¹ Pipila ka mga lalaki milugsong gikan sa Judea ug nagtudlo sa mga kaigsoonan, sa pagingon, "Gawas kung kamo magpatuli sumala sa nabatasan ni Moises, kamo dili gayod maluwas." ² kini nagdala kang Pablo ug Barnabas ngadto sa usa ka mahait nga panaglalis ug debate uban kanila. busa si pablo ug barnabas, uban sa pipila nga gikan kanila,Diin gitudlo sila sa pagtungas sa Jerusalem aron makigkita sa mga apostoles ug sa mga anciano mahitungod niini nga pangutana. ³ Busa sila,ingon nga pinadala sa simbahan, milabay sa duha sa Finicia ug sa Samaria ug gipahibalo ang pagkakabig sa mga Gentil; ilang gidala ang hingpit nga kalipay ngadto sa mga kaigsoonan. ⁴ Sa dihang miabot na sila sa Jerusalem, giabiabi sila sa mga simbahan ug sa mga apostoles ug sa mga kadagkoan, ug ilang gipahibalo ang tanang mga butang nga gibuhat sa Dios uban kanila. ⁵ Apan pipila ka mga tawo nga mituo,kinsa nahisakop sa pundok sa mga Pariseo, mitindog ug miingon, "Kinahanglan nga magpatuli sila ug sa pagsugo kanila sa pagbantay sa balaod ni Moises." ⁶ Busa ang mga apostoles ug ang mga kadagkoan nagtigom aron sa paghunahuna niining butanga. ⁷ Pagkahuman sa daghan nga panaglantugi, si Pedro mitindog ug miingon ngadto kanila, "Mga kaigsoonan, kamo nasayod nga ang nakaayo kaniadto ang Dios nagbuhat ug pagpili taliwala kaninyo, nga pinaagi sa akong baba ang mga Gentil kinahanglang makabati sa pulong sa maayong balita, ug motuo. ⁸ Ang Dios, kinsa nakabalo sa kasingkasing, nagpamatuod ngadto kanila pinaagi sa paghatag kanila sa Balaang Espiritu, sama sa iyang gibuhat kanato; ⁹ ug iyang gihimo kini nga walay kalainan taliwala kanato ug kanila, sa pagbuhat sa ilang mga kasingkasing nga hinlo pinaagi sa pagtuo. ¹⁰ Unya karon nganong inyong gisulayan ang Dios, nga kinahanglan inyong ibutang ang yugo sa liog sa mga tinon-an nga bisan ang atong mga amahan ni bisan kita dili makahimo pagdala? ¹¹ Apan kita nagtuo nga kita naluwas pinaagi sa grasya ni Ginoong Jesus, sama kanila." ¹² Ang tanan nga katawhan nagpabilin sa paghilom samtang sila naminaw kang Barnabas ug Pablo nga nagsaysay sa mga timailhan ug mga kahibulongan nga gibuhat sa Dios taliwala sa mga Gentil pinaagi kanila. ¹³ Pagkahuman nila ug hunong sa pagsulti, si Santiago mitubag, nga nag-ingon, "Mga igsoon, paminaw kamo kanako. ¹⁴ Si Simon nag-ingon giunsa sa Dios una nga maloloy-on nga mitabang sa mga Gentil aron sa pagkuha gikan kanila ug usa ka katawhan alang sa iyang ngalan. ¹⁵ Ang mga pulong sa mga propeta nag-uyon niini, ingon nga kini nahisulat. ¹⁶ Pagkahuman niining mga butanga ako mobalik. Ug akong tukuron pag-usab ang barongbarong ni David, nga napukan; ako kining ipatindog ug ipasig-uli pag-usab. ¹⁷ Kay aron ang nahibilin sa mga tawo mangita sa Ginoo, lakip ang tanang mga Gentil nga gitawag pinaagi sa akong ngalan. ¹⁸ Mao kini ang giingon sa Ginoo, kinsa nagbuhat niining mga butanga nga nahibaloan na sukad pa sa karaang panahon. ¹⁹ Busa, ang akong hunahuna mao nga dili na nato samukon kadtong mga Gentil nga midangop sa Dios; ²⁰ apan kita magsulat ngadto kanila nga kinahanglan magdumili sila gikan sa mahugaw nga mga diosdios, gikan sa malaw-ay nga pakighilawas, ug gikan sa unsang linuok, ug gikan sa dugo. ²¹ Alang kang Moises nagsangyaw didto sa matag siyudad gikan sa karaang mga kaliwatan ug nagabasa kaniya ngadto sa sinagoga matag Adlaw nga Igpapahulay." ²² Unya kini daw maayo ngadto sa mga apostoles ug sa mga kadagkoan, uban ang tibuok simbahan, sa pagpili kang Judas Barsabbas ug Silas, mga pangulo sa simbahan, ug ipadala sila sa Antioquia uban kang Pablo ug Barnabas. ²³ Sila misulat niini, "Gikan sa mga apostoles, mga kadagkoan ug mga kaigsoonan, ngadto sa mga Gentil nga mga kaigsoonan sa Antioquia, Syria ug Cilicia: mga Pangomusta! ²⁴ Tungod kay kami nakadungog nga ang pipila ka mga tawo nanggula gikan kanamo,walay pagtugot gikan kanamo,ug nagsamok kaninyo sa mga pagtulon-an nga makapaguol sa inyong mga kalag, ²⁵ Daw kini maayo alang kanato,nga misantop sa usa ka hunahuna, sa pagpili ug mga tawo ug ipadala sila nganha kaninyo uban sa atong hinigugma nga Bernabe ug Pablo, ²⁶ mga tawo nga anaa sa kuyaw ang ilang kinabuhi alang sa pangalan sa atong Ginoong Jesu-Cristo. ²⁷ Busa among ipadala si Judas ug Silas, kinsa mosulti kanimo sa samang butang sa ilang kaugalingon nga mga pulong. ²⁸ Kay kini daw mas maayo ngadto sa Balaang Espiritu ug kanato, sa pagbutang diha kaninyo nga walay dakong palas-anon kay sa niining mga mahinungdanong mga butang: ²⁹ nga kamo mobiya gikan sa mga butang nga gihalad sa mga diosdios, dugo, sa mga butang nga linuok, ug gikan sa malaw-ay nga pakighilawas. Kung magbantay kamo sa inyong kaugalingon gikan niini, kini makaayo gayod kaninyo. Panamilit." ³⁰ Busa sila, sa dihang sila nagbulagbulag na, miabot didto sa Antioquia; pagkahuman ilang gitapok ang pundok sa katawhan, ug ilang gipadala ang sulat. ³¹ Sa dihang ila kining nabasa, labihan ang ilang kalipay tungod sa mga pagdasig. ³² Si Judas ug si Silas, ug ang mga propeta usab, nagdasig sa mga kaigsoonan uban sa daghang mga pulong ug naglig-on kanila. ³³ Pagkahuman nila ug gahin sa pipila ka higayon didto, sila gipadala diha sa kalinaw gikan sa mga kaigsoonan alang adtong nagpadala kanila. ³⁴ Ang labing maayong karaang kopya giwala sa bersikulo 34 ( tan-awa sa Buhat 15: 40). Bersikulo 34, Apan kini daw maayo nga si Silas magpabilin didto. ³⁵ Apan si Pablo ug Barnabas nagpabilin sa Antioch uban ang kadaghanan, diin sila nagtudlo ug nagwali sa pulong sa Ginoo. ³⁶ Pagkahuman sa pipila ka mga adlaw si Pablo miingon ngadto kang Barnabas, "Mamalik na kita karon ug duawon ang mga kaigsoonan sa kada siyudad diin kita nagmantala sa pulong sa Ginoo, ug pagtan-aw kung naunsa sila. ³⁷ Si Barnabas buot usab nga ubanon si Juan nga gitawag ug Marcos uban kanila. ³⁸ Apan si Pablo naghunahuna niini nga dili maayo ubanon si Marcos, kinsa maoy mibiya kanila gikan sa Pamfilia ug dugang pa wala na mikuyog kanila sa pagpamuhat. ³⁹ Unya didto miulbo ang hait nga panagsumpaki, busa sila nagbulag gikan sa matag-usa, ug si Barnabas gidala si Marcos uban kaniya ug milawig palayo sa Cyprus. ⁴⁰ Apan si Pablo gipili si Silas ug mibiya, pagkahuman siya gitugyan pinaagi sa mga kaigsoonan sa grasya sa Ginoo. ⁴¹ Ug siya miadto padulong sa Syria ug Cilicia, naglig-on sa mga kasimbahanan.