¹ Pamu mutakumanya, bowamwitu(pakuti inguyugha kubandu babo bakumanya ifya ndaghilo), ukuti indaghilo shili namaka pamundu mumwo abelile pakabalilokako ali nubwumi? ² Pakuti umukolo uwa panyegha akupinyiwa nindaghilo kumulume wake, lole linga umulume afwa, aloi wakwabuliwa kundaghilo isha nyegha. ³ Po apa, mwo umulume wake ali kubwumi, linga akwikala numulisha umunine, takitishiwange ukuti wi malaya. Lole linga umulisha wake afwa, ali wakwabuliwa kundaghilo, po apa ata wimalaya sona linga akwikala numulisha uyungi. ⁴ Po bule, bowamwitu, mukapangiwa bakufwa lulaghilo lwa mubili wa Kilisitu. Ifi fyofyo fyakuti ube pamupene nabanyako, ukuti kuyuyo akasha kubufwe, ukuti tiupape iseke isha Chala. ⁵ Pakuti isa mumwo tukabela kumubili, ubwighane bwa mbibi, ghakwisa ghawishiwe nindaghilo, kuko kumbombo abanyitu bapape iseke isha bufwe. ⁶ Lole apa twabukiteko ku ndaghilo. Tufwile ku ifyo fifyo tukapinyiwa. Apa popotukubombela mubupya bwa mwikemo, sona hagha mufyakale ifyakusimba. ⁷ Fyoni fifyo tungayugha apa? Indaghilo pashene mbibi? Hagha napo panandi. Po bule, ingakamanyagha lumo imbibi, linga shitakendelagha mundaghilo. Plakuti indakidsa namanya ichinyenwa penepapo indaghilo shayugha ukuti, ''Manye unyenwange ifindu ifyabenecho.'' ⁸ Lole imbibi shikegha imbombo iya kundaghila nukwegha fyoshi ifinyenwa mwa une. Pakuti ukushita indaghilo, imbibi shifwile. ⁹ Pakabalilo kamu ingikala kushita indaghilo, lole mwo indaghilo shisa, imbibi shikakaba ubwumi, sona ngafwa. ¹⁰ Indaghilo shisho shikaba shakwisa nu bwumi shikasanuka sha bufwe bwangu. ¹¹ Pakuti imbibi shikegha imbombo pandaghilo nukushimbula une. Ukwisila mundaghilo shikangogha une. ¹² Popapo indaghilo nyelu, po sona ululaghilo lkwelu, lugholokite, sona lwisa. ¹³ Po chikung'anamula ukuti chicho chisa chikuba bufwe kukwangu? Hagha napopanandi. Lole imbibi, shoshisho shingalaghisha ukuti mbibi, ukupela ubufwe mwa une ukwendela mufifyo fikaba fyisa, sona ukwendela mundaghilo sha mbibi shingisa nimbibi ngani ukulusha ichipimo. ¹⁴ Pakuti tukumanya ukuti ululaghilo lughindikiwa, lole indi mubili. Ingaghulishiwa kubusha bwa mbibi. ^{15 16} Pakuti fifyo ngubomba, ndakufipulikisha. Pakuti