¹ Vona ra parava iea e Jon na baptais i bele i taki talea velenga kamumu na tanga i uka tahona io Judia i ta maea, ² "puloa tamudine matou,a harikianga ne Deo i valai tabokoi pali." ³ Ra bakovi iea e propet Aisaia i ta muga vona, "a ngava tara i gale na tanga i uka tahona; Papepurua dala nevone ViriDagi rata kamumu a dala ge bele malimali."' ⁴ E Jon i rodo a varikia ni rata na kulina kamel lakea i rea na rea ni rata na kulina kania.A maki ni kani vona a koa turana ame. ⁵ E huriki lobo a bakovi a ngatavine io Jerusalem,Judia turana tabeke lobo na naru e Jodan ri lakea vona. ⁶ Ri takitalea vona a sin ne ria lakea i vahilolo ria na naru e Jodan. ⁷ Pali na tahuna i matai e hurika Farisi turana maka Sadusi ri valai vona ge vahilolo ria,ia i taki tou, "matou e hurika tuna mata hale,erei taki matou ni ha na maka ni mava bari bele? ⁸ Ge vona kanena ra narone matou ni takitaleana sin turana ni pulo muholi a tamudi. ⁹ Moto nahani luhoi ni ta maea, "E Abraham ia hamone mateu.Iau a ta muholi ne matou maea,E Deo i kara ni rata re virika kedo ni bele manga e tune Abraham. ¹⁰ A kira i tabuli pali na vuhuna kai.Pali a kai kimi vua kamumu bara ni tolo puru ni voroki lakea na kanono. ¹¹ Iau a vahilolo matou na naru ni vakasiri maea matou moto pulo muholi a tamudine matou moto pe a naro na sin.Pali a bakovi i valai muri nau ia i tahoka nitora i dagi hateka,ia i polotaro iau pali iau tara kimi iau a bakovi kamumu hateka ni kalohoa padirodo vona.Ia biri vahilolo matou na Hanu Kiripiripi turana kanono. ¹² Ia i nugua pok ni pelekado a wit na limana ni kado kamumu a muku lakea gara ni ru kadolu na ruma na wit.Lakea Ia biri rungania wit i hale na kanono i uka ni matena." ¹³ Isu i pea e Galili i lakea na naru e Jodan ge baptaisim e Jon. ¹⁴ Pali e Jon i ngaru ni hatekaria;lakea i takia,"Iau bara bole a baptais ne vomu;navai o valai ne nau?" ¹⁵ Isu i kolia ngavana i takia,"Rua ge bele ge vakatora virika maki e Deo i ngaru."Lakea e Jon i rata manga hini ia i taki. ¹⁶ Isu i bole a baptais pali lakea i laviriri i pesirike na naru lakea a hunu i mataka i puru valai a spirit e Deo i manga tara kadirovo lakea i made langa vona. ¹⁷ Tara ni gale i valai na hunu i ta maea,"Ra verea e tugu a koma bakovi,ia iau a ngaru hatekea.A tamudigu i vivi hateka ne vona."