¹ E Pol, la tahalo la igolu te Deo me eia la Aposel te Isus Kraist tela tautaulailo tegiteu la valua la hilovila te Deo mela mari tela seselela ale masaga tavu la mahulila te Deo, ² vikapopo mela masagala tela mahulila ale la tapasila ouka ale e Deo, eia kama koramuli ge vasigolo, eia promis pala sele ti tela imala tela silokoloko, ³ La imala sibitala sele eia tau pala la merera tetala oilo tela valolola vikapopo me la igolula ale e Deo la vimahulila mera vagari tiagu ge igoa. ⁴ Ale goio te Taitus, E latu ale sele oilo la tautaulailo ale isa moli. la gilogo mela tia madila loio te Deo e tamale Kraist Isus la tahalo vimahulila tegatou. ⁵ Ale la vhula ale eau hele taro amutou oilo e Krit, via eme ge tau tigi tomi la papaga ale souka puru me emei ge igo la kilaka la vagarila oata tegiteu la mulugaluga la lotu oilo tomi la Siti mae ale eau vituri muli tiamu. ⁶ Egite la mulugaluga la lotu la mahulia ge maroka me age matata, e haruala la tavile ge isa moli, me e latatula ge oilo la tautaulailo e latatu ale egite kage ubi le egiteu la merera la mahulila ale kamka kora mela varumula. ⁷ Eia la paga ale tikumu sele oilo tela tahalo la mulugaluga, eia mae la tahalo ale baumuli la luma te Deo, la mahulila ge maroka, eia kage la tahalo la kalisaela, eia kamage la tahalo ale igotolo bubu, eia kage la tahalo la iliu la vaen, me eia kage la tahalo la hate tuhula. ⁸ Age mae, eia ge kope la mata luma tetala me eia ge vitame tabara soio tela papaga ale taritigi, eia ge la tahalo ale hilo matagaga harari la papaga, age matata, age maroka, mela hate tolala. ⁹ Me eia ge sautola vagari la merera la seselela ale vimari tila, la vuhula eia ge mera vagaria gite isapolo la merera ale tartigi me eia ge lapu matata egiteu ale magiri robo eia ¹⁰ La vuhula la valua la varumula usu sele oio le, egite ale la kalia la merera tegite ouka egite ale vasigologolo, ale uru sele egite ale vali la vovogiteu. ¹¹ A tartigi ge magiri robo egiteu. egite igo barabara la pulou la taulaila tela vimari ale la mahelala ge guvi ovola ale la rova egite kama koramuli ge vimari ovola ¹² E Propet tegite sele isa vei mae, "Egite Crete la valua la vasigogolola, La hitu la taua, la sihala, la ali peila." ¹³ La merera ale asele, oilo vola eme ge tautigi tomi egiteu, la vuhula la tautaulailo tagite ge tali taho, ¹⁴ umala roromuli la vigile mulila ouka la merera tegite ale poke taro ti la merera la seselela. ¹⁵ Me egite ale marokati, la papaga tomi eia marokati. alamoli egiteu ale marapati mela tautaulailo ouka, la paga isa kama maroka, la gabutala gite mela gilabulabu tegite a kamakora ti. ¹⁶ Egite promis via egite rovi e Deo, alamoli egite tahitaro eia oilo tela vulovulo giteu. Egite igo maraparapa, la iromulila ouka, me egite kama koramuli ge igo isa la igolula ale tartigi.