¹ Si Pablo nahiabot usab sa Derbe ug Listra, ug ania karon, usa ka tinon-an nga ginganlan ug Timoteo ang atua didto, ang anak nga lalaki sa usa ka babayeng Judio nga magtutuo, ang iyang amahan usa ka Griyego. ² Siya nahisgotan pag-ayo sa mga kaigsoonan nga atua sa Listra ug Iconium. ³ Si Pablo nagtingoha kaniya sa pagbiyahi uban kaniya; busa gidala niya siya ug gituli siya tungod sa mga Judio nga atua niadtong dapita, kay nasayod silang tanan nga ang iyang amahan usa ka Griyego. ⁴ Samtang miadto sila sa ilang agianan padulong sa mga siyudad, ilang gihatag ngadto sa mga simbahan ang mga pahimangno nga ilang tumanon, ang mga pahimangno nga gisulat sa mga apostoles ug mga katigulangan sa Jerusalem. ⁵ Busa ang kasimbahanan nalig-on diha sa pagtuo ug midaghan matag adlaw. ⁶ Si Pablo ug ang iyang mga kauban nangadto sa mga rehiyon sa Prygia ug Galatia, sukad sila gidid-an sila sa Balaang Espiritu sa mantala sa pulong sa probinsiya sa Asya. ⁷ Sa dihang nagkahaduol na sila sa Mysia, misulay sila sa pag-adto sa Bitinia, apan ang Espiritu ni Jesus nagpugong kanila. ⁸ Busa sa paglabay sa Mysia, mikanaog sila ngadto sa siyudad sa Troas. ⁹ Usa ka panan-awon ang mitungha kang Pablo sa kagabhion: ang usa ka tawo sa Macedonia nagbarog didto, nagpakiluoy kaniya ug misulti, "Anhi dinhi sa Macedonia ug tabangi kami." ¹⁰ Sa pagkakita ni Pablo sa maong panan-awon, dihadiha dayon nangandam kami paingon sa Macedonia, sa pagtuo nga ang Dios nagtawag kanamo sa pagmantala sa maayong balita ngadto kanila. ¹¹ Busa sa pagpangandam sa paglayag gikan sa Troas, kami mihimo og tul-id nga dalan paingon sa Samothrace, ug sa pagkasunod adlaw nahiabot kami sa Neapolis; ¹² Gikan didto nangadto kami sa Filipos, kini ang siyudad sa Macedonia, ang pinakamahinungdanong siyudad sa distrito ug usa ka kolonya sa Roma, ug nagpabilin kami niining siyudara sulod sa pipila ka mga adlaw. ¹³ Sa Adlaw'ng Igpapahulay nangadto kami gawas sa ganghaan pinaagi sa suba, diin kami naghunahuna nga adunay dapit didto alang sa pag-ampo. Nanglingkod kami ug nakigsulti sa mga babaye nga miabot ug nagtigom. ¹⁴ Usa ka babaye nga ginganlan ug Lydia, nga namaligya ug tapol gikan sa siyudad sa Thyatira, kinsa nagsimba sa Dios, namati kanamo. Giablihan sa Ginoo ang iyang kasingkasing aron sa pagpamati sa mga butang nga gipamulong ni Pablo. ¹⁵ Sa nabawtismohan na siya, ug ang iyang tibuok panimalay, nag-awhag siya kanamo, nga nag-ingon, "Kung inyong hukman ang akong pagkamatinud-anon sa Ginoo, uban sa akong balay, ug pagpabilin didto." Ug nadani kami niya. ¹⁶ Kini nahitabo nga, samtang kami padulong sa dapit nga alampoanan, ang usa ka batan-on nga babaye adunay espiritu sa pagpanagna ang nasugatan namo- nagdala siya ug sapi sa iyang mga agalon pinaagi sa pagpanghimalad. ¹⁷ Kini nga babaye nagsunod kang Pablo ug kanamo ug nagsinggit, nga nag-ingon, "Kining mga tawhana mga alagad sa Labing Halangdong Dios. Sila nagmantala kaninyo sa dalan sa kaluwasan." ¹⁸ Gibuhat niya kini sa daghang mga adlaw. Apan si Pablo, gisamokan na gayod kaniya, milingi ug miingon sa espiritu, "Gimandoan ko ikaw sa ngalan ni Cristo Jesus nga gula gikan kaniya." Ug migula kini diha dayon. ¹⁹ Sa pagkakita sa iyang mga agalon nga ang ilang paglaom nga makasapi kakon nawala na, ilang gidakop si Pablo ug Silas ug giguyod sila ngadto sa merkado atubangan sa mga awtoridad. ²⁰ Sa dihang gidala na nila sila sa maghuhukom, sila miingon,naghimo sa daghang kasamok sa atong siyudad "Kining mga tawhana mga Judio. ²¹ Sila nagpahayag ug mga nabatasan nga dili uyon sa balaod nga dawaton o buhaton sa mga Romano." ²² Unya ang panon sa katawhan nagdungan ug panindog batok kang Pablo ug Silas; ang mga maghuhukom naggisi sa ilang mga bisti ug gihukasan sila ug gimandoan sila nga pagabunalan sa mga sungkod. ²³ Samtang nabunalan na sila sa makadaghan, ilang gibalhog sila didto sa bilanggoan ug gimandoan ang magbalantay sa bilanggoan nga bantayan sila pag-ayo. ²⁴ Human niya makuha kini nga sugo, ang magbalantay sa bilanggoan nagbhog kanila sa pinakasuok nga bahin sa bilanggoan ug gigapos ang ilang mga tiil ug gipandogan. ²⁵ Sa pagkatungang gabii si Pablo ug Silas nag-ampo ug nag-awit ug mga alawiton ngadto sa Dios, ug ang ubang mga binilanggo naminaw kanila. ²⁶ Sa kalit lang adunay kusog nga linog, busa ang patukoranan sa bilanggoan nauyog; ug dihadiha dayon ang tanang mga pultahan nangaabli, ug ang kadena sa tanan nangatangtang. ²⁷ Ang magbalantay sa bilanggoan nakamata gikan sa pagkatulog ug nakita nga naabli na ang mga pultahan sa bilanggoan; iyang gihulbot ang iyang espada ug patyon na unta ang iyang kaugalingon, tungod kay nagtuo siya nga ang mga binilanggo nakaikyas na. ²⁸ Apan si Pablo misinggit sa makusog nga tingog, nga nag-ingon, "Ayaw pasakiti ang imong kaugalingon, tungod kay kaming tanan ania ra dinhi." ²⁹ Ang magbalantay sa bilanggoan nagtawag alang sa suga ug midali pagsulod ug mihapa nga nangurog sa kahadlok sa atubangan ni Pablo ug Silas, ³⁰ ug gidala sila sa gawas ug miingon, "Mga Sir, unsa may akong angay buhaton aron maluwas?" ³¹ Sila miingon, "Tuo kang Ginoong Jesus, ug mamaluwas ka, ikaw ug ang imong panimalay." ³² Ilang gisulti sa pulong sa Ginoo ngadto kaniya, uban ang tanan nga anaa sa iyang balay. ³³ Unya gidala sila sa magbalantay sa bilanggoan sa sama gihapong taknaa sa kagabhion, ug gihugasan ang ilang mga samad, ug siya ug ang iyang panimalay gibawtismohan dayon. ³⁴ Unya ingon sa iyang gidala si Pablo ug Silas ngadto sa iyang balay ug nag-andam ug pagkaon alang kanila. Siya nagmaya pag-ayo uban sa iyang panimalay, nga siya mituo sa Dios. ³⁵ Karon sa dihang adlaw na, ang mga maghuhukom nagpadala ug pulong ngadto sa mga magbalantay, nag-ingon, "Buhii kadtong mga tawhana." ³⁶ Ang magbalantay sa bilanggoan misugilon sa maong mga pulong ngadto kang Pablo, nga nag-ingon, "Ang mga maghuhukom nagpadala ug pulong kanako nga buhian kamo. busa karon gawas, ug lakaw nga malinawon." ³⁷ Apan si Pablo miingon ngadto kanila, "Ila kaming gibunalan sa kadaghanan, mga tawo nga wala nahukman isip Romanhon, ug gibalhog kami ngadto sa bilanggoan; karon ila kaming buhian sa hilom? Dili gayod; tugoti nga sila mismo ang moanhi ug mopagawas kanamo." ³⁸ Ang mga magbalantay nagsugilon niining mga polonga ngadto sa mga maghuhukom, ang mga maghuhukom nangahadlok sa pagkadungog nila nga si Pablo ug Silas mga Romanhon, ³⁹ Ang mga maghuhukom miabot ug nagpakiluoy kanila ug gidala sila pagawas, naghangyu kanila pagpalayu gikan sa siyudad. ⁴⁰ Busa si Pablo ug Silas migawas sa bilanggoan ug miabot sa balay ni Lydia. Sa dihang si Pablo ug Silas nakakita sa mga kaigsoonan, gidasig nila sila ug unya mibiya sa siyudad.