¹ Maria i podea e Isu iea o Betlehem pololilo o Juda na tahuna e Herot ia king.Lakea e hurika bakovi ni lohoka na ni rikena haro ri valai o Jerusalem ri nana maea, ² "Ra koma karaba i bele,ia king ne hurika Juda i made vai?Mateu mete masia na ni rikena haro a hada vona mateu mete valai ni turume puruma vona." ³ Tahuna e King Herot i longoa ra ngava iea,ia i luhoi lege turana e hurika tara o Jerusalem. ⁴ Herot i kalipopo e hurika hetpris turane hurika bakovi ni lohoka na lo ne hurika Juda lakea i nana ria,"Ne erei a tanga e Kristo a bakovi ni bole mule hurika bakovi a ngatavine ge bele?" ⁵ Lakea ri taki maea ia,"Ia biri bele o Betlehem iea o Juda,e hurika profet ri here maea, ⁶ 'Ioe Betlehem,na malala ne hurika Juda,kimi ioe a tanga kiroko hateka komo uka ramu na palane virika tanga dagi ri tahoka rane ria i dagi iea o Juda.Uka.Na rana,ne vomu tara hetman biri bele ia matakari ne hurika tara nau iea o Israel." ⁷ Herot i longoa ra ngava iea i kapiloho kunana i gale hurika bakovi ni lohoka ri valai vona i nana ria na ara parava ri masia ra hada i bele. ⁸ Ia i rudu ria ri lakea o Betlehem,lakea i taki ria,"Mu vano mu matakana kamumua ra koma kiroko.Tuhuna mu puruvisia pali,mu vakaru a ngava ne nau,iau tara ga valai ga turume puruma vona." ⁹ Ri longoa pali a nitana king,lakea ri vano,ra hada ri masia na ni rikena haro i muga ria i para polomeli na ruma i mahita vona koma. ¹⁰ Tahuna ri masia ra hada iea ra tamudine ria i vivi dagi hateka. ¹¹ Ri dili na ruma ri masia koma turane kinana e Maria.Ri pasike puru ri turume puruma vona.Ri vuka virika pou i tahoka virika maki i dagi hateka ri habi vona gol,sanda kamumu,a paura ni vakabele ni huli mangni noro. ¹² Deo i taki ria na vurena maea nahani rigi hamule ne Herot.Lakea ri ramai a dala tara ri hamule na tanga ne ria. ¹³ Hurika bakovi ni lohoka ri vano pali lakea e Josep i vurena i taki maea ia ensel ne ViriDagi,"Pesirike,bolea koma turane kinana moto ha lakea o Isip.Ioe o made o Isip i vano iau ga habi tabu a ngava vomu,na rana,Herot tege rabalakia koma ge mate. ¹⁴ Na rodo iea e Josep i pesirike i bolea koma turane kinana to lakea o Isip. ¹⁵ To made vonga i vano e king Herot mate.Ra hini nga i bele tege vakatorea tara ngava ia e ViriDagi habia na ngavana profet,"Iau a galea e tugu a bakovi iea o Isip i valai." ¹⁶ Herot i pala maea hurika bakovi ni lohoka na ni rikena haro ri tamia,lakea i madihi a hatena.Ia i rudu e hurika nugu maheto rigi rabalaki e hurika koma bakovi kiroko pololilo iea o Betlehem a pida ne ria i rua i puru polotano.Herot i nana kamumu e hurika bakovi ni lohoka na ara parava a hada i bele,na rana,ia i luhoi ni rabalaki hurika koma ri bele na parava iea. ¹⁷ Ra ngava iea i ta vona e profet Jeremaea i bele muholi, ¹⁸ "Tara ni tangi a ni gale i bele o Rama.Resel i taringi e tuna,lakea kimi ngaru ge tara bakovi o a ngatavine ge tami purua tamudina,na rana,hurike tuna ri mate pali." ¹⁹ Tahuna e Herot i mate pali,lakea tara ensel e ViriDagi i valai ne Josep i vurena iea o Isip i takia, ²⁰ "Pesirike o bole koma turana e kinana moto lakea o Israel,hurika bakovi rigi rabalaki koma ri mate pali." ²¹ Josep i pesirike i bolea a koma turane kinana to lakea o Israel. ²² Tahuna e Josep i longo maea e Akilaus i bolea murine tamana i bele manga a king ne hurika Judia,ia i mageneg ni lakea vona hini nga.Muri e Deo i habi tabua e Josep ia i vurena,ia i lakea iea o distrik Galili. ²³ Ri lakea na tanga dagi o Nasaret.Ra hini nga i vakatora ngavana profet maea,bara ri galea a bakovi o Nasaret.