Rafael_Rodriguez-guh_mic_text

CAPITULO 7

¹ ¡Jjanumi tsane!Pora jjanü tsane be pekuey nawereta way javata berebereka,abajju pekaytuatsijaba pe nakopatajaba uva pekuey viñedo jabata.Ajibi baja pe paruu pe kuey pe namatakajjinae nejja,apo itsajiviyo higos java jjancv jitsipajû bajayota. ² Pajiviji peitoribijava ejjana ajibi ejjanatsi ira jabata,ajibai pejjania jivi dajjita ma pa ira javata.Dajjita ma pamonae epanaena pejana,kae jiviyo najuruita pija pejuyapijinü petaykaybijavata. ³ Pija pekobe pejjania java pe itsi nejja pe abeje itsi nejja:tomara peytorobinü bajuka palata,penekoninü na jjanivaeta pe nametsunutsinejja,jivitinü bitso pe asaü jumeitsi itsa nü javaberia ponü jitsipa pe jjainainejja.Nejjata,pamonae bajara kuaykuay jay kay kuenia. ⁴ Pamonae bitso pejjania be Zarzal java,bitso pejjania itsi be ponakuenia pejjainae petseke java.Bajara pa matakabi jumeitsitsane nija evetsinü,pa matakabi nija ka kuentatsi.Akonojjae pa matakabianü na ajamatabükawübi ejjana. ⁵ Apo jumekowü nutame putsa apo itsijivityo ata penajuaponaponaenübeje.pa jjania taema pajjanuta pa najumeitsimü pa petiriwa javaberia nija pemajjutajava nakuero eveta. ⁶ Beitsi pejjunato aüra ejjana pija pajja,pejjunatova baraenaepana pija ena java,baekopena pija pame vekua java.Wajabitsoübi java jivitonüjaja pija bo ponapona pija bo javata. ⁷ Beitsi janü javata,jjanü taenükajû TUJJANENÜ.Jjanü evetajûtsane DIOSO tane yavenonae,taja DIOSO ne jumetaetsane. ⁸ Apo nebariyaya jjanü javata,taja wajabitsaunübi.Kujinae jopainikajû jjanü,jjanü namatakotsienajû.Pakujinae jamatabüpe kiri javata ekajû,TUJJANENÜ tsane ikotia jjanü nejja. ⁹ Beitsia jjanü pebisia ejjanajû TUJJANENÜ wekua javata,jjanü sautajû pija anaepajava tane yamatamota taja jamatabü kueneta,itsi yajava nekonita jjanü javata,PONÜ netokarenatsane ikotia java,jjanü java tae nukae tsane neyavenonae nejja pija justicia java.