa dakong buhat ug katingalahan ug ilhanan nga gibuhat sa Dios pinaagi kaniya sa inyong taliwala, kamo sa inyong kaugalingon nahibalo na niini-- ²³ Kini nga tawo gitogyan ngato sa Dios nga gitakda na daan nag plano nahibalo-an nang daan ug kamo pinaagi sa kamot sa malapasun nga tawo,nabutang kaniya ngato sa kamatayun pinaagi sa paglansang sa krus. ²⁴ Apan gibanhaw siya sa Dios, giluwas siya gikan sa mga kasakit sa kamatayon, tungod kay imposible nga mahuptan siya niini. ²⁵ Kay si David misulti mahitungod kaniya, 'Ako nakakita sa Ginoo kanunay sa akong atubangan, tungod kay siya dinhi kanunay sa akong tuong kamot aron nga dili ako matarog. ²⁶ Busa ang akong kasingkasing nagmalipayon kaayo ug ang akong dila naglipay. Usab, ang akong unod magpuyo nga malaomon. ²⁷ Para kanimo wala biyai ang akong kalag didto sa hades,Ni motugot ka nga ang imong Usa ka Balaan makakita nga madunot. ²⁸ Imong gipadayag kanako ang dalan sa kinabuhi; imo akong gipuno sa kalipay uban sa imong panagway.' ²⁹ Mga igsoon, ako magasulti kaninyo nga mahitungod sa patriarka nga si David, siya namatay ug gilubong, ug ang iyang lubnganan uban kanato niining mga adlawa. ³⁰ Busa, siya usa ka propeta ug nasayod nga ang Dios nagsaad ug nanumpa ngadto kaniya nga gikan sa iyang kaliwat adunay maglingkod sa iyang trono. ³¹ Ug iya nang nakita niya ang nahitabu sa umaabut ug nagsulti mahitongod sa pagkabanhaw ni kristo,wala siya biyai didto sa hades,ni ang iyang unod makita nga madunot. ³² Kining Jesus-gibanhaw siya sa Dios, Ug kitang tanang mga saksi. ³³ Busa ingon nga binayaw ngadto sa tuong kamot sa Dios ug nakadawat sa saad sa Balaang Espiritu gikan sa Amahan, siya nagbubo niini nga inyong makita ug madungog. ³⁴ Kay si David wala mikayab sa langit, apan nag-ingon siya, "Ang Ginoo nag-ingon ngadto sa akong Ginoo, Lingkod sa akong tuong kamot, ³⁵ Hangtod nga himuon ko ang imong kaaway nga tumbanan sa imong tiil." ³⁶ Busa, pasagdi ang tibuok kabanayan sa Israel nga masayod nga ang Dios naghimo kaniya nga Ginoo ug Cristo, kining Jesus kinsa inyong gilansang sa krus." ³⁷ Karon sa dihang sila nakadungog niini, silang daw gitusok ang ilang kasingkasing, ug nag-ingon didto kang Pedro ug sa mga apostoles, "Mga igsoon, unsa man ang among buhaton?" ³⁸ Unya si Pedro nag-ingon ngadto kanila, "Paghinulsol kamo ug pagpabawtismo, ang matag usa kaninyo, sa ngalan ni Jesu-Cristo alang sa kapasayloan sa inyong mga sala, ug makadawat kamo ug gasa sa Balaang Espiritu. ³⁹ Kay alang kaninyo mao ang saad ug ngadto sa inyong mga kabataan ug alang niadtong naa sa halayo, sumala sa kadaghanon sa tawo nga pagatawgon sa Ginoong Dios." ⁴⁰ Uban sa daghang mga laing pulong iyang gipamatud-an ug naghangyo kanila,nga nag ingon,luwasa ang inyong kaugalingon niining daotang kaliwatan. ⁴¹ Unya sila midawat sa iyang pulong ug nagpabawtismo, ug nianang adlawa adunay nadugang nga tulo kalibu ka mga kalag. ⁴² SilNaa nagmatinod anon sa gitudlo sa mga apostoles ug sa pagpanagtigom, sa pagpikas-pikas ug tinapay ug sa pag-ampo. ⁴³ Giabot ug kahadlok ang matag kalag, ug daghang mga kahibulongan ug ilhanan ang nabuhat pinaagi sa mga apostoles. ⁴⁴ Silang tanan nga nagtuo naghiusa ug managsama sa tanan nga mga butang, ⁴⁵ ug ilang gibaligya ang ilang mga katigayonan ug ang ilang gipanag-iyahan ug giapud-apod kini kanila, sumala sa matag usa nga gikinahanglan. ⁴⁶ Busa matag adlaw nagmatinod-anon sila sa ilang kaugalingon uban sa usa ka tumong didto sa templo, sila nagpikas-pikas ug tinapay didto sa ilang balay, ug nag-ambitay sila sa ilang mga pagkaon uban sa kalipay ug sa pagpaubos sa kasingkasing; ⁴⁷ nagdayeg sa Dios ug nakabaton ug pabor sa tanan nga mga tawo. Sa matag adlaw gidugangan sa Ginoo ang ilang pundok sa mga tawo nga naluwas.