1
A goio sibitala mae la imamala e Apolos soloio e Korin,me Pol polo soio la kaontri oataeo eia goio la siti e Efeses, me eia poga isahari egite disaipel oio.
2
E Pol veia gite mago, "Amuto abi la kalulu Maroka la imamala amouto tautaulailo?"
Egit veiala mago, "Ouku, amite kama lolo la merera tele kalulu Maroka."
3
E Pol vei mago, "Oilo tere lou amuto vuhi?
Egite vei mago, "Loio la vului te Jon,"
4
Goio e Pol kolia mago, "E Jon vuhi vikapopo la vululo. Eia veia gite mae amouto ge tautaulailo soio tela tahalo lotigu tegaku, ale oio te Isue."
5
La imamala egite la valalua lolo la merera alele, egite goio vuhi te la isa le Uru e Isue.
6
Goio la imamala e Pol tau limala oata tegite, la Kalulu Maroka volu tegite me egite kaka oio la merera sapolopolo me egite valolo tio.
7
Oilo tegite egite savulusa gete lua.
8
E Pol tuga goilo la luma la lotu merera vikapopo la vagarila tele taio itolu, eia vei matagaga me vailiti la tia gite tela Kingdom te Deo.
9
Alamoli egite Jius isahari la tia gite vagari me egite ka lolo la merera, egite soko la mera bara la Gauru ale kabili tegite la valalua. Goio e Pol hele taro egite me eia puli egite disaipel vikapopo le eia, vei matagaga gite lalogo tomi oio la luma la vimari oio e Tairanus.
10
La vimari ale sukua la leavala ilua, goio egite ale momou oilo e Aisia lolo la merera te Uru, egite tomi e jius me Grik.
11
E Deo igogolu vagari sesele tela lima le Pol,
12
A selea soio la henkasif me la kulikuli mae era pilaua eia goio te gite ale lalea la ilea kaluvu me la kalulu kokora hele taro egite.
13
Alamoli egite Jius isahari hililo la kalulu tatuga la baha alele. Egite tola la isale Uru e Isue egite ge tahola la vagari ge vagotalo la kalulun kokora la imamala egite ge vei mago, "Tela isale Isus ale e Pol valoloa, Eau baha tarome ge gali sogala;
14
La mulugaluga tegite Jius isa e Skiva, eia tahola e latatula ivitu igigo la papaga alele.
15
La kalulu kokora kolia gite mago,"Isus Eau rovia, e Pol Eau rovia; alamoli amuto ere?"
16
La kalulu kokora oilo tela tahalo hele taroa raga soio tegite ale hililo la kalulu me la kalulu kokora vagari egite me lima tola egite. Goio egite hari kalakala sogala la vovo gite, kasoso tomi.
17
Egite la valua tomi lolo la rere gite, egite Jius me egite Grik, ale momou oio e Efeses. Egita taga sesele, me laisa le Uru e Isus egite togoa.
18
Oio tai, usu tegite ale tautaulailo gomai ve pala la sesele la rova la papaga ale ka tariti egite igotia,
19
Usu tegite ale gaumulimuli abi vikapopo la buku tegiteu somai selua tela la mata la valalua tomi. La imamamala egite gigi olua, la papaga ale la tausen savulu lima la bautu la silva.
20
Tio la merera te Uru bubura sogala la babaha tomi mela vagargarila.
21
Goio ePol vikaluvu la igogolu tetala oio e Efeses, eia goio igo la gabutalala oilo tela Kalulu ge polo mae soio e Masedonia me Akaia oio la tulugaluga tetala soio e Jerusalem; eia vei mago, "Mulimuli Eau goio, Eau ge hilo tai e Rom."
22
Goio e Pol baha ilua e kolia tetal soio e Macedonia, e Timoti me Erastus. Alamoli eia sesele veiage pou muga bakisi oio e Eisia
23
Oio te la imamala alele la mareregola kama bisi oilo e Efeses me oio te la gauru.
24
Goio la tahalo ale igogolu la silva isa la isala e Demerius, eia abi la silva puhi la puhi golo le Atemis,eia viguvi usu la gauru la vati tegite ale igogolu la puhi golo.
25
Tio eia tola vikapopo egite la valalua ale pupuhi la puhi golo me a veia gite mago, "Tahalo uru, amuto me rovia oilo tela igogolu ale etato igolu la vati uru sesele.
26
Eme hilo tai me lolo tia mae, kama oio moli e Efeses, oio tai la baba e Eisia, la tahalo e Pol hali la tia gite me eia abi rivu usu egite la valalua. Eia vei mae e deo isahari lou ka gite pui egite la lima.
27
Kama oio moli la tilaga mae la vulovulo la iloto la pui golo ge ukati, la luma la lotu te deo ale atavile e Artemis tai ge guvi mae la paga bubu moli. Mulimuli la vagarigari la ge uka, la lotu tavua,"
28
La imamala egite loloa maele, egite igototolo sesele me egite tola oata, vei mago, "E Atemis eia la uru te Efeses."
29
La valalua tomi la siti volu vikapopo la gabutalala isa moli soio la baha ale egite vukokue ovola. Egite soutola egite ale tilimulimuli e Pol, Gaius me Aristakus, egira lolo e Masedonia.
30
E Pol masage ge goilo kabili tegite la valalua alele, ala moli egite disaipal pitaroa.
31
Egite tai, ale igogolu oio la mautu e Eisia egite tai e taume tabara le eia baha la merera tutu tatola eia umale ge goilo la baha la vukokuela.
32
Egite la valalua isahari tatola isa la paga,me isahari tola polopolo lou isa la paga, la valalua gabili gabutatala papai, Egite usu ka rovia ilava egite vika popo.
33
Egite la valalua isahari kabili la merera soio te Alexandra, egite Jius tutua ge golagu. Ala e Alexandra tau la lima soata kapi la are gite, eia masaga ge magiri robo egite la valalua alele.
34
Alamoli la imamala egite rovi tia mae eia e tau Jius, egite la valalua tola oata la,kolu isa moli kara la haoa ilu, egite vie mago, "E Atemis eia Uru te Efeses."
35
La imamala la tahalo la kilekesi la igogolu la siti vagotaloti la mereregola, eia vei mago, "AMuto la valua e Efeses, ere tamuto la valua oilo ka rovia mae la siti e Efeses saotola la lotu tavu la uru e Atemis me la pui golo ale paru loata la mori?
36
Eau hiloa mae la paga alele eme kage vikara taroa, amouto makovu me umala vailiti la igo totolola
37
Amoto abi la valalua ale somai la ilapu matata la iruru mai moli egite pakalikali oilo la luma la lotu o vikara barabara e deo tegato ale hatavile.
38
Ala, maemoli e Demetrius me egite la valua la pului la puigolo vikapopo le eia vaubi la merera soio tegite isasa, la vulovulo la mulugaluga le gavman oio. Akora egite ge vaubila la merera.
39
Alamoli mae amuto pamumuli lou la iruru isahari lou, isoge amuto ge vimatatea oio la imamala la vikapopo.
40
Tela baha alele amite gabubarea mae egite ge ubi la merera soio tamite tela vikokuela igoe. La vuhula pou barabarale ouka, me amite kama karamuli ge tau tigia.