¹ "A harikianga na hunu i manga kunana a tahona hania i vuho tala na hetelanga i matakana bakovi ni leho na hania na vain. ² Muri ne vona i ta turane ria, i vaka longo ria mai ge riva ge kona ria vona ria ri vivi,pali i rudu ria ri dili na hania na vain. ³ Ia i laho tabu na haua i tolu pali matai a voravora ranga i pesi tavula vula na murini va kona maki. ⁴ Ia i taki tou,'Matou ranga,vano moto lakea na hania na vain,pali ara maki kamumu Iau bara habia ne matou.'Pali tou to lakea na leho ⁵ Mavonga ia i laho tabu na haua i polo tara pali muri ia i laho tabu na haua i polo va,ia i rata manga hini ia i rata. ⁶ Muri mavonga ia i laho tabu na haua i ravulu a polona i taku i matavisi tabu ranga to pesi tavulavula.Ia i taki tou,'I navai matou moto pesi tavulavula koia vona ra parava koru ea?' ⁷ "Tou to koli to tamaea,'Nara i uka tara viri ge nana matou na leho.' "Ia i koli i tamaea,'Matou ranga moto dili na moto leho na hania na vain.' ⁸ Na malunga, a tahona hania i takia matakari ne ria,'gale lobo ria hurika voravora rigi vali o kona ria,vaka tubu na viri bole kiroko ri ke na viri bole dagi.' ⁹ "Tahuna e huriki a voravora erai ri valai muri na haua i ravulu a polona i taku ri valai,ria lobo ri bole palupulupu, ¹⁰ Pali na tahuna i valai e hurika voravora i bele muga, ria ri luhio maia ria rigi bole dagi,pali ria ranga ri bole palupulupu manga kunana e huriki ni kona ria na haua i taku ri leho vona. ¹¹ Tahuna ri bole a mapane ria,ria ri takupo vona tahona hania. ¹² Ria ri tamaea,'Re huriki nga ri valai muri pali ri leho kunana vona haua i taku,pali navai ioe o rata maki ne mia i palupulupu,pali mateu mete leho vona ra haro koru ea.' ¹³ "Pali a tahona hania i koli ria i tamaea,'Turangu mai,Iau koma rata hale matou.Matou koma moto vivi nau vona mapane matou na parava i taku matou moto leho vona? Bole a maki matou moto vano.Iau a ngaru ni habi ne huriki a voravora ri valai muru manga kunana ne mua. ¹⁵ Pali ri Iau a uka ngava langa vona hurika maki nau a ngaru ni habi? ri matou koma moto vivi vona ara maki kamumu Iau a rata na vuna Iau a luhoi ni rata naro kamumu. ¹⁶ A viri vali muri bari muga pali erai vali muga bari muri." ¹⁷ Tahuna e Iau i laho sike o Jerusalem, i bole a murimuri vona to ala ravulu a polona i rua,to lalaho i taki tou maea," ¹⁸ Mataia,teu te laho sike o Jerusalem, Tuna Bakovi bari ni habi na limane hurika mugamuga turane hurika bakovi ni lohoka na lo. Ria bari rata halea pali bari bimatea ¹⁹ pali bari ni habi lakea na limane huriki Gentails rigi harugia rigi rata halea,pali rigi vaka taua na bolo.Pali muri na parava i tolu ia bari hadongo mule." ²⁰ Muri e girihine Zebedi i valai turana e huriki e tuna bakovi ne Isu.Ia i pasike puru pali nanea na maki. ²¹ Isu i koli i tamaea,"Ara maki o ngarua?Ia i koli tamaea,"o pasi na koma nau nga rugu made turamu,tara ge made na limamu a kanemupali tara ge made na limamu amarimu,pololilo na harikinga vomu." ²² Pali e Isu i kolia i tamaea,"Ioe koma o palala ona ara maki o nana vona.Ri ioe o kara ni ninu vona cap Iau bara ninu vona?"Ria ri tamaea,"Mia mi kara." ²³ Ia i koli tamaea,"A cap nau bari moto ninu vona.Pali a ni made na limagu a kanegu a limagu a maurigu ia koma leho nau,ia a leho e Tata bari rata virihi ne erae ia bari habi vona." ²⁴ Na tahuna i longo ra murimuri vona nga to ala ravulu,tou koma to tamudi kamumu vona ra maki tarina nga i rua. ²⁵ Pali e Isu i gale tou to vali vona i taki tou maea,"Matou moto palala maea huriki a Gentiles ria ri matakari ria pali e huriki a bakovi i vona rane ria ri rata polo muga ne ria. ²⁶ pali koma ge mavonga ra hininga ne mua.Mavonga,erae ne mua i ngaru ni polo muga muga ia ge bele manga ia voravora, ²⁷ pali erea i ngaru ia ge muga ne mua ia ge bele manga voravora, ²⁸ manga kunana e Tuna Bakovi ia koma i valai ni rata leho vonapali ia i valai ni rata leho ne huriki a bakovi a ngatavine, pali habia ni mahuri ge bole mule ria." ²⁹ Tahuna tou to pagi tala o Jerico,huriki a kabuna bakovi a ngatavine ri muri vona. ³⁰ Vonga i tahoka kepa i rua ru mamade vona ra dala ea.Tahuna tou to longo maea e Isu i polo,tou to gale,"Viri dagi,Tune Davit,o dodo mateu." ³¹ Huriki ri takari tou,taki tou maea togo mangulu,pali tou to tangi to gale dagi,"Viri dagi,Tune Davit o dodo mateu." ³² Muri e Isu i pesi i gale tou i tamaea,"Ara moto ngarau ga rata virihia matou?" ³³ Tou to tamaea,"Viri dagi,a matane matue ge mapaga." ³⁴ Muri e Isu,i laho mule turana ni dodo ne rua,pali nugu a matane rua.Ne vona ra parava ia kunana i mapaga matane rua pali rua ru muri liu vona.