1
Mulimuli tela papaga alele e Pol hele taro e Atens me eia goio e Korint.
2
Oio volale eia poga isa la tau Jius la isala e Akuila, la tahalo la mautu le Pontus, eia solo guguvi loio e Itali vikapopo e rutula e Prisila, la vuhula e Klaodius vikara vagari soio tegite tomi e Jius ge hele taro e Rom. E Pol goio tegiteu,
3
Me la vuhula eia igogolu la igogolu mae egite igoa, eia pou vikapopo egite me eia igogolu, egit3 la silai la tent la igogolu tegite.
4
Ala e Pol vugagia oilo la luma lotu la logologo la Sabat, eia tovolalia ge lapu la tia gite Jius me Grik.
5
Goio la imamala e Sailas me Timoti goio e Mesedonia, e Pol abi tomi la imamala tetala soio tela merera, veveiagite Jius mae e Isus eia e Kraes.
6
Alamoli egite Jius mera roboa me egite vikara bareala, e Pol kai taro la kilai robo tetala me eia veia gite mago,"La kasoso muto ge tuvu loata tamuto lou; Eau maramara. Sokoa igoe Eau ge goio tegite Gentael.
7
Goio eia hele taro la baha alele me eia tuga soio la luma te Titus Jastus, la tahola la lotu tavu e Deo. La luma tetala agagavi soio tela luma la lotu.
8
E Krispus, la mulugaluga la luma la lotu, tautaulailo te Uru, vikapopo egite tomomoli ale popou oio la luma tetala; me egite Korint usu ale lolo la merera alele tautaulailo me egite vuhi.
9
La Uru veia le Pol tela logo la matalovila, "Umala tetaga, eme vigia moli umala makokovu.
10
Eau ge vikapopo le eme, me isa kage tovolalua ge igo barame. Eau tahola usu la valalua oio la siti aleie;
11
E Pol momou oiole la leavala isasa la taio ivolo, vimari la merera
te Deo kabili tegite.
12
Alamoli la imamala e Galio guvi mae e gavana te Akaia, egite Jius vailiti la gabutala isa moli ge magiri robo e Pol me egite pulia soio la muli la ilapumatatala;
13
egite vei mago, "La tahalo alele alali la ilo gite la valalua ge lotu tavu e Deo aka tilimuli la viturimulila."
14
La imamala e Pol veiage vikara, e Galiio veia gite Jius,m"Amuto e Jius, mae sesele a la paga la iruru me la bilili, age tartigi sesele ge magiri vikapopo amuto.
15
Alamoli la tilalai ale a tilimuli la merera me la isa me la vituturimulila, amouto lou ge matatea. Eau ka gabutatala ge guvi mae la tahalo la ilapumatatala aleie.
16
E Galio veia gite ge hele taro la pulolou la ilapumatatala.
17
Goio egite tomi sautola e Sostenes, la mulugaluga la lotu, egite kuea olagu la muli la polou matatala. Alamoli e Galio kama mamata la rova egite igoa.
18
E Pol, mulimuli pou oio logo isahari, tuga taro egite tabarabarala seli soio e Siria vikapopo e Prisila me Akuila. Mamuga eia hele taro la baha le sipi, Censrea, eia sisi taroti la ivula telava eia vikara matagaga tia eia ge igoa.
19
La imamala egite gomai e Efeses, e Pol hele taro e Prisila me Akuila oio, alamoli eia lou goilo la luma la lotu eia vigia vakapopo eigite Jius.
20
La imamala egite tai e Pol ge pou lou bakisi, eia ka masaga.
21
Alamoli eia hele taro egite, eia vei mago, "Eau ge beurivu tavu amouto mae a la masasagala te Deo." Eia goio hele taro e Efeses.
22
La imamala e Pol purusu oio Saesarea, eia goata vei balava egite me mulimuli eia goio e Entiok.
23
Mulimuli eia pou imamala bakisi oiole, e Pol tuga goio tomi la babae Gelesia me Frigia vivagari egite disaipel tomi.
24
Goio e tahalo Jius isasa la e Apolos eia loio e Alexanddra, gomai e Efeses. Eia la tahalo la merera me eia rovi sesele la merera te Uru.
25
E Apolos loloti la imari te Uru. La kalulula hiliti, eia vigia me vimari tigi sesele la merera te Isue, alamoli eia rovi moli la vului te Jon.
26
E Apolos soka la mera vikapopo la vagarila oio la luma la lotu. Lolo eia egira puli galea soiuo la pepe me egira vei muli la gauru te Deo ale matata.
27
La imamala eia gabu vagari ge tilimuli la gauru le Akaia, egite tabarabarala tutu tatolea me egite kekesi soio tegite disaipel oilo e Akaia ge kaka tavua. La imamala eia guvi, eia koli tigi sesele egite ale tautaulailo tela gilogo.
28
E Apolos magiri vagari sesele vagotalo egite Jius oio la lagu gite la valalua la piligi la merera, vailolo egite oilo la merera mae e Isus eia e Kraes