¹ Vona ra tahuna e Isu i lobo ni ta,Ia i pea e Galili,i vano i lakea na distrik o Judia na tabekena naro e Judon. ² Kabuna bakovi a ngatavine ri muri vona, pali ia i tara kamumu ria lobo. ³ Huriki a Parisi ri valai vona ri nanaea,ri tonia,ri tamaea,"I moholi a lo i tamaea i tara bakovi i herea tara rau kea pali takia e girihina ge vano i lobo a parangia ne rua?" ⁴ Isu i koli tamaea,"Mua mu lohoka ni gi a buk lakea mu pala maea,Na tahuna e Deo i vakatubu ni rata e hurika bakovi,ia i ratea tara bakovi a ngatavine i taku kunana." ⁵ Lakea e Deo i ta,'A vuhuna hini nga a bakovi biri pea e tamana e kinana ia biri vano i rihia ngatavine e girihina,rua bara ru bele manga viri ala taku kunana.' ⁶ Pali kama ru made manga rua muga,uka,ru bele manga viri i ala taku.Pali ara maki e Deo i rua pali,uka tara bakovi ge kara ni pologege vona hini nga." ⁷ Ria ri takia e Isu,"I navai e Moses ia i taki mia,migi habi a raukea ni vapile ge lobo ni parani ge vano a ngatavine?" ⁸ Pali e Isu i taki maea ria,"Na rana a tamudine mua i tora hateka,lakea re Moses i longo ne mua mugu herea raukea ni vapile ge vano a ngatavine,pali ni vakatubu a hini nga kimi bele maea. ⁹ Iau a taki mua,"Tahuna a ngatavine kimi rata naro ni ngoi lakea bakovi i herea raukea ni vapile i lilia e girihina,ia i parani tabu vona tara ngatavine,pali ra bakovi iea ia i rata naro ni ngoi.Lakea ra bakovi erei i parani vona ra ngatavine e girihina bakovi ia i habia vona raukea ni pilea,ia tara i rata naro ni ngoi." ¹⁰ Pali e hurika murimuri ri taki maea e Isu,"Pali rege maea,i kamumu hateka hurika bakovi nahani rigi parani!" ¹¹ Pali e Isu i taki ria,"Ra ngava iea kama ne hurika bakovi lobo,na bakovi takutaku kunana ia i kara ni bolea ra ngava iea. ¹² I tahoka ranga bakovi kimi kara ni parani ge vakabele a koma.Ranga ne ria ri bele maea na tamudine kinana.Ranga,hurika bakovi ri pala kuline ria ri bele maea kama rigi parani.Ranga ne ria ri rata mule maea ria na ranga ri ngaru ni rata leho na harikianga ne Deo.Bakovi i kara ni bolea ra ngava ni parani,ru ia ge bole kamumua ra ngava iea." ¹³ Pali i muri e hurika bakovi a ngatavine ri bole valai ne Isu maka koma kiroko ne vona ge toto langa ne ria ge vasileki ne ria,lakea e hurika murimuri ri tahate ria. ¹⁴ Pali e Isu i taki maea ria,"Nahani hatekari ria,ru ria maka koma kiroko rigi valai nau,harikianga na hunu ne hurika bakovi maea erei ri rupuru ria ri luhoi tora manga hurika koma kiroko nga." ¹⁵ Lakea e Isu i ru langa limana na maka koma lakea ia i vasileki ne ria, lakea ia i pea hini nga i vano. ¹⁶ Isu i laho i vano tara koma bakovi i valai vona i takia,"Vinara,ga rata ara maki kamumu ga bolea ni mahuri vakaroro vakaroro?" ¹⁷ Isu i taki maea ia,"Navai o nanau na maki kamumu?Deo i taku kunana ia i kamumu.Pali ioe o ngaru ni bolea ni mahuri vakaroro vakaroro,ioe boro ramai lobo virika lo e Deo." ¹⁸ Ra bakovi iea i nana ge navai a lo ia ge ramai.Isu i taki maea ia,"Nahani rabalaki a bakovi,nahani rata naro ni ngoi,nahani panaho,nahani tatami na kot, ¹⁹ ioe boro made polotano ne tamamu e kinamu,o ngaru e huriki ranga manga o ngaru mule ioe." ²⁰ Ra koma bakovi iea i taki maea e Isu,"Iau a ramai lobo virika lo e Deo,ga rata ara tabu ga bolea ni mahuru vakaroro vakaroro?" ²¹ Pali e Isu i taki maea ia,"Pali ri ioe o ngaru ni bele manga bakovi ge malamala,o vano o habi tala lobo virika maki vomu o habi ne hurika matasia ranga,ioe boro tahoka maki i kupo na hunu.Ioe o rata maea pali o valai o muri ne nau." ²² Pali na tahuna ra koma bakovi iea i longo maka ngava i rata e Isu,i ratea tamudina i hale liu ia i vano turana ni tamudi mava,na rana ia i tahoka moni turana maka mahala. ²³ Isu i taki e hurika murimuri vona maea,"Muholi hateka iau a taki maea mua,bakovi i tahoka maki kupo keme ge dili na harikianga ne Deo." ²⁴ Iau a taki tabu mua,kimi maluvi na kamel ge dili na matana nidel,i manga kunana bakovi i tahoka maki i kupo biri madihia ni dili na harikianga ne Deo." ²⁵ Tahuna e hurika murimuri vona ri longoa ra ngava iea,ri turutu ri tamaea,"Muholi erei ge bole a ni mahuri?" ²⁶ Isu i matanono ria i ta,"Hurika bakovi a ngatavine kama ri kara ni kori mule ria ni bole ni mahuru,Deo kunana ia i kara ni haba ni mahuri ne hurika bakovi a ngatavine,na rana Deo ia kunana i kara ni rata a maka maki lobo" ²⁷ Pali muri e Pita i koli maea ngavane Isu,"Ioe o pala maea mia mi pe lobo virika maki mia mi muri vomu.Ga mi bole ara maki a hini mia mi muri vomu?" ²⁸ Isu i taki ria,"Muholi hateka iau a taki mua,na tahuna e Deo i ratea malala karaba,tahuna Tuna Bakovi i made na sia king vona na bagetua vona,mua e hurika bakovi mu muri nau bara mu made na sia king i ravulu taka a polonai rua ni luhoi kado hurika bakovi a ngatavine ri ala ravulu taku a polona i rua iea o Israel. ²⁹ Hurika bakovi erei ri pe a ruma ne ria,e turana e korobane ria,tamane ria e kinane ria,turane tune ria,o a malala ne ria na ragu,Deo bari habi ne ria a parava biri 100 tabu langa ne virika maki ri pe ia biri habia ne ria ni mahuri i tabuli vakaroro vakaroro. ³⁰ Pali i kupo e hurika bakovi erei ri muga bara ri muri tabu,pali erei a bakovi ri muri bara ri muga tabu.