¹ Matakari kamumu ioe na hini komo rata naro malamala na matane hurika bakovi a ngatavine rigi matai ioe kama go bole a presen ne Tamamu erei i made na hunu. ² Tahuna ioe o habi a moni turana mahala ne hurika matasia,nahani vaki a biugel manga bakovi a ngatavine ni tatami ri kara ni rata na ruma ni turume puruma ne hurika Juda na hini kavakava.Ria ri rata ge dagi a rane ria na matane hurika bakovi a ngatavine.Muholi hateka iau a taki maea mua ria ri bolea pali a presen ne ria. ³ Pali a tahuna ioe o habi a moni turana mahala ne hurika matasia,nahani rua limamu a maurimu ge pala vona ara maki a limamu a kanemu i ratea. ⁴ Mavonga mu habi na hini ge kapiloho.Muri e Tamamu erei i matanono na hini kapiloho bari habi a presen vomu. ⁵ Na tahuna ioe o vasileki,nahani manga e huriki ri tahoka ngutune ria i rua,ria ri ngaru ni pesi bala rigi vasileki na ruma ni turume puruma ne hurika Juda na hini kavakava ge matai ria e hurika bakovi.Muholi hateka,iau a taki maea mua,ria ri bole a mapane ria pali. ⁶ Pali a tahuna mu ngaru ni vasileki,dili pololilo na ruma ne mua,o hebia ruma vomu o vasileki ne Tamane mua erei i made na hini kapiloho.Lakea e Tamane mua erei i made na hini kapiloho i matanono biri habi a mapane mua. ⁷ Tahuna ioe o vasileki,nahani rata ngava ge kupo ioe o rata hosi,manga e huriki keme ria Juda ri kara ni rata,a vuhuna ri luhoi maea a tahuna ri rata ngava i kupo e Deo biri longoa ni vasileki ne ria. ⁸ Nahani bele manga ria na rana e tamamu i lohoka pali vona ara maki o ngaru ni nanea. ⁹ Mavonga bara mu vasileki maea,Tamane mateu i made meli na hunu,rua ramu ge kiripiripi. ¹⁰ O Rua harikinga vomu ge valai.O rua a ni ngaru vomu ge bele na malala manga hini i bele na hunu. ¹¹ O habia mia a maki ni kani na parava mona. ¹² O puga vuroki a naro hale ne mia manga mia mi puga vuroki a naro hale na turane mia. ¹³ Nahani ru mia na ni toni,pali yoe boro bole mule mia ne virika maki hale. ¹⁴ Pali re matou motogo puga naro hale ne huriki ranga,lakea e Tamamu na hunu biri puga naro hale mua. ¹⁵ Pali re mua kamamugu puga a naro hale ne huriki ranga,Tamane mua kamage puga a naro hale ne mua. ¹⁶ Yau a ta tabu maea,na tahuna komo kani o vasileki,nahani mata matasia manga e huriki a bakovi a ngatavine ni tatami ri rata bala.Ria ri pala hateka ni pulo lae a matane ria lakea ge matakilalea e huriki a bakovi kama ri kani ri vasileki.Muholi hateka yau a taki mua maea ri bolea pali a presen ne ria. ¹⁷ Pali mua,na tahuna kamamu kani mu vasileki,mu ru a wel na gine mua mu vahilolo a matane mua, ¹⁸ Lakea bakovi a ngatavine ranga bara ri keri ni matakilala maia kamamu kani mu vasileki.Pali ne Tamane mua erei made kapiloho,turane Tamamu erei matanono na ni kapiloho bari habi a presen ne vomu. ¹⁹ Nahani rukadolu virika maki kamumu vomu na malala,biri kani a mogo i hale.Hurika bakovi ni panaho ranga bara ri valai ri panaho. ²⁰ Lakea mu rukadolu a maki mua na hunu,biri uka mogo a ros ge rata pile,lakea keme ge panaho a bakovi ni panaho. ²¹ Na ara tabeke virika maki kamumu vomu i tabuli,na tabeke nga kunana a tamudimu tara ge tabuli. ²² Matane teu ia a ni para na kakaine teu,lakea pali ra matamu i kamumu,pali ra kakaimu biri tabuli na ni para. ²³ Pali ra matamu i hale,pali ra kakaimu biri vonu na uvo.I maea ra ni para pololilo vomu i uvo,ra uvo iea biri dagi hateka! ²⁴ Uka tara ge kara ni rata leho na matakari i rua.Na ranga,ia biri koi vona tara i ngarua tara,ia biri rata kamumu na viri tara a viri tara biri rata halea.Ioe kama go kara ni rata leho ne Deo turana maki vona malala iea. ²⁵ Mavonga iau a taki mua,nahani luhoi hateka ni madene mua,ara mugu kania o mugu ninua.Lakea nahani luhoi hateka kakaimu na ara varikia mua mugu rodoa na kakaine mua.Lakea ra ni mahuri ne mua i rede a maki ni kani a kakaine mua i rede a varikia? ²⁶ Matai maka kadirovo polomeli na hunu,kama ri kara ni varo ni kalipopo a maki ni kani na ruma,pali e Tamane teu na hunu ia i kara ni habi a maki ni kani.Ioe o rede virika kadirovo polomeli na hunu? ²⁷ Ioe erei matou i luhoi hateka ge rua tara kila na ni mahuri vona kunana ni made na malala? ²⁸ Navai mua mu ngaru hateka virika varikia,mu luhoi virika vana garasi na tanga,ri rike.Kama ri kara ni leho kama ri kara ni rata varikia. ²⁹ Lakea Iau a taki tabu mua,Soloman turana virika maki kamumu vona,ia kama i ru a varikia ge manga plaua. ³⁰ Pali re Deo ge ru maka varikia vona ra plaua,viri biri tabuli ngane kuduvi bara ri voroki dili pololilo na kanono.Ioe o ngarua ia ge rata ara tabu ge rua varikia vomu,ioe o tahoka a ni luhoi tora vomu i kiroko? ³¹ Mavonga nahani luhoi lege ni ta,'Teu tege kani ara?'O Tege ninu ara?'O i vai a varikia tege rodoa? ³² Hurika bakovi kama ria Juda ria bara ri vorokana virika maki.Tamane teu na hunu ia i pala vona ara maki te ngarua. ³³ Pali o vorokana taroa harikinga ne ViriDagi lakea o ramai a naro malamala vona,o muri vona biri habi vomu virika maki. ³⁴ Lakea,nahani luhoi hatekea parava kuduvi,kuduvi i tahoka paravana.A parava takutaku i tahoka ni mava vona.