¹ Tahuna e Isu i matai e hurika paluluna bakovi a ngatavine,ia i sike na lolo.Lakea na tahuna ia i made pali,hurika murimuri vona ri valai vona. ² Ia i vakatubu ni tovo hurika murimuri lakea i taki maea ria, ³ Hurika bakovi a ngatavine ri made huluvonga na maki ne Deo ria bara ri vivi,na rana harikinga na hunu ne vone ria. ⁴ Hurika bakovi a ngatavine ri tangi dodo ria bara ri vivi,na rana Deo bari rata kamumu ria. ⁵ Hurika bakovi a ngatavine ri ripuru mule ria,ria bara ri vivi na rana bara ri bole a malala karaba. ⁶ Hurika bakovi a ngatavine ri vitolo ri marohu ni ramai a naro malamala ne Deo ria bara ri vivi,e Deo bari vaka vonu ria. ⁷ Hurika bakovi a ngatavine ri kara ni dodo e huriki ranga,ria bara ri vivi,Deo bari dodo ria. ⁸ Hurika bakovi a ngatavine a tamudine ria i matapado ria bara ri vivi,bara ri matai e Deo. ⁹ Hurika bakovi a ngatavine ri vakalobo a ni vagege turana vabinga ria bara ri vivi,bara ni gale ria e tune Deo. ¹⁰ Hurika bakovi a ngatavine ri rata naro malamala ne Deo na hini nga ri bole a ni mava ria bara ri vivi,na rana harikinga ne Deo ne ria. ¹¹ Tahuna e hurika bakovi a ngatavine ri vapuhehe hale ne matou lakea ri rata hini hale ne matou,ri rata maka ngava hale turana ngava tatami ne matou na rana mua mu muri ne nau,mua bara mu vivi. ¹² Matou bara moto vivi hale liu,na rana mapane mua i dagi Deo bari habi ne mua na hunu.Na naro i taku hurika bakovi a ngatavine ri made hosi ri rata hale ne hurika profet ranga. ¹³ Mua a sol na malala.Pali ra sol iea ge uka namikanga,ge navai ia ge kara ni bole mulea namikanga?Keme ge kamumu tabu bara ni voroki puru ni paha loi. ¹⁴ Mua ni para na malala.Tara tanga dagi meli na lolo keme ge kapiloho. ¹⁵ Uka tara viri ge namia nipara ge rua na ngavana hole,ia biri ru lanea na hini kavakava,lakea ra nipara iea bari haba nipara pololilo lobo na ruma. ¹⁶ Rua nipara vomu ge para ne hurika bakovi a ngatavine,ge kara ria bara ri masia naro kamumu vomu biri tahoka a ranga i dagi e tamamu i made na hunu. ¹⁷ Mua nahani luhoi maea iau a valai ni rata pile a lo o a nitane hurika profet.Iau kama valai ni rata pile ria,pali iau a valai ni vaka lobona. ¹⁸ Muholi hateka iau a taki matou a hunu a malala bari lobo,i uka tara rana lo pololilo ge velu,ia i kara ni vakalobo virika maki. ¹⁹ Lakea ri tara keme ge ramai kamumu ra lo lakea ia i tovo e huriki ranga na hini palupu,biri uka ranga pololilo na harikinga ne Deo.Pali ri tara ge ramai kamumua lo ge tovo e huriki ni ramai palupu,ia biri tahoka rana i dagi pololilo na harikinga ne Deo. ²⁰ Muholi hateka iau a taki matou pali ra naro malamala ne matou kimi rede a naro malamala ne hurika vinara na lo turana Farisi,kama mugu kara ni dili na harikinga na hunu. ²¹ Mua mu longo pali na tahuna e hurika hamone mua maea,'Nahani rabalaki e hurika bakovi a ngatavine ranga,'lakea,'Pali ri tara ge rabalaki a bakovi o a ngatavine ia bara ni vakapesi na kot.' ²² Pali iau a taki matou pali ri tara ge tamudi mava na turana,ia bari bele na kot;lakea tara ge ta na turana'Yoe a lulu yoe a huluvonga!'ia bari lakea na kansol,pali ri tara ge ta,'Yoe a manga!'ia bari lakea na kanono na hel. ²³ Mavonga re mua mu ngaru ni rata ni habi na alta mua mu luhoi maea a turamu i tahoka ni mava ne vomu, ²⁴ Pali o taparakia na alta a ni habi vomu.Lakea o vano taro o vakabele ni tamudi taku turana turamu,muri ma boro rata ni habi vomu. ²⁵ Mua mu vakabele a ni tamudi taku laviriri turana bakovi o a ngatavine ge ngaru ni bole ioe lakea na kot,mege ru ioe na limana jas lakea jas biri habi ioe na polis,bara ni ru ioe na bavi. ²⁶ Iau a ta muholi ne matou,kama go kara ni pori na bavi ioe boro kara ni koli lobo virika moni o vuluvulu vona. ²⁷ Mua mu longo pali maea,mua mu parani nahani rata naro ni ngoi.' ²⁸ Pali iau a taki mua pali re mua mu masia tara ngatavine lakea o nutu vona,mu rata naro ni ngoi turana ngatavine na tamudine mua. ²⁹ Pali ra matamu na limamu a kanemu i rata mua ni rata sin,pali o sigi talea o vorokia.Pali maga kakaimu lobo ge puru na kanono,ia biri kamumu hateka na tabekena kakaimu i taku biri velu. ³⁰ Pali ra limane mua kanena i rata mua ni rata sin,pali mu tolokudu talea.Maga kakaine mua lobo ge lakea na kanono,ia i kamumu hateka a tabeke ge taku ge velu. ³¹ Ngava i tabuli maea,'Pali ra bakovi tara ge pilea e girihina,ia ge habia raukea na parania ge lobo.' ³² Pali iau a taki maea mua,bakovi i pe e girihina,tahuna ngatavine kimi ngoi,ia i ratea ra ngatavine i bele manga ngoi.Pali ri tara bakovi ge parani vona ra ngatavine iea muri ne girihina ge pea ra bakovi iea i rata naro ni ngoi. ³³ Mua mu longo na tahuna hosi maea,'Nahani tatami ni ta muholi hateka ni vakatora ngava,pali mua mu bole lakea ne ViriDagi.' ³⁴ Pali iau a taki mua,nahani gale a rana hunu ni vakatora mua,na rana hunu ia sia king ne Deo. ³⁵ Nahani gale a malala ni vakatora ngavane mua,na rana malala a tanga e Deo i ru langa vahana vona,nahani galea e Jerusalem ni vaka tora ngavane mua,na rana ia tanga dagi na King Dagi. ³⁶ Nahani ru a limane mua na gine mua ni vakatora ngavane mua,na rana kama mu kara ni rata tara vumu na gimu ge kea o ge kato. ³⁷ Pali re mua mu longo pali o longo kunana pali ra ngavane mua i uka pali ge uka kunana.Pali nahani ru langa tabua tara ngava ia i valai ne satan. ³⁸ Mu longo pali virika ngava,'Pali ri tara ge rata pilea matane mua,pali matou ranga moto rata pilea matana,lakea ri tara ge bipuri a ngine mua,mua ranga mu bipuri ne vona.' ³⁹ Pali iau a taki mua,nahani kolia turamu i rata rongova ne mua.Pali ri tara ge ubia sivane mua pali o habia sivamu tara nigi ubi. ⁴⁰ Pali ri tara ge ngarua a wisket mua,ia ge bole mua lakea na kot,pali o rua ge bolea siot ne mua. ⁴¹ Pali ri tara ge ta tora ne mua ge vano turane mua na mail,mu vano turana na mail ge rua. ⁴² Habi ne erei i nana mua,nahani taki uka na viri tara ge vuluvulu ne vomu. ⁴³ Mua mu longo pali maea,'Mua mu ngaru e hurika turane mua nahani rata hale na pile ne mua.' ⁴⁴ Pali iau a taki mua,mua mu ngaru hateka hurika pile ne mua lakea o vasileki na bakovi i rata hale mua, ⁴⁵ Lakea bara mu bele maea mua e tune tamane mua i made na hunu.Na rana ia i kara ni rata haro i para langa ne hurika bakovi a ngatavine ri kamumu turane hurika bakovi a ngatavine ni rata sin biri rudua vala i boru ne hurika bakovi a ngatavine ri malamala turane hurika bakovi a ngatavine kama ri malamala. ⁴⁶ Pali re mua mu ngaru kunana e hurika tara ri ngaru mua,ge navai a mapane mua mugu bolea?Hurika bakovi ni bole a takis ranga ri rata naro i palupu? ⁴⁷ Pali re mua mugu rata kamumu ne hurika turane mua kunana,mua mu luhoi maea mua mu rede huriki ranga,e?Hurika haiden ranga ri rata naro i palupu. ⁴⁸ Tamane mua na hunu ia bakovi i malamala,lakea mua ranga mu rata naro ge malamala.