¹ Tututolea gite ge vagotalo egite soio tegiteu e Suara me egite la mulugaluga, eme ge roromuli egiteu, me ge raragi ge igo tomi la igolula ale tartigi, ² umala vahugu tavula la merera ale kama kora, umala vikokue, me ge pu taho, vaihililoa gite la vulovulo la vagotalola soio tegite la valua tomi. ³ La imala ale etato ge vahu taroa me etato ge varumu. me etato ge tuga gale tiele me etato oilo ti la kilisi tela vulovulo mela masagala ale kama kora. E tato mahuli oilo la mahulila ale kamakora mela tia barala. E tatou pala igototolo me etato kama masaga e tabara gatou. ⁴ Alamoli la imala la gilogo te Deo mela utulula gomai mela masagala tela valalua tomi sibitala, ⁵ eia kama la igolula tela magiri matatala ale etato igoa, ouka ale la tia gorila tetala eia vimahuli etatoue, loio tela vuhiveila tela pigo halabala me la vimarokala loio tela kalulu maroka. ⁶ Ale e Deo tigitaroa tia oata tegatou loio tela Mahulila oilo te Isus Kraist, ⁷ La vuhula eia utululu e tatou tela gilogo tetala, via e tato ge sibitala mae la hilila me etato tahoka la tautaulailo oio tela mahulila ale la tapasila ge ouka ⁸ La merea aleie eia eme ge tau la tiamu oio vola, eau masaga via amuto ge tuhaka tavu la papaga aleie, ila egite ale tautaulailo oio te Deo egite ge igolu tela igolula ale tartigi. La papaga aleie a tartigi me a koramuli ge visuli la valua tomi. ⁹ Alamoli eme ge lake taro la pigi malikila ale paua mela vigile mulila tela maratatila mela vipou barala oilo tela Lo. Egite la papaga aleie kama ge viguvi isa la paga ale tartigi mela tikumula ouka. ¹⁰ Kimoso taro egite la valua ale viguvila vileluala kabili tamutou, mulmuli tela mera tagala ge vakalua, ¹¹ eme ge rovia mae egite la valua ale maele polo taro ti la gauru ale tartigi me egite igoti la iriru ale igo kama kora egite lou. ¹² La imala eau ge baha e Atemas ouka e Taikekus somai taume, Igo harari gomai taku omae e Nikopolis, la ba ale eau gabutala ti viage pou ovola tela imala hipu. ¹³ Igo tomi la rova eme koramuli ge igoa ge baha egite somai la gauru e Jenas eia la tahalo la Lo me Apolos, la vuhula egite kama ge boto isa la paga. ¹⁴ Egite la valaua tegato ge mari ale ge tau egite, lou soilo la igolu ale tartigi ale abitia giteu tela rova egite savelea, me oio tai vola egite kamage via kage tau la vavua giteu. ¹⁵ Me egiteu ale vikapopo mele eau sage robo amutou. Sage robo egite ale masaga etatou oilo la tautaulailo. La Gilologo ge vitomi le amuto tomi.