¹ Muri na parava i tolu,i takoka tara a ni parani i bele o Kanan iea o Galili,e kinane Isu made vona hini nga. ² Huriki ri gale Isu turane huriki a murimuri vona rigi valai vona ra ni parani iea. ³ Tahuna a wain i lobo,kinane Isu i takia,"huriki ri uka wain." ⁴ Isu i takia,"ngatavine,ra hini nga kama leho nau tahuna ne nau kimi valai ma." ⁵ Kinane Isu i taki e huriki a voravora,"ara maki i takiamua, mu rata." ⁶ I tahoka ulo i polo tara naru na kedo i tabuli ne vone huriki a Juda rigi hilolo na narone ria,i taku taku na ulo nakedo i kara biri nugu maki maea 120 lita na naru. ⁷ Isu taki maea ria,"Vakavonu virika ulo na naru."Lakea ri vakavonu viriki a ulo na naru i vonu hateka. ⁸ Lakea Isu i taki e huriki a voravora,"Bole ranga mu vano muhabi na bakovi matakari a maki ni kani."Re bole lokovonga. ⁹ Matakari na maki ni kani i tonia ra naru i bele manga wain,pali ia kimi palala vona ra naru ia i valai vai(pali e huriki a voravora erei ri bole a naru ri lohoka).Lakea ri gale a bakovi ni parangi ¹⁰ i taki maia eia,"Huriki a bakovi ri habi taro a ni muga na wain na tahuna ri ninu pali,lakea ri bole a viri hale ri habi pali ioe komo habi a wain kamumu,ngane kunana o bole valai." ¹¹ Ra makea ni mugana ni ta vaka bele e Isu i ratea o Kana iea o Galili,ge vakasiri,ia i dagi a rana e huriki a murimuri e Isu ri masia rigi luhoi tora. ¹² Muri na hini nga e Isu i puru lakea o Kapenium turane kinana,huriki turana a murimuri vona ri made na parava ranga vonga. ¹³ A parava dagi na habu ne huriki a Juda i valai tabukoi,e Isu i sike o Jerusalem. ¹⁴ Isu i matai e huriki a bakovi ri habi vakuloi a maka bulmakau turana sipsip a kadirovo pololilo na roho ni vasileki,huriki a bakovi ni ngoli a moni ria ranga ri made vonga. ¹⁵ Lakea e Isu i bole ranga mota i ratea vona tara wip lakea i lili tala huriki a bakovi pololilo na ruma ni vasileki,turana sipsip a bulmakau.ne ria i lakea i puloa a dede na huriki abakovi ni ngoli a moni. ¹⁶ I taki e huriki a bakovi ri vahabi na maka kadirovo,"Rata voroki koea a maki nga.na hani ratea a ruma e tata ge manga ruma ni vahabi." ¹⁷ Huriki a murimuri vona ri luhoi tara ngava i tabuli na buk e Deo i ta maia,"Iau a ngaru hatekea a ruma vomu,lakea a leho tora vona ra ruma vomu ge tabuli kamumu." ¹⁸ Pali e huriki a bakovi ni mugamuga o Juda ri longoa ra ngava ri nana maia,"Go rata ara ni ta vaka bele ni vakasiri mia maia Deo i pasi ioe ni rata viriki a maki nga?" ¹⁹ Lakea e Isu i koli maia ngava,"O pukapurua bara rata tabua na parava i tolu." ²⁰ Huriki a mugamuga na Juda ri ta maea,"I kara na pida ge ravulu va a polona i polotara ri ratea huriki ra ruma iea ni vasileki pali ioe go ratea na parava i tolu kunana?" ²¹ Pali,Isu kimi ta na ruma ni vasileki,i ta mule na kakaina. ²² Muri na parava i mahuri mule na ni mate, huriki a murimuri vona ri luhoi tabua a ngavana,ri luhoi tora vona ngavane Deo turana a ngava i rata e Isu. ²³ Isu i made o Jerusalem na parava na habu dagi,i kupo e huriki a bakovi a ngatavine ri luhoi tora na rana na parava ri matai e viriki a nita vakabele ia i rata. ²⁴ Pali e Isu kimi luhoi tora ne ria,na rana ia i lohoka pali vona ni luhoi ne ria, ²⁵ kimi kapo na ni luhoi ge tara bakovi ge takia na narone huriki abakovi,ia i palala vona pali a ni luhoi ne ria.