¹ Alamoli emei, vigia tela paga ale koramuli sele vikapopo mela veimulila. ² Vimari egite la valua ale ururu la veimulila ale tartigi, la mari, la milatala ale tartigi, La tautaulailo ale ge tali taho, oilo la gilogo, me oilo tela tuhakala. ³ Eme ge vimari egite tavile ururu tai ge tahoka la tilogo oilo tela vulovulo giteu, me egite umala ge mera vasigologolo, ouka la vain umala uru oilo tegiteu, egite ge la tavile la vimari la vala la papaga ale tartigi, ⁴ Me ge vimari egite tavile la sobe mae egite ge masaga e hararua giteu me e latatu giteu, ⁵ Me eia ge la tavile la irovi, Maroka, me egite ge la tavile ale baumuli la luma, me la iromuli le harua giteu, la vuhula la merera te Deo umala ge kama kora. ⁶ Oilo tai tela gauru alele, eme ge vikara vagari soio tegite maure halabalaba ge igolu mela gabutala ale tartigi. ⁷ Me oilo tela gauru tomi eme ge vahililo emei mae la vitovo mulila tela igolu ale tartigi. Oilo tela vimari ale eme ge igoa, vahililo la magiri vagarila, la magiri tora la, ⁸ Me la merera ale sele ale loata tela mera vilela, La vuhula ere isa viage magiri robo emei eia ge mahela la vuhula eia kama tahoka isa la paga ge veia somai tegatou. ⁹ Vimari egite la tahalo la kiloli ge roromuli egiteu la mulugaluga tegiteu oilo tela papaga tomi, ge igo sagege egiteu kama ge mera galolo soio tegiteu. ¹⁰ Egite umala ge pakalikali oio tegiteu, ouka egite ge vahililo pala tomi la tautaulailo ale tartigi, La vuhula oio tela gauru tomi egite ge abiala vimari te Deo la tahalo la kiloli la makodo. ¹¹ La gilogo te Deo guvi pala ti tela mahulila tegite la valua tomi. ¹² La gilogo vimari etatou ge poke taro la vulovulo ale kama loio te Deo mela gilabulabu tela mautula magasa ale vagari sele, me egite mahuli oilo tela vulovulo la hate tolala, ale matata, me la mahuli le Deo oilo tela imala aleie, ¹³ Oio la imala ale etatou mata solagu tela vibalavala ale etatou masaga ge abia, la guluvi la marasala te Deo tegato ale uru sele me la tahalo la vimahulila e Isus Kraist. ¹⁴ E Isus sugutaro eia somai tegatou viage loto rivu etatou loio tela ba ale la Lo isa kama ovola ge igo etatou ge maroka via etato ge tetala mae la valua ale isapolo sele ale raragi ge igo la igolu tomi ale tartigi. ¹⁵ Eme ge vikara oio tela papaga aleie, vikara vagaria gite la valalua ge vigolu egiteu, tau matata tomi la papaga vikapopo mela vagarila. Isa umala ge varumurumu soio taume.